Despois da longa recuperación de nosa querida amiga Ángeles, xerente do Café Bar San Remo, tivo que padecer ao sofrir unha enfermidade que a postraba no hospital por caseque medio ano, agora cébanse co seu negocio os malnacidos amigos do axeno. Na madrugada deste martes 20 de febreiro uns descoñecidos asaltaban (e xa van dúas veces en menos de seis meses) o local hostaleiro situado en pleno paseo marítimo camariñán arrancando de cuaxo a verxa metálica de seguridade que pecha o local hostaleiro. O sistema para facelo saltar polos aires foi ben sinxelo, amarrando unha cadea ao portal para tirar del mediante o potente motor do coche dos cacos. E a pesares do gran estruendo que produxo non temos constancia de que ninguén se enterara do asalto, e pensamos que foi mellor así xa que tal e como andan crecidos os delincuentes esto estase a parecer máis a un pobo olvidado do medio oeste norteamericano do século XIX que unha vila española do século XXI.

Non sabemos que é o que está a pasar con este principio de ano 2018, pero o caso é que debe de ser un dos comezos de ano máis tráxicos que un redactor lembra dentro do ámbito municipal de Camariñas no que respecta a defuncións. Na tarde deste mércores 14 de febreiro tiñamos coñecemento do desgraciado pasamento do querido veciño de Camariñas Don José Antonio Pensado Pérez aos seus tempranos 59 anos de idade despois dunha terrible enfermidade que ao final levouse a vida deste estimado veciño da vila das palilleiras. O corpo sen vida de Tatá, como era cariñosamente coñecido en toda Camariñas este lobo de mar, mariñeiro de toda a vida, está sendo velado no Tanatorio Muncipal Irmáns Fernández Espín de Camariñas, dende onde sairán os seus restos mortais ás 17:15 deste xoves 15 de febreiro de 2018 cara a Igrexa Parroquial de San Xurxo de Camariñas para ser celebrado o seu funeral de corpo presente. Acto seguido, o corpo sen vida de Don José Antonio Pensado Pérez, será trasladado ata o Cemiterio Parroquial de Camariñas onde terá merecido descanso eterno. Dende esta redacción queremos expresar as nosas máis sinceiras condolencias a toda a familia e amigos de Don José Antonio Pensado Pérez, Descanse en Paz.

Continúa o incensante goteo de defuncións deste terrible comezo de ano 2018 en Camariñas. Na madrugada deste martes 23 de xaneiro de 2018 falecía no hospital Abente Lago da Coruña Dona Eleuteria García Martínez aos seus 85 anos de idade. Os restos mortais de Dona Eleuteria, viúva de Antón do Vigo, están sendo velados no Tanatorio Municipal Irmáns Fernández Espín de Camariñas dende onde sairán esta mesma tarde, exactamente ás 16:15, cara a Igrexa Parroquial de San Xurxo de Camariñas. Acto seguido procederase ao traslado do féretro da querida veciña de Camariñas cara o Cemiterio Municipal onde Dona Eleuteria terá merecido descanso eterno. Vaia dende aquí as nosas máis sinceiras condolencias a toda a familia e amigos de Dona Eleuteria García Martínez, Descanse en Paz.

Na mañá deste sábado 20 do xa tráxico para sempre xaneiro de 2018 falecía na súa casa do barrio do Muiño do Vento o querido veciño de Camariñas Don José Pasantes Espasandín aos seus tempranos 68 anos de idade. Pepe "O Xacobo" como era cariñosamente coñecido tanto na Vila das Palilleiras que o veu nacer así como en gran parte da costa da Coruña, formaba parte desa estirpe de grandes mariñeiros da década dos 70 e 80 que sentaron cátedra en toda a costa coruñesa como verdadeiros mestres mariños que eran, descendentes dunha raza de auténticos lobos de mar. Patrón durante tantos anos do mítico barco camariñán "2º Dorada" que agora despacha coa mesma sabiduría heredada de Pepe o seu fillo Marcos.

Continúa o goteo incesante de decesos que asolan Camariñas neste comezo do ano 2018. Na mañán deste luns 8 de xaneiro a redacción desta web era notificada da tráxica morte do querido veciño de Buría Don Isabelino Canosa Castiñeira aos seus 68 anos de idade. Isabelino, membro durante caseque unha década da comisión de festas do Carmen de Camariñas, foi atopado sen vida na súa casa de Buría por un familiar que dou a alerta aos servicios sanitarios urxentemente sin que estes puderan facer xa nada pola súa vida máis que certificar a morte do noso querido amigo. O corpo sen vida de Don Isabelino está sendo velado no Tanatorio Municipal Irmáns Fernández Espín de Camariñas, dende onde sairá este martes 9 de xaneiro ás 16:45 cara a Igrexa Parroquial de San Xurxo de Camariñas para ser celebrado o seu funeral de corpo presente. Acto seguido procederase a realizar o seu sepelio no Cemiterio Municipal de Camariñas onde os restos mortais do noso amigo tomarán merecido descanso eterno. Vaia dende esta redacción o noso máis sinceiro pésame a toda a familia e amigos de Don Isabelino Canosa Castiñeira. Descanse en Paz.

Na mañán deste 5 de xaneiro de 2017, a redacción desta web recibía a triste noticia da morte da querida veciña de Camariñas Dona María Martínez Álvarez aos seus 89 anos de idade. Señora María, veciña de toda a vida da lexendaria Rúa do Medio, está sendo velada no Tanatorio Municipal Irmáns Fernández Espín de Camariñas dende onde sairá este sábado 6 de xaneiro ás 15:45 horas cara a Igrexa de San Xurxo para ser celebrado o funeral de corpo presente desta gran muller, camariñana de toda a vida. Acto seguido procederase a realizar o sepelio dos restos mortais de Dona María no cemiterio parroquial de San Xurxo onde recibirán merecido descanso eterno. Vaia dende aquí a nosa máis sinceira condolencia a toda a familia e amigos de Dona María, especialmente ao noso amigo de toda a vida e neto da falecida Carlos Ramos Prieto así como a súa irmá Mar. Descanse en Paz Señora María.

Na madrugada deste xoves 14 de decembro de 2017 falecía na súa casa do barrio do Castillo Dona Josefa Mayor Arén aos seus 96 anos de idade. O corpo sen vida de Dona Josefa, unha das persoas máis lonxevas da vila das palilleiras, está sendo velado no Tanatorio Municipal Irmáns Fernández Espín de Camariñas. Será ás 15:30 da tarde deste venres 15 de decembro cando sairán os seus restos mortais dende o velatorio camariñán cara a Igrexa de San Xurxo para ser celebrado o funeral de corpo presente da querida veciña do Castillo. Acto seguido procederase a consecución do sepelio de Dona Josefa no Cemiterio Parroquial de San Xurxo de Camariñas onde os seus restos terán merecido descanso eterno. Vaia dende aquí as nosas máis sinceiras condolencias a toda a familia e amigos de Dona Josefa Mayor Arén. Descanse en Paz.

Continúa o tráxico e incesante goteo de decesos na parroquia de San Xurxo de Camariñas. Na tarde deste mércores 18 de outubro de 2017 producíase no Hospital Juan Canalejo da Coruña o triste falecemento do querido veciño de Buría Don Evaristo Tajes López aos seus 82 anos de idade. Os restos mortais de Don Verito de Pións, como era máis coñecido cariñosamente en toda a vila dos encaixes, están sendo velados na sala 1 do Tanatorio Municipal Irmáns Fernández Espín de Camariñas, dende onde sairán os seus restos mortais cara a Igrexa de San Xurxo ás 16:30 da tarde deste xoves 19 de outubro. No sagrado templo camariñán será oficiado o seu funeral de corpo presente para despois proceder a celebrar o seu sepelio. Dende esta redacción queremos expresar o noso máis sinceiro pésame a toda a familia e amigos de Don Evaristo Tajes López, Descanse en Paz.

Na madrugada desta mañá do 5 de outubro de 2017 falecía na súa casa do barrio de Cedeira Dona Dolores Mouzo Castro aos seus 94 anos de idade. Señora Lola de Lazo, como era cariñosamente coñecida en Camariñas, era viúva de Alejandro de Lazo e está sendo velada no Tanatorio Municipal Irmáns Fernández Espín de Camariñas. O corpo sen vida de Dona Dolores será trasladado hacia a Igrexa Parroquial de San Xurxo de Camariñas dende o tanatorio este venres 6 de outubro ás 17:45 horas para celebrar o funeral de corpo presente da nosa querida e respetada veciña. Xa logo, rematados os oficios relixiosos, procederase a sepultar o seu féretro onde Dona Dolores terá descanso eterno. Dende esta redacción queremos expresar o noso máis sinceiro pésame a toda a familia e amigos da Señora María de Lazo. Descanse en Paz.

NOTA: Haberá servicio de omnibús (Autos Facal): Saída de Camelle ás 16:45, pasando por Arou, Santa Mariña, Brañas Verdes e Xaviña. O mesmo autobús recollerá aos pasaxeiros no Tanatorio de Camariñas para trasladalos ata a Igrexa de San Xurxo e ao rematar o funeral de corpo presente transportará a todos aqueles ata o Cemiterio Municipal de Camariñas.

Voltamos a recibir noticias tristes nesta primeira semana de outubro que comeza como rematou un dos meses máis tráxicos que recordamos no que respecta a defuncións. Na mañán deste soleado catro de outubro de 2017 falecía na súa casa da Rúa Vulcano Dona Dolores Luaces Arén aos seus 90 anos de idade. Dona Dolores, querida e respetada veciña do barrio de Corea está sendo velada no Tanatorio Municipal Irmáns Fernández Espín de Camariñas dende onde sairá cara a Igrexa de San Xurxo ás 17:50 horas deste xoves 5 de outubro para celebrarse o seu funeral de corpo presente. Dende esta redacción queremos expresar as nosas máis sinceiras condolecias a toda a familia e amigos de Dona Dolores Luaces Arén. Descanse en Paz.

Este luns 2 de outubro, ademáis das noticias que aflixen a todos os cidadáns españoles, nesta redacción tivemos que sumar a da desaparición dun bo amigo dos redactores de Camarinas.eu xa de toda a vida pero especialmente dende os tempos do Café Bar Arnela. Na cidade da Coruña desaparecía aos seus 63 anos de edade por mor dun paro cardíaco Don José Manuel Franqueira Carrascosa, un herculino profundamente namorado de Camariñas onde o podíamos ver desfrutando da Vila das Palilleiras sempre que tiña un momento de descanso. Repentina fui a marcha deste gran amigo e por elo, xa que tivo que procederse a facerlle a autopsia a noso querido amigo, tivo un rapido velatorio en Vimianzo pero, como bo camariñán xa que era, o seu enterro aconteceu entre nós este domingo, alí no lugar que él sentía como propio. Vaia dende aquí o noso máis sentido pésame e todo o cariño e apoio posible para súa esposa Estrella Mosquera Rey e para os seus fillos Alicia e Manuel, aínda que seguramente pouco se poida facer para consolalos de tan gran e sorpresiva desgracia. Jose, Descansa En Paz amigo, e que Deus che teña na súa Gloria.

Día triste para o mundo do mar en Camariñas o deste mércores 20 de setembro de 2017. Un dos sus máis sinalados mariñeiros durante estas últimas décadas, Don Jose Luis Campaña Blanco, pertencente á lexendaria dinastía dos Perrúa, falecía no Hospital Virxe da Xunqueira de Cee aos seus 69 anos. A terrible enfermedade que dun tempo a esta parte se fixera forte no seu corpo agravouse esta semana ata provocar este triste desenlace que acaba ca vida dun dos clásicos mariñeiros de raza camariñáns, integrante por dereito propio desas antigas xeracións de pescadores da Vila dos Encaixes que asombraron ao mundo e legaron o seu bo facer ás actuais xeracións, as cales gracias ás indicacións dos seus maiores e un traballo duro fan do noso porto o principal da Costa da Morte. Os seus restos mortais serán velados no Tanatorio Municipal de Camariñas Irmáns Fernández Espín de onde este xoves 21 sairán ás 16:45 cara a Igrexa Parroquial de San Xurxo. Só nos resta confortar e enviar o noso máis sentido pésame pola morte desta boa persoa, gran mariñeiro, á súa esposa Florinda e aos seus fillos José Manuel, Mari, Javier, Eva e Noela e animar a todo o pobo de Camariñas a apoiar á familia nestes duros momentos. Pepe de Perrúa, Descansa En Paz e que Deus che acolla no seu seno.

Dende tempos inmemoriais, as xentes de Camariñas están acostumadas a que o mes de setembro e outubro sexan prolíficos en defuncións, pero o deste ano 2017 ben a ser un dos meses máis tristes que un xa recorda. Na mañá deste xoves sete de setembro coñecíamos nesta redacción a tráxica noticia da morte doutro claro exemplo de home bo e traballador que nos deixaba para sempre: Manuel Martínez Lema, máis coñecido coma "O Sariño" falecía tristemente aos seus 96 anos, e a pesar da súa idade, aínda había ben pouco que podíamos ver ao señor Manolo co seu tractor facendo as súas tarefas diarias polo súa Buría querida. O corpo sen vida do Sariño está sendo velado no Tanatorio Muncipal Irmáns Fernández Espín de Camariñas, dende onde sairán os seus restos mortais este venres 8 de setembro ás 18:00 horas cara a Igrexa Parroquial de San Xurxo para ser celebrado no santuario o seu funeral de corpo presente. A continuación procederase a realizar o seu sepelio no Cemiterio Parroquial de San Xurxo de Camiñas onde o señor Manuel terá descanso eterno. Dende esta redacción queremos expresar as nosas máis sinceiras condolecias a toda a familia e amigos de señor Manuel Martínez Lema. Descanse en Paz.

Continúa en Camariñas o incesante goteo de noticias tráxicas que teñen consternada estas últimas semanas á Vila das Palilleiras e que parece non querer rematar nunca. Este mércores 5 de setembro de 2017 producíase a defunción de Don Manuel Lema Miranda, máis coñecido en Camariñas como "O Crespo", aos seus 91 anos de idade. Home querido e respetado en toda a vila, traballador incansable, está sendo velado no Tanatorio Municipal Irmáns Fernández Espín de Camariñas dende onde sairá cara a súa querida Igrexa de San Xurxo ás 19:30 horas deste mércores 6 de setembro para ser celebrado o seu funeral de corpo presente para despois ser celebrado o seu sepelio no Cemiterio Parroquial de San Xurxo de Camariañs. Dende esta redacción queremos expresar as nosas máis sinceiras condolencias a toda a familia de Don Manuel Lema Miranda "O Crespo", e especialemte aos seus netos e amigos da nosa infancia Xabi e Brais. Descanse en Paz.

Este venres 18 de agosto de 2017 amanecía en Camariñas coa triste noticia do pasamento da querida veciña de Camariñas Dona María del Carmen Gerpe Ramos. Máis coñecida en toda a vila por Maruja de Chone, falecía na casa de seu fillo José Manuel na madrugada deste caluroso venres de verán aos 88 anos de idade. O corpo sen vida de Señora Maruja está sendo velado no Tanatorio Municipal Irmáns Fernández Espín, dende onde será trasladada hacia a Igrexa Parroquial de San Xurxo de Camariñas este sábado 19 de agosto ás 17:00 horas para ser celebrado o seu funeral de corpo presente. Vaia dende esta redacción as nosas condolencias a toda a familia de Dona Maruja en especial ao seu fillo José Manuel, súa nora Fina, seus netos Sesé e Rocío e seus bisnetos Bieito e Samuel. Descan se en Paz.

Comeza Camarinas.eu a súa nova andadura informativa despois de varios meses no dique seco, e o fai cunha triste noticia que enche de amargura os corazóns desta redacción. A noticia que nunca quixemos publicar, a morte do noso querido amigo Manuel Ageitos Souto, máis coñecido en toda esta costa por Totis, aos seus 78 anos de idade. Toda unha lenda viva en Camariñas, querido e respetado por todos e cada un dos veciños da vila das palilleiras, fiel devoto da nosa Virxen do Carmen, danzante sen igual da única e auténtica Danza de Arcos de toda esta franxa atlántica, persoa afable e dicharacheira, sempre aberta ao diálogo con todo aquel que se lle acercara a conversar. Amante do cante, do baile e da festa, pero sobre todo amigo dos seus conveciños. Foise un referente camariñán para tantas xeracións por mor dunha enfermidade que minou a súa ata o de agora inquebrantable saúde en tan só un puñado de tristes, mortais, meses. Dende esta redacción tan só recordalo para sempre coa súa eterna sonrisa e cun corrido mexicano soando de fondo. Descansa en Paz querido amigo.

Espectáculo cómico-taurino-musical na noite camariñana. É como si El Bombero Torero se puxera a lidiar non miuras, porque os ladróns que están a asolar Camariñas durante estes últimos meses tampouco é que sexan a mafia marsellesa, pero sí un novillo de certo trapío na Plaza de Las Ventas: pois que a cornada soe ser antolóxica. ¿Qué ten que pasar aquí para que o Estado protexa ao seus cidadáns? ¿A eses empresarios, autónomos titulares de pequenos negocios aos que abrasa a impostos? Foi a enésima algarada delincuencial no concello do fin do mundo a da madrugada deste pasado 9 de febreiro que presentaba como novidade máis destacada que cando tras asaltar o Restaurante Meu Lar, os delincuentes a emprendían co templo sacrosanto do madridismo na Costa da Morte, o Café Bar Jose Manuel, un número da Guardia Civil veciño das inmediacións, alertado polos  métodos un tanto rudimentarios dos asaltantes decidío facer acto de presencia co pequeno detalle de que o fixo sen a súa arma reglamentaria, ante o cal os ladróns fixéronlle frente, continuaron tranquilamente co asalto ao local e aínda tiveron o detalle torero de rematar o seu paseíllo triunfal camariñán cunha impecable faena na Cervexería Noha na Ponte do Porto.

Soe ser unha convención máis o menos aceptada por todos que España constitúe a día de hoxe un dos países máis seguros do mundo: os niveis de criminalidade mantéñense nuns guarismos sorprendentemente baixos, un pode pasear tranquilo polas rúas e os cidadáns consideran as súas propiedades razoablemente seguras. As grandes algaradas e quebrantos da lei soen estar restrinxidos ao ámbito político con linchamientos contra os representantes do Estado como o perpetrado por unha xauría de etarras en Alsasua ou espectáculos nacionalistas violentos como o dos independentistas da CUP en Manresa. Pero non sabemos se por incompetencia, por ineptitude, por olvido ou por pasotismo Camariñas vese asolada dun tempo a esta parte por unha oleada de criminalidade sen precedentes con episodios tan indicativos como o que tiña lugar na madrugada deste 15 de decembro co asalto perpetrado contra o Café Bar Arnela e o Bar do Casino. Xa os precedentes indicaban que algo non ía ben: o Bodegón O Percebe era víctima de ata dous roubos en tres semanas e hai menos de sete días o Arnela sufría outro intento de roubo. Nestas estábamos cando nunha das principais arterias viais da capital municipal dous dos seus locais máis emblemáticos  eran asaltados pouco menos que a cara descuberta. Porque alertados polo estrépito dos métodos un tanto rudimentarios empregados polos ladróns (romper o cristal e para dentro) dous veciños dunha das casas situadas frente do Arnela saíron á ventana e empezaron a dar voces contra os asaltantes por ver de disuadilos dos seus fins. A resposta non poido ser máis indicativa: sin inmutarse un instante e cun sorriso nos labios invitaban a estes veciños de Camariñas a baixar xunto a eles. Dous, un deles de moi baixa estatura, entraban ao Arnela e outros dous esperaban nun coche. Algo parecido sucedía no Bar do Casino, asaltado tamén na mesma noite de autos, co engadido de que segundo se comentaba hoxe pola rúa un veciño do inmueble escuitou falar nun idioma estranxeiro.

Despois de tantos sepelios, tantos funerais, tantos enterros, de tanto consuelo ofrecido a tantos seres sumidos na dor máis profunda, agora a Don Jesús tocaralle estar presente naquel que nunca poderá oficiar... Finalmente cumpríronse os peores presaxios respecto á noticia que adiantaba este pasado mércores en exclusiva Camarinas.eu e Don Jesús Nieto Baneira, lexendario, querido e idolatrado páter camariñán durante o derradeiro cuarto de século falecía o xoves 1 de decembro de 2016 no antigamente chamado Hospital Juan Canalejo da Coruña. Todo comenzaba no centro hospitalario de Cee o propio mércores cando nunha visita por mor de ver os resultados dunha recente proba médica sufría un repentino ataque ao corazón. Foi de inmediato trasladado ata o hospital herculino onde os médicos pouco puderon facer para revertir a fatal situación. Segundo fontes ás que tivo acceso esta redacción, na orixe do ataque puido estar o caso omiso que Don Jesús fixera das recomendacións médicas que lle pedían alonxarse por un tempo dun ritmo trepidante de traballo que o levaba a asumir sobre os seus hombros misas en tres parroquias diferentes. Así era Don Jesús: prefería estar axudando aos seus feligreses de Camariñas, Ponte do Porto e Camelle que mirando por si mesmo. En estas circunstancias, cando un pobo se atopa ante un personalidade de semellante calado, desas chamadas a pervivir durante décadas no imaxinario colectivo e que co seu sacrificio e desinterese persoal melloran ata niveis difícilmente alcanzables a vida de tanta xente, resulta normal (e obrigada) a decisión do Concello de Camariñas de poñer ata catro autobuses a disposición dos veciños que desexan dar a Don Jesús o derradeiro adeus na súa parroquia natal de Cuns, en Coristanco, onde terá lugar o seu enterro ás 11:30 deste sábado 3 de decembro. Sairán dende o Curbeiro (Camariñas), Centro Médico da Ponte do Porto e o Paseo Marítimo de Camelle. En verdade as boas accións deberían ser recompensadas, máis nestas épocas un tanto complicadas e rídiculas, e por elo resulta cáseque unha obriga moral que todo un concello rinda a debida homenaxe a este bo cristiano, gran católico e mellor persoa. Don Jesús Nieto Baneira, Cura Párroco de Camariñas durante máis de 25 anos, Descanse En Paz.

Este mércores 5 de agosto de 2015 falecía na súa casa da Cruz de Cedeira un dos clásicos da Vila das Palilleiras, Francisco Martínez Castro, Pancho, tal e como era coñecido polo común dos veciños. Deixaba este mundo aos 67 anos tras sufrir nestes últimos tempos un letal cáncer de próstata que finalmente resultou ser fatal. Semanas díficiles de enfermidade no que foi axudado nos seus últimos días por varios familiares e tamén por diversos veciños entre os cales se atoparon a nosa querida amiga Sefa ou o propio Alcalde Pichurri, seu querido amigo. O corpo sen vida do noso querido amigo Pancho está sendo velado no Tanatorio Municipal Irmáns Fernández espín de Camariñas dende onde sairá cara a Igrexa de Camariñas ás 19:45 horas para ser celebrado o seu funeral de corpo presente para despois proceder ao seu sepelio. Só resta apiadarse da súa alma e compartir estes momentos ca súa familia e amigos aos cales enviamos un sinceiro pésame. Francisco Martínez Castro, Pancho, Descanse En Paz.