Escrito por Redacción Camarinas.eu Redacción Camarinas.eu

Categoría: Xaviña e Santa Mariña Xaviña e Santa Mariña

Created: 12 Xuño 2019 12 Xuño 2019

• Sucesos en Xaviña
• Decesos en Xaviña

Despois duns meses de relativa calma, volvía a azoutar a traxedia na tranquila parroquia de Xaviña cando as máis dolorosas espectativas de saúde dun querido veciño de Xaviña se facían realidade. Na tarde deste mércores 12 de xuño de 2019 esta redacción recibía a triste noticia da defunción do noso querido amigo Don José García Grille, máis coñecido como "Antonio da Roupa" aos seus tempranos 58 anos de idade. Don José Antonio, moi coñecido en toda a Costa da Morte debido ao seu traballo como vendedor ambulante polas feitas da bisbarra, falecía despois de sofrir un repentino trastorno de saúde que o deixaba ingresado en estado crítico no Hospital Virxe da Xunqueira de Cee para, finalmente, falecer na tarde de hoxe acompañado da súa familia. O corpo sen vida do noso querido amigo está sendo velado no Tanatorio Municipal de Camariñas Irmáns Fernández Espín, dende onde sairá cara a Igrexa de Xaviña ás 17:00 horas deste xoves 13 de xuño. Xa no sagrado templo xaviñán, será celebrado o funeral de corpo presente pola alma de don José Antonio para, acto seguido, ser realizado o seu sepelio no Cemiterio Parroquial de Santa María de Xaviña onde Don José Antonio terá merecido descanso eterno. Vaia dende esta redacción o noso máis firme apoio a toda a familia de Don José Antonio García Grille, especialmente á súa dona Norma e ao seu fillo Antonio nestes durísimos momentos que están a pasar. Descanse en Paz.

• Seguinte