• 1º Cabodano de Aarón Rojo Luaces

    Este sábado 6 de agosto de 2013 todo o Concello de Camariñas lembrará a Aarón

    Agora que Galicia a duras penas se sobrepoñe á terrible masacre acaecida nas vías do tren de Santiago de Compostela o 24 de xullo, se houbo unha desgracia que golpeou dun xeito brutal ao Concello de Camariñas ao longo de 2012 foi sen dúbidas o falecemento en fatal accidente de tráfico do xove xaviñán de 18 anos Aarón Rojo Luaces. Foi nas primeiras horas dun sábado 4 de agosto, cando voltaba como coopiloto dun turismo da Festa de Carantoña ca mala sorte de aquela viaxe había de ser a última para tan gran rapaz, estudioso e  traballador, respetuoso e educado, seguindo a estirpe clásica da veciñanza xaviñana.
  • Accidente dun percebeiro nas Baleas

    Momento en que o noso querido amigo O Petrallo está sendo atendido polo servicio de urxencias

    Tensos momentos de incertidume e angustia os que se viviron en Camariñas na mañán deste 25 de xuño de 2013. Era pouco despois do mediodía cando á redacción de Camarinas.eu chegaba a noticia de que un percebeiro se atopaba desaparecido nas inmediacións de Reira: trataríase dun antigo experto deste perigoso oficio que desaparecería no entorno das Baleas. Poñíase en marcha de inmediato un operativo de Protección Civil de Camariñas , da Guardia Civil así como dun equipo médico chegado a bordo dunha ambulancia que se presentaban no citado areal camariñán. Alí comprobaban con alivio como o noso querido amigo, o percebeiro santamariñán o Petrayo, esvarara nunha das rochas das Baleas rompéndose ao momento a tibia e o peroné. Dado a baixamar reinante en Reira, os facultativos xa o trataban sobre as mesmas rochas e axudados polos seus compañeiros de singladura transportaban ao convalecente ata a Punta do Boi e posteriormente cara a terra, onde a ambulancia estaba xa lista para levalo ata o centro hospitalario máis cercano. Remata así polo tanto un suceso que felizmente non pasou a maiores e que traerá como maior consecuencia un forte susto, unha gran dor e un período esperamos breve de convalecencia para un percebeiro experimentado como o noso querido amigo o Petrayo.
  • Jaime Trillo Ogando D.E.P.

    Jaime Trillo Ogando, o falecemento dun empregado municipal de toda a vidaXusto nos días nos que o Concello para o que traballou cáseque toda unha vida andaba inmerso na voráxine que supón a celebración dunha Mostra do Encaixe falecía na súa casa do Sixto de Xaviña Jaime Trillo Ogando. Tiña lugar o fatal desenlace na tarde do domingo 31 de marzo de 2013, Domingo de Resurrección, cando aos seus 61 anos por mor do cancro que arrastraba dende hai xa uns anos abandoaba este mundo o que fora durante tantos anos barrendeiro municipal e conserxe do CEIP da Ponte do Porto. Orixinario de Castrelo, xaviñán por matrimonio, deixa Jaime unha esposa, María Inés, e tres fillos, María Asunción, Diana e Alberto. Tralo seu falecemento, celebrábase o seu funeral de corpo presente na Igrexa Parroquial de Santa María Xaviña na tarde do luns 1 de abril con numerosa concurrencia de amigos e veciños que daban deste xeito o seu derradeiro adeus a este empregado municipal de toda unha vida. Vaia dende Camarinas.eu o noso máis sinceiro pésame para familia e amigos. Don Jaime Trillo Ogando, Descanse En Paz.
  • Manuel Mouzo Rodríguez D.E.P.

    Manolo Mouzo Rodríguez falecía este mércores aos 79 anosA paz bucolólica, a tranquilidade rural, de Brañas Verdes víose enturbiada este mércores 30 de xaneiro de 2013 co falecemento dun dos seus escasos veciños. Transucurría a mañá do día en cuestión cando na súa casa falecía o Señor Manuel Mouzo Rodríguez de 79 anos de idade. Deixa Don Manuel unha esposa, Señora María, e dúas fillas, ambas casadas na localidade veciña de Arou. O velatorio está tendo lugar no Tanatorio Costa de Vimianzo e o seu funeral de corpo presente está previsto que teña lugar cara ás 17:00 deste desapacible xoves de finalización do mes de xaneiro na Igrexa Parroquial de Santa María de Xaviña. Vaia dende Camarinas.eu o noso pésame á familia deste novo veciño da nosa terra que se nos vai. Don Manuel Mouzo Rodríguez Descanse En Paz.
  • Roubo no Restaurante Rojo

    Novo golpe contra un negocio do Concello de Camariñas, desta volta o Restaurante RojoDespois dun período de relativa calma, o imperio do crime voltou atacar Camariñas. Desta volta nun dos locais hosteleiros clásicos do noso concello, un restaurante tan insertado no entramado sociolóxico municipal que ata acabou por dar nome á curva na que se aposenta: o Bar Parrillada Rojo. Era na madrugada deste frío, ventoso, chuvioso e atemporalado mércores 22 de xaneiro de 2013 cando un ou varios descoñecidos se introducían de modo subrepticio no local hosteleiro xaviñán ao amparo das sombras da noite e procedían a sustraer a súa máquina tragaperras. O caso é que os donos do restaurante viven sobre o mesmo, no piso superior, e elo leva a pensar que os ladróns coñecían esta circunstancia polo que procederon a axilizar a súa labor delictiva centrándose só na citada máquina recreativa, conscientes de que si os donos do local se enteraban da súa indesexada irrupción a cousa podería pasar a maiores.
  • Barbarie sacrílega en Xaviña

     A tumba de Aarón Rojo Luaces, víctima dun crimen noxento e despreciableO crime sacrílego máis incomprensible, a broma macabra máis noxenta, tivo lugar na noite deste sábado 17 de novembro de 2012 no Cemiterio Parroquial de Xaviña. Un ou varios descoñecidos irrumpiron no mesmo e destrozaron os adornos florais e  as plantas que, ao carón das súas tumbas, acompañaban o descanso eterno de Aarón Rojo Luaces, María Jesús Lema Martínez e Beto Tajes. Ademáis varios tiestos de plantas e portavelas desaparecían misteriosamente e o pouco valor dos mesmos leva a pensar nunha especie de broma macabra, tal vez un acto de satanismo, como explicación a uns feitos que escapan a todo raciocinio, respeto e comprensión humanas. Non en van estamos a falar de destrozos nas lápidas das víctimas das traxedias máis dolorosas da historia recente de Xaviña: Aarón, víctima dun fatal accidente de tráfico o 4 de agosto do presente ano e María Jesús, falecida tráxicamente xunto ao seu filliño Martín na Noiteboa de 2009.
  • Alejandro Tajes Rodríguez D.E.P.

    O falecemento dun labrego galego, Alejandro Tajes Rodríguez, D.E.P.Na noite deste martes 6 de novembro de 2012 falecía no Hospital de Cee D. Alejandro Tajes Rodríguez. Veciño dos Pions (Xaviña), tiña 90 anos, deixa dous fillos (Maruja e José Tajes Vigo) e unha esposa, Carmen Vigo, da mesma idade co falecido (de feito a diferencia entre eles era de tan só 15 días) e que está convalecente na cama dende fai anos. O curioso deste home é que sendo como foi o maior dunha amplia familia e tendo numerosos irmáns foi o último en morrer. A maioría destes marcharan polo mundo sobre todo cara a Argentina sendo él o único ademáis que quedou na casa matriz de Xaviña, aquela onde naceu e na que está sendo velado nestes mesmos intres. Adicou ao traballo de labrego toda a súa vida. O enterro celebrarase as 4 da tarde na Igrexa de Xaviña, saíndo do seu fogar a procesión fúnebre cara o templo parroquial un cuarto de hora antes, ás 15:45 horas. Vaia dende Camarinas.eu o noso máis sentido pésame aos seus familiares. Don Alejandro Tajes Rodríguez, Descanse En Paz.
  • Accidente laboral de Manuel Canosa

    Momento no que o helicóptero de urxencias se pousaba para recoller a Manolo o ElectricistaGrave susto o que levamos en Camarinas.eu ao enterarnos cara ás 17:00 horas deste sábado 3 de novembro de 2012 de que un dos grandes amigos desta redacción, o electricista xaviñán Manuel Canosa Bermúdez, acababa de sufrir un aparatoso accidente que facía necesaria a intervención do helicóptero de emerxencias. Aconteceron os feitos nunhas instalacións nas que se atopaba traballando nese momento non lonxe da Curva do Rojo, en Xaviña, cando recibía unha forte descarga eléctrica que fixo pensar o peor nuns primeiros instantes. Ante o aparatoso do suceso poñíase de inmediato en marcha un dispositivo de urxencia que considerou necesario chamar neste crucial momento ao helicóptero de emerxencias para a súa rápida evacuación.
  • Grave atropelo na Recta de Xaviña

    A nai do ex-alcalde Bautista Santos Ramos atropelada de gravidade este luns 22 de outubro A tranquilidade ancestral de Xaviña víose tráxicamente enturbiada cara ás 20:30 horas deste luns 22 de outubro de 2012 cando a Señora Cielo, sogra do ex-alcalde do Concello de Camariñas durante 24 anos Bautista Santos Ramos, era atropelada de gravidade. Os feitos acaecían diante da Casa da Sociedá, en plena recta de Sara, cando esta octoxenaria  xaviñana se dispoñía a cruzar a calzada e un automóvil procedente de Camariñas, supostamente pilotado por un veciño de Cures segunda a versión que circula a día de hoxe pola Vila das Palilleiras levouna por diante. De forma inmediata púxose en marcha un dispositivo de emerxencia que rematou ca rápida evacuación de Dona Cielo cara o Hospital Universitario da Coruña, o durante tantos anos, toda unha vida, chamado Juan Canalejo, onde está en observación.
  • Amelia Suárez traslado de urxencia

    O helicóptero de urxencias despegando do Muelle Novo camariñán este luns 22 de outubroAs desgracias non acabaron co acaecido este domingo 21 de outubro de 2012 e así na mañán do día da resaca, este luns, o helicóptero de urxencias voltaba a facer un dos seus vos salvadores cara a vila de Camariñas. Pouco despois da media mañán un dos lectores de Camarinas.eu chamaba á redacción para dar aviso dunha nova visita do helicóptero de emerxencias. Desta volta foi para recoller no Muelle Novo camariñán a unha veciña de Santa Mariña chamada Amelia Suárez Lema de 82 anos de idade que acababa de sufrir un ataque ao corazón. Tras ser trasladada de urxencia dende o seu fogar da cara norte do concello á capital municipal era evacuada deste xeito á sección de enfermidades coronarias do Hospital Clínico de Santiago de Compostela. Neste momento estamos esperando que nos confirmen o estado da Señora Amelia Suárez Lema para tranquilizar aos seus moitos coñecidos e amigos. O helicóptero de emerxencias, un servizo básico, vital de necesidade, que salvou tantas vidas xa no noso concello e que ca tromba de recortes que están por vir tralas eleccións autonómicas podería ver o seu fin definitivo. En todo caso, dende Camarinas.eu esperamos que se confirme a melloría no estado de saúde de Dona Amelia.
  • Manuel Mouzo Castro D.E.P.

    Manolo nunha das últimas fotografías da súa vida

    Un dos grandes amigos desta redacción fóisenos para sempre. Na mañán deste sábado 22 de setembro de 2012, cando recén comenzaba o outono, falecía aos seus 45 anos Manuel Mouzo Castro. Fillo único, veciño de Brañas verdes, arrastrou Manolo durante estes últimos tempos un cáncer fatal que nas primeiras horas do día de hoxe, durante o transcurso dunha sesión de quimioterapia no hospital, o levou para sempre. Persoa aberta e faladora, moi querida entre a xuventude, de educación exquisita, estivo casado con Sesé Luaces (veciña de Camariñas) e deixa un filliño de 13 anos chamado Javier. Podíamos compartir uns instantes con el recentemente durante o enlace matrimonial de Cris e Adrián e alí nos contaba como facía frente con coraxe e tesón á enfermidade que se fixera forte no seu corpo. Finalmente e de forma lamentable ésta acabou gañando a partida e deixounos sen o gran amigo que sempre foi Manuel Mouzo Castro. O corpo sen vida de Manolo está sendo velado pola súa familia e amigos dende este mediodía no tanatorio que a funeraria Costa posúe en Vimianzo e está previsto que o enterro teña lugar mañá domingo na Igrexa Parroquial de Santa María de Xaviña. Manolo, amigo, alá onde agora te atopes que Deus che teña na súa gloria. Descansa En Paz.
  • Temporal de verán en Camariñas

    Un dos operarios de Protección Civil este venres as 4 da madrugada na ChandeiraEran aproximadamente sobre as catro da madrugada deste ventoso e treboento venres 24 de agosto que recén comenzaba cando a dotación de Protección Civil de Camariñas era alertada polo 112 acerca dunha árbore tirada á altura do lugar da Chandeira en Xaviña que obstaculizaba o tráfico rodado. Ata alí desprazáronse inmediatamente Tedín, que deste xeito víase obrigado a sacrificar momentáneamente as súas vacacións estivais, e Manolo da Ponte os cales na oscuridade da noite raudos acometían as labouras necesarias para librar a carretera do pino que supoñía un obstáculo insalvable para a circulación. Despois de rematar este traballo a patrulla de Protección Civil realizaba unha serie de percorridos polas distintas carreteras do concello na búsqueda de outros posibles desperfectos non atopando finalmente nada máis de relieve que sinalar durante os mesmos. O curioso do asunto é que sucesos deste tipo non soen acontecer durante o verán, así que a opinión predominante entre estes dous experimentados membros de Protección Civil era a de que debío de producirse un remuiño, unha especie de pequeno ciclón estival, que acabou tumbando fatalmente a árbore en cuestión. O Caribe, un huracán hawaiano, o Katrina asolando New Orleans, na reducida escala de Xaviña.
  • Aparatoso accidente na Costa do Pitero

    Esta é a espectacular imaxe quearroxa o novo accidente de tráfico acontecido en Camariñas

    Parece como si, formando parte da maldición bíblica que se cerne sobre o Concello de Camariñas por culpa dos pecados pufistas e noxentos dalgún okupanáuticos malvado e bebedor, unha praga de accidentes de tráfico estivese a asolar a nosa terra. O último exemplo desta cadea ininterrumpida de sinistros nos que un automóvil é o protagonista aconteceu nas primeiras horas desta tarde na Costa do Pitero, cáseque xa entrando na Curva do Rojo. Eran sobre as 16:00 horas cando un Citroen conducido por uns veciños de Camariñas baixaba pola mencionada costa seguido por un Seat Ibiza a cuios mandos ía unha veciña de Santa Mariña. Foi, segundo contaban testemuñas presenciais, ao tentar virar o primeiro dos coches cara o cruce que leva ás Praias de Reira cando o Seat Ibiza que ía detrás non puido frenar a tempo e producíase un espectacular accidente que arroxaba unha apocalíptica imaxe de coches volcados, pero que afortunadamente non traía consigo consecuencias de maior envergadura salvo o traslado de polo menos un ferido ao hospital comarcal A Xunqueira de Cee.
  • Aarón Rojo Luaces D.E.P.

    A desgracia volve a Xaviña: Aarón Rojo Luaces, Descanse En Paz

    A maior desgracia volvíose a abatir sobre a veciñanza traballadora, seria, de Xaviña na madrugada deste sábado 4 de agosto de 2012. Á altura de Carantoña o automóvil no que viaxaba o rapaz de 18 anos Aarón Rojo Luaces saíase da calzada e impactaba brutalmente contra un poste da luz caendo este precisamente sobre a zona dereita do coche onde viaxaba como copiloto Aarón. Segundo contan testemuñas presenciais, unha vez trasladado de urxencia pola ambulancia, Aarón chegaba con vida ao hospital de Cee e incluso falaba ca súa nai pero pouco despois sucedía o peor e Aarón falecía. No automóvil siniestrado viaxaban outros dous rapaces que non sufriron feridas de gravedade. Aarón (19/07/1994) era un rapaz xovial e alegre, moi aplicado nos seus estudios e moi respetuoso coa súa familia. Sempre o podíamos ver coa súa gaita acompañando ao grupo Abrindo Rejo de Xaviña do cal formaba parte.
  • Amelia Rodríguez Lema DEP

    A Señora Amelia finou este domingo 3 de xuño de 2012

    Este domingo 3 de xuño deixaba este mundo a querida veciña de Xaviña dona Amelia Rodríguez Lema despois de varios anos padecendo graves problemas de saúde. Señora Amelia, máis coñecida como Amelia da Carrila tiña 75 anos de idade foi velada na súa casa  e será enterrada no Cemiterio Parroquial da súa querida Xaviña ás 19:00 horas deste luns 4 de xuño despois de se celebrar o funeral de corpo presente na Igrexa de Santa María. Dende Camarinas.eu queremos expresar ás nosas máis sinceiras condolencias a toda a familia especialmente á súa filla Teresa e amigos desta gran muller que nos deixou para sempre este domingo 3 de xuño de 2012. Señora Amelia, Descanse en Paz.
  • Enrique Tajes Rodríguez DEP

    Don Enrique Tajes finou este martes 19 de setembro de 2011

    Na madrugada deste martes pasado, 19 de setembro de 2011 finaba na súa casa da Costa aos 83 anos de idade o veciño de Xaviña Don Enrique Tajes Rodríguez máis coñecido coma "O Paneco". Don Enrique xa viña padecendo unha grave enfermidade dende hai varios anos e onte, lamentablemente, díxonos adeus para sempre. O corpo sen vida de Don Enrique está sendo velado na súa casa ata que as seis da tarde deste martes 20 de setembro  sexa acompañado polos seus familiares e amigos ata a Igrexa Parroquial de Santa María de Xaviña onde será realizado o funeral en corpo presente. Posteriormente procederase a celebrar o sepelio no Cemiterio Parroquial de Xaviña onde Don Enrique descansará para sempre. Dende Camarinas.eu queremos expresar a nosa máis profunda pena pola morte desta gran persoa e queremos mostrat as nosas condolencias a toda a súa familia e amigos. Don Enrique Tajes Rodríguez, Descanse en Paz.
  • Efectos do temporal Becky en Santa Mariña

    Efectos do temporal Becky en Santa Mariña
    A amenaza doutro forte temporal, este vendavalado, recibe ao visitante que na mañán do sábado 13 de novembro de 2010 vislumbra dende as alturas que dominan Santa Mariña un mar perennemente encabritado. Pedras esparcidas por doquier, enormes trozos de asfalto arrancado, obrigan a pensar na paisaxe resultante de manifestacións de estudiantes contra a policía, de 100.000 obreros en paro, cabreados e frustrados, aqueles niñatos de 1968 en París, no Cojo Manteca, quen sabe... Nin rastro das nasas supostamente arrasadas por unha orxía de auga e vento. Segundo a prensa, os técnicos do Concello (¿?) cifran os danos ocasionados pola Tormenta Becky en 620.000 euros. O día de autos un percebeiro santamariñán laiábase a quen quixera escoitalo que o temporal ocasionáralle danos nos seus pertrechos valorados en "máis de 8.000 euros" e un non pode evitar recordar ao tristemente falecido Luis García Berlanga e a súa profética, visionaria, "Bienvenido Mister Marshall". Entón só  queda darlle gracias a Deus de que os danos non foran valorados polos citados técnicos en 6 ou en 60 millóns. A chuvia azota xa duro na cara cando o visitante en ruta itinerante chega ao Porto de Arou e contempla un escenario propio de calqueira dos periódicos terremotos da cuenca andina. Unha carretera no altiplano boliviano, un camiño na sierra que rodea Cuzco, un grupo terrorista, unha banda paramilitar, quen sabe si o exército, agazapado tras unha roca desprendida no recodo dun camiño incerto. Chegamos xa cun temporal desatado a Camelle, estación terminal do vía crucis camariñán cun cartel que da a benvida ao visitante ás portas mesmas do que un día fui o Museo do súbdito de nacionalidade xermana Manfred Gnadinger: "Camelle esixe ás administracións implicadas o arranxo do Museo do Alemán. A.A.V.V. A Pergoliña" e aquí tamén o visitante non pode evitar recordar o premonitoria, visionaria, que foi a enquisa organizada, hai anos xa, por unha web entón de recente fundación na que os seus lectores para solventar a cuestión de que facer co legado de Man decantáronse nunha porcentaxe próxima ao 25% pola opción "Deixar que o mar tire con todo". E entre tanta desolación, entre tanta ruina, tanta aflicción, tanto recordo, surxe unha pregunta:  e de todo esto ¿a quen se lle pode botar a culpa?
  • Incendio Forestal de Xaviña - Tensión máxima

    Os equipos de extinción de incendios comproban o estado do lume no Campo do Turco de Xaviña
    De forma semellante a aquela colina vietnamita arrasada polo nápalm da aviación norteamericana da que falaba Robert Duvall no film Apocalypse Now visitar na mañán deste luns 16 de agosto de 2010 a cima do Campo do Turco en Xaviña era adentrase por unha paisaxe lunar devastada, por un manto negro de terra calcinada que obrigaba aos equipos de extinción de incendios a permanecer en estado de máxima alerta ante os múltiples focos de lume que revivían por doquier. Un día caracterizado por un operativo ininterrumpido de helicópteros que recollían auga na Vasa, polo tronar sordo de motores de hidroavión que amerizaban sobre as augas do Porto de Camariñas ante a ollada dunha expectante multitude para tratar de rematar un incendio que parecía definitivamante sofocado cara ás 4:00 da mañán do luns. Un día de caras cansadas, de ollos chorosos e de rabia contida. Os técnicos da Xunta de Galicia falan dunha extensión forestal calcinada próxima ás 100 hectáreas que terían a súa orixe en catro focos de lume distintos, todos eles provocados polo descuido culpable do ser humano. Nembargantes á hora na que a presente  noticia se publica chegan noticias de rescoldos que volveron cobrar vida, polo que a alerta segue a ser máxima en Xaviña. Un equipo de camarinas.eu, presente xa dende os primeiros momentos no maior incendio que asolou o Concello de Camariñas en catro anos, adentrouse nos lugares máis afectados polo lume para constatar a envergadura do dano causado, para comprobar a paisaxe despois da batalla. Unha batalla que continúa en Xaviña.
  • Incendio Forestal devastador en Xaviña

    Ao Alcalde Pichurri non lle quedou máis remedio que axudar nas labouras de extinción do lume en Xaviña
    Celebraba a parroquia de Xaviña as festas en honor a Santa Ana cando preto das 14:30 horas, xusto unha vez rematada a traca de bombas de palenque e instantes antes de que a Orquesta Trole puxese fin á súa actuación no baile vermouth, un pequeno fume empezaba a tomar forma de modo inquedante non moi lonxe do Cemiterio Novo xaviñán. De forma semellante ao acontecido o ano pasado en Xuxo con motivo das festas en honor á Virxe do Pilar... Co pasar dos minutos, ese pequeno conato de incendio convertíose nun inferno de lume e fogo que comenzou a subir raudo e veloz pola ladeira do monte que leva cara o Campo de Tiro de Xaviña. Xa dende o primer momento o Alcalde de Camariñas Pichurri, presente no baile vermouth, acercouse ao lugar de autos e ante a gran entidade do incendio e a escaseza de medios con que combatilo non tivo máis remedio que tomar parte nunhas labouras de extinción nas que chegaron a intervir voluntarios de Protección Civil de Camariñas, operarios do Concello, a cuadrilla comarcal de SEAGA de loita contra o lume, varios camións motobomba, un avión e un helicóptero, así como diversos veciños de Xaviña. No momento de publicarse a presente noticia o lume expandíase devastador en forma de cuña amenazando por un lado o Areal do Ariño e descendendo vertixinosamente pola outra vertiente cara á Ensenada da Vasa. Precisamente, formada polo fume provinte dos incendios que a esa mesma hora estaban a asolar Xaviña, Vimianzo e Dumbría unha densa néboa co arrecendo típico do pino queimado invadía a Ría de Camariñas e daba a benvida aos iates que se aventuraban pola mesma. Por último sinalar que as fincas afectadas eran maiormente de propiedade privada, non da Asociación de Montes de Xaviña, e que tal e como xa advertía camarinas.eu con ocasión dunha noticia publicada o 05-07-2010 ("Situación actual dos Montes de Camariñas"), non presentaban un adecuado estado de limpeza e cuidado, o cal sen dúbidas contribuío a propagar un incendio que lamentablemente quedará rexistrado nos anales da Parroquia de Xaviña como aquel no que o día de Santa Ana asolou os seus montes.
  • Maria Jesus Lema Martínez, D.E.P.

    Traxedia absoluta en Xaviña

    Non hai palabras para expresar todo o dolor e a pena que este 24 de decembro se abatío sobre  Xaviña
    Non hai palabras para expresar todo o dolor e a pena que este 24 de decembro se abatío sobre Xaviña

    A maior desgracia posible, o dolor máis atroz e profundo abatíose na tarde deste 24 de decembro, Día de Noiteboa, sobre a parroquia de Xaviña.  Segundo noticias que empezaron a chegar no medio do estupor máis absoluto, cara as 15:00 horas María Jesús Lema Martínez, funcionaria de correos da oficina postal de Camariñas e veciña de Xaviña e o seu neno Martín, de dous anos, falecerían nun terrible accidente de tráfico acaecido no punto kilométrico 69,800 da estrada AC-552 que une Carballo con Cee, concretamente á saída de Vimianzo, nunha colisión frontal que deixaría ferido leve ao conductor do outro vehículo siniestrado.

    O dolor profundo por semellante traxedia agrávase nesta redacción polo feito de que hai un ano e medio, concretamente un 4 de maio de 2008, esta web publicaba a noticia da voda celebrada na Igrexa de Xaviña entre Maria Jesús e o seu marido Francisco, camioneiro de profesión e natural de Vilaseco, e do bautizo de Martín, fillo de ambos, evento cuberto por un Diego Alonso Freire que non da creto ao sucedido e lamenta no máis profundo do seu ser tan terrible accidente. Un Nadal que se volve tinguir de luto no Concello de Camariñas por segundo ano consecutivo, xa que o próximo día 31 de decembro cumprirase o cabodano do tráxico falecemento na Coruña de Juan Carril Ramos. Aínda que sexamos conscientes de que as nosas palabras non poderán consolar nin siquera mínimamente o dolor tan inconmensurable e absoluto da súa familia, esta redacción ao completo en nome de tódolos seus usuarios quere dar o seu máis sinceiro pésame á familia de María Jesús e Martín nestes momentos. Descansen en Paz.