Os nosos hosteleiros toman boa nota

Unha magnífica iniciativa da Escola Obradoiro da que os hosteleiros locais tomaron boa nota

Este xoves 26 de xuño, un par de horas antes de que toda a nación española explotase nun berro de xúbilo incontrolable polos éxitos da nosa selección de fútbol na Eurocopa de Austria, nun recuncho idílico e algo apartado da nosa España, o Centro de turismo rural Aldea Madeira en Brañas Verdes, tivo lugar unha xornada de iniciación á cata de viños impartida por todo un experto na mesma, Guillermo Alvarado, enólogo (que non etnólogo) das lexendarias e centenarias Bodegas Domecq.

A cita estivo bastante concorrida, xa que a ela acudiron máis de 20 profesionais do sector da hostelería do Concello de Camariñas, que seguiron atentamente as prolixas explicacións de Guillermo Alvarado e que unha vez rematadas estas, poideron degustar xunto aos demáis invitados a esta evento uns caldos de alta calidade acompañados duns pinchiños exquisitos elaborados polos alumnos da Escola Obradoiro, os cales tiñan unha perfecta compenetración cos viños (o así chamado "maridaje"). Despois, o que máis e o que menos marchou correndo para ver frente ao televisor o éxito apoteósico da nosa selección frente a Rusia. En definitiva, unha tarde redonda onde os nosos hosteleiros poideron comprobar o alto nivel técnico e profesional dos alumnos da Escola Taller. Esperemos que tomaran boa nota de cara o futuro.

Os nosos hosteleiros toman boa nota

Este xoves 26 de xuño, un par de horas antes de que toda a nación española explotase nun berro de xúbilo incontrolable polos éxitos da nosa selección de fútbol na Eurocopa de Austria, nun recuncho idílico e algo apartado da nosa España, o Centro de turismo rural Aldea Madeira en Brañas Verdes, tivo lugar unha xornada de iniciación á cata de viños impartida por todo un experto na mesma, Guillermo Alvarado, enólogo (que non etnólogo) das lexendarias e centenarias Bodegas Domecq.