Ás 12 da mañán deste 31 de xullo quedou inaugurada oficialmente a 2ª edición da Festa da Palilleira

Inauguración oficial da 2ª Festa da Palilleira

Pasadas as 12 do mediodía e instantes despois de que se gardase ás portas do Concello por políticos e persoal municipal un minuto de silencio polo atentado terrorista que na tarde deste xoves tivo lugar en Palma de Mallorca, inaugurábase oficialmente cun discurso do Alcalde a 2ª Edición da Festa da Palilleira de Camariñas que se desenvolverá durante este fin de semana e que trae consigo como principal novidade o 1º Concurso de Encaixe de Camariñas con suculentos premios. Entre os visitantes que se achegaron pola Praza da Insuela esta mañán estaba un vello coñecido de camarinas.eu, cuio futuro político e dotes fotoxénicas xa parecío intuir esta web con motivo da viaxe realizada polo mesmo un 5 de decembro de 2008 á nosa vila cando aínda era Conselleiro de Medio Ambiente da Xunta de Galicia: Manuel "Pachi" Vázquez, sustituto de Emilio Pérez Touriño e Secretario Xeral do PSdeG-PSOE, que está  a pasar no Hotel Rústico Puerto Arnela uns días de lecer.

Comentarios   

0 # masquechorradas 02/08/2009 23:06

menos mal que se acordaron ese dia que era a inauguracion pois o domingo foi o remate e nin dios estaba ali ¿terian medo de non sair na foto o domingo?

Denunciar ante o administrador

Recarregar listaxe de comentarios
Suscrición de novas RSS pra comentarios desta entrada.

Vostede non ten permisos para comentar nesta noticia.