• Estabilízase a situación epidemiolóxica no Concello de Camariñas

    Sandra Insua na conferencia de alcaldes da Costa da Morte coa Xunta de Galicia

    A alcaldesa de Camariñas, Sandra Insua, participou hoxe nunha videoconferencia convocada polo conselleiro de Sanidade, Julio García Comesaña, para informar da situación epidemiolóxica aos alcaldes de Bergantiños e Soneira. No encontro, Comesaña comunicou que o Concello de Camariñas comezaba a estabilizarse e Sandra Insua agradeceu o rastreo que se fixo na Industria Cerdeimar xa que "supuxo un respiro que non xurdiran demasiados casos nese cribado". Manifestou tamén a súa relativa tranquilidade "ao ser dos municipios menos afectados á vista dos datos, baixando de 32 a 28 positivos e sabemos que hai contaxiados que pronto se darán de alta". De tódolos xeitos solicita á veciñanza "que sexan cautos, que cumpran as normas actuais e tamén as posibles novas medidas que esixa a Xunta despois deste comité clínico". 

  • O coronavirus chega a Camariñas: dous casos confirmados en Arou

    O coronavirus chega a Camariñas: dous casos confirmados en Arou

    Ante a grave crise sanitaria que estamos a padecer, retomamos aquí en Camarinas.eu a nosa responsabilidade informativa para levar a todos os nosos veciños do Concello de Camariñas a última hora do que aconteza co coronavirus. E como era predecible, esta terrible enfermidade chegou finalmente aos confíns da Costa da Morte. Dous veciños de Arou atópanse hospitalizados por mor desta terrible pandemia que está a asolar medio mundo. Os pacientes están a ser tratados no Hospital Comarcal Virxe da Xunqueira de Cee en donde, según fontes próximas, evolucionan favorablemente. Dase a circustancia de que esta parella contaxiose supostamente por mor dunha recente viaxe organizada polo Inserso a terras levantinas e que, despois da súa chegada a vila de Arou este sábado rematada a susodita viaxe comezaron a sentir os síntomas típicos que este virus provoca cando se revela despois do seu estado de incuvación. Cando estes veciños se acercaron ao centro de saúde pronto foron diagnisticados e trasladados ata o hospital de Cee. Dende o Concello de Camariñas tomáronse inmediatamente medidas urxentes de desinfección de gran parte das rúas e viales da parroquia camariñana de Arou. Deste xeito vense complementadas as medidas xa tomadas dende o principio da crise sanitaria coa desinfección de zonas comúns de uso con risco, tales como as entradas a centros de saúde ou os accesos aos contedores de lixo. Así e todo dende esta redacción queremos facer un chamamento á tranquilidade e, sobretodo, á responsabilidade de todos os cidadáns para que cumplan a raxatabla e sin excepcións todas as esixencias sanitarias deste estado de alarma que está a imperar nestes días en España e que se ampliará moi probablemente ata mediados de abril de 2020. Continuaremos informando.