- Escrito por Redacción Camarinas.eu Redacción Camarinas.eu
- Categoría: Sociedade Sociedade
- Created: 07 Decembro 2018 07 Decembro 2018
A VII da Festa da Palilleira de Camariñas de mañá, sábado 8 de decembro, promete ser un auténtico éxito. Nesta edición, espérase unha gran afluencia de artesás, procedentes, non só de toda Galicia, senón tamén do resto de España.
A VII Festa da Palilleira de Camariñas congregará a encaixeiras de toda Galicia e tamén do resto de España
A xornada levarase a cabo entre as 10.30 e as 14.00 horas, e entre as 16.00 e as 19.00 horas, hora límite para que as palilleiras amosen as súas mellores creacións. Ao final do encontro, todos os participantes recibirán un agasallo feito con encaixe de Camariñas e haberá tamén o tradicional sorteo. Este ano, a presentación do evento correrá a cargo de Xosé Luis Blanco.
A Asociación de Palilleiras Puntillas e a Asociación Rendas serán, xunto co Concello de Camariñas, os encargados de organizar este evento que promete ser unha das citas máis relevantes de todo o ano. Como curiosidade, a confección do cartel desta edición fíxose cun 'mandala' de encaixe creado pola deseñadora viguesa Amaia Fernández Blanco.
Tamén che pode interesar...
