• Accidente de Enrique Canosa

    Enrique, gran xogador de balonmán nunha imaxe co seu equipo da alma: o CB Balonmán Camariñas

    Enrique, gran xogador de balonmán nunha imaxe co seu equipo da alma: o CB Balonmán Camariñas

    A gravidade das súas feridas fixo nun primer instante pensar o peor.  Hai xa uns días que está estable e consciente e cáseque recuperado das súas graves feridas. Pero os familiares e amigos de Enrique, fillo do gran electricista xaviñán Manuel Canosa, pasamos unhas semanas realmente desesperantes ante a gravidade na que se atopaba este xoven xaviñán no hospital Juan Canalejo debido a un accidente automovilístico acontecido no concello de Cabana hai caseque un mes cando o noso amigo voltaba un venres do seu traballo dende A Coruña. Enrique, un rapaz xoven e forte sobrepúxose a esas terribles feridas e xa dentro de pouco voltará xunto a súa muller e o seu precioso fillo que non se separaron del nesas terribles e duras semanas de internamento no hospital. En fin, desde camarinas.eu queremos animar a toda esta xoven familia despois de todos estes malos momentos e desexar a Enrique unha feliz volta a casa. ¡FORZA ENRIQUE!


  • Todos coa familia Canto Carril

    Manuel Canto Carril, descanse en paz.
    Manuel Canto Carril, descanse en paz.

    Mañá xoves ás 11:30 enterro de Manuel

    Despois da desgracia acontecida onte na recta de Sara en Xaviña, está previsto que no día de hoxe mércores 30 de xaneiro o corpo de Manuel Canto Carril chegue sobre as 6 da tarde á casa da familia no Cruceiro, na parroquia de Xaviña, onde se levará a cabo o velatorio do falecido. O enterro, segundo fontes cercanas a familia, terá lugar mañá no cemiterio de Xaviña ás 11 e media do día. Dende aqui pregamos a asistencia ao enterro para acompañar a súa famillia nestes dramáticos e tráxicos momentos que están a vivir e na medida que sexa posible aliviar aínda que sexa un pouquiño a pena infinita que están sentindo.
  • Morre o coñecido constructor xaviñán Manuel Canto Carril

    Desgracia en Xaviña

    Terceira casa ao fondo foi onde hoxe morreu tráxicamente Manolo
    Terceira casa ao fondo foi onde hoxe morreu tráxicamente Manolo

    A desgracia volveu a caer na tarde deste 29 de xaneiro sobre a parroquia de Xaviña. Alí sobre as 15:30 da tarde, nos baixos dunha casa en construcción atopábase Manolo "O Valente" propietario xunto o seu irmán da coñecida empresa de construcción C.C.C., cando o camión que Manolo estaba manexando e que estaba sendo cargado de terra por unha pala mecánica empotrouse contra a citada pala ao ceder o terreo onde estaba situado o camión debido posiblemente ao peso do mesmo.

    Manuel Canto Carril era un coñecido e querido constructor xaviñán, amigo persoal do Director de camarinas.eu Diego Alonso Freire, o cal soubo desta tráxica noticia que apena a tanta xente do noso concello cando a eso das 4 da tarde se dirixía a sacar unhas fotos a Ponte do Porto: de repente víu nas dúas casas en construcción na Recta de Sara que iban a ser destinadas a vivendas da familia Canto Carril e sedes da empresa un gran operativo da Garda Civil, de Protección Civil e da Policía Local de Camariñas. Alí xa tamén se atopaba o Concelleiro xaviñán Sergio Caamaño e intres despois chegaba recén voltado da súa viaxe por Arxentina o Alcalde Pichurri. Era evidente que alí acontecera unha traxedia, e lamentablemente esto confirmouse. Manolo deixa muller e dúas fillas. En fin, tan só queda darlle o pésame a familia, consolala nestes momentos de dor, e así animamos a todos os nosos usuarios a que deixen testimonio nesta noticia do seu apoio á familia nestes tristes e tráxicos momentos. Manolo, descansa en paz.

  • Electra del Jallas arranxa o poste de luz

    Operarios de Xallas arranxaron o que era un auténtico despropósito
    Operarios de Xallas arranxaron o que era un auténtico despropósito

    As milagres de camarinas.eu

    Visto e non visto. Había un problema, xa está arranxado. Na mañá de hoxe, cun mes de tardanza, operarios de Electra del Jallas procederon á reparación do poste eléctrico contra o que tráxicamente impactara o coche que conducía Divanir Sambade o 21 de outubro. Tan só 15 horas despois de que camarinas.eu se fixera eco do malestar de moitos dos seus usuarios sobre o que era unha cruel neglixencia, e publicara a noticia sobre a broma macabra e o perigo que o poste maldito constituía, operarios de Electra del Jallas  procederon a arranxar o citado poste, como avisaba case que en directo hoxe pola mañá o noso fiel usuario Manolo, de Xaviña. E é que os usuarios de camarinas.eu xa saben que para denunciar un grave despropósito ou unha flagrante inxustiza hai que acudir a un medio de comunicación de verdade, a un medio que teña unha gran capacidade de difusión, porque de outra forma as súas queixas ninguén as lee, e éstas caen no vacío. Pero por outro lado, tamén pode ser que todo fora unha casualidade...¿ou non?

  • Un mes despois do accidente de Divanir o poste sigue como recordo

    Un mes despois nadie lle meteu man ao poste de luz
    Un mes despois nadie lle meteu man ao poste de luz contra o que faleceu Divanir

    ¡Que alguén borre esta ferida xa!

    O 21 de Outubro deste ano, o xoven Divanir Sambade atopou tráxicamente a morte batendo co seu coche contra un poste de luz no final da baixada da Piosa. Un mes despois o maldito poste segue alí tumbado recordándonos a todos o fatal desenlace.Non sabemos quen é o responsable, se o concello, se Electra del Jallas, se Fenosa, non o sabemos. Nin nos importa. Pero por Deus, que alguén lle evite a esta familia a tortura de ter que ver tódolos días o poste maldito contra o que morreu Divanir. Multiples usuarios de Xaviña dirixíronse nas últimas datas a esta redacción clamando contra este despropósito. Ademáis do sufrimento psicolóxico para a familia hai que sinalar que a farola a pesar de estar derrumbada segue alumeando co conseguinte perigo de que haxa cables soltos. Ademáis de ser un perigo para a circulación. O dito, que alguén, quen sexa, arranxe esto xa.



  • Misa de Agonia por Divanir

    Imaxe do enterro do xoven Xaviñán
    Imaxe do enterro do xoven Xaviñán

    Hoxe ás 18:45 celebrarase a "Misa de Agonía" por Divanir Sambade Româo

    A familia de Divanir Sambade por medio dun comunicado que nos manda Laura Sambade quere agradecervos a todos vós, os usuarios de camarinas.eu, as mostras de apoio e cariño amosadas durante esta tráxica e dura semana para a familia do xoven xaviñán. Ademáis de agradecer este apoio anunciannos que mañá as 7 menos cuarto da tarde haberá unha Misa de Agonía na memoria de Divanir que todos tanto recordamos. Seguro que Don Mario saberá calmar un pouco si cabe toda esa dor que a perda de este bo rapaz causou nos seus achegados. Desde camarinas.eu facemos un chamamento a todos os nosos lectores para que acudan a apoiar e estar coa familia nestes durísimos momentos que están a atravesar.
  • Divanir Sambade: Descanse en Paz

    A antiga Igrexa de Xaviña vivío o seu día máis triste
    A antiga e inmemorial Igrexa románica de Xaviña vivío o seu día máis triste

    Multitudinario enterro do xoven xaviñán

    Despois do drama que anonadou a todo un concello, xa se pode decir que Divanir Sambade descansa en paz: a lá no silencio e tranquilidade do Cemiterio Parroquial de Xaviña despois dun enterro triste e amargo. Alí puidéronse ver grandes mostras da dor que producíu a pérdida dun bo rapaz ao que lle quedaba toda a vida por diante e no que prácticamente toda a parroquia de Xaviña enteira se dou cita para rendirlle unha sentida homenaxe a este rapaz novo que perdío a vida na carretera. Divanir, que Deus che teña na Gloria.

  • Accidente mortal en Xaviña

    A televisión de Galicia desprazou unha unidade móbil a Xaviña
    A televisión de Galicia desprazou unha unidade móbil a Xaviña

    Un rapaz de Xaviña, víctima mortal dun grave accidente.

    Esta madrugada sobre as 7:00 da mañá producíose un terrible accidente en Xaviña á altura da Piosa. Un coche conducido por un rapaz xaviñán duns 20 anos que viña da Ponte do Porto perdío o control baixando pola Piosa e empotrouse finalmente contra un poste da luz. O rapaz morreu no acto. Segundo testigos presenciais o coche circulaba a gran velocidade. O rapaz de iniciales D.S. chegaba de Ponteceso dunha noite de festa no "NoiteBús" que pasa na Ponte do Porto e alí baixou para coller o seu coche e dirixirse á súa casa. Nunca chegou, baixando a costa da Piosa, fóiselle o coche na curva empotrándose contra un poste de luz e morrendo no acto. En camarinas.eu sumámonos á dor da súa familia e amigos e dámoslle o noso máis sentido pésame.

  • Noticia da Cadena Ser sobre o barco de Camariñas "Gallego Jose"

    Gallego José, o primeiro barco pola esquerda recollendo chapapote do Prestige
    A Cadena Ser envíanos hoxe unha noticia na que di que según a Capitanía Marítma da Coruña o barco camariñán Gallego José, pertencente a unha das sagas máis míticas de mariñeiros de Xaviña (Os Jallejos) non ten a estabilidade óptima para seguir navegando.