Hoxe cúmprense sete anos dende que Juan Cabrejo "Juanillo", o redactor de deportes de camarinas.eu, posiblemente o mellor futbolista da historia da Costa da Morte, tiña o seu primer fillo. Sofía foi a nacer expresamente un 14 de novembro de 2001 no moderno e recén inaugurado Hospital Clínico de Santiago de Compostela. E viña cun pan baixo o brazo: nese mismo día Juanillo xogaba un dos mellores partidos da súa vida e marcaba un gol no Numancia-Eibar. Eran as epocas nas que a familia Cabrejo Valiña vivía nas Provincias Vascongadas, concretamente en Santurce, e Juanillo facía historia co mellor Eibar que viron os tempos, aquel que a piques estivo de subir a Primeira División se non fora porque un pletórico Celta de Vigo se interpuxo no seu camiño no ascenso. Uns aniños despois chegaría Diego, o cativiño que víamos chorar de seguido este verán polo Arnela adiante cun perenne xeado que lle goteaba polo peito do seu xerseiciño e que xunto a Sofía fai a parexa de Juanillo e Begoña.

Así que Gelinita decidío adiantar un par de días o cumpreanos da súa netiña para poder celebrar no Arnela unha pequena festiña na que estiveron gran parte dos seus primos e parte da súa familia de Vimianzo, lugar de orixe de Begoña, a súa nai. Alí todos degustaron unha sabrosísima tarta que a propia Gelinita fui buscar a Camelle, dado que unicamente é na parroquia norteña do noso concello onde maestros pasteleiros dominan dende antigo as técnicas milenarias que fan posible decorar unha tarta cunha fotografía. Unha festa á que esta redacción estaba invitada. Porque da man de Gelinita, das súas irmáns, dos seus cuñados, en definitiva de toda esa gran, entrañable familia unida, un auténtico exemplo que deberían  seguir tantas e tantas familias destartaladas que hai aquí en Camariñas, un xa ten a impresión de formar parte da mesma, ou polo menos esa é a ilusión que un abriga aínda que sexa en secreto. Por eso camarinas.eu quere deixar constancia da sorte enorme, inconmensurable, que ten Sofía de pertencer a esta gran familia. ¡¡Feliz cumple, Sofía!! 

 

Comentarios