A Praia Perfecta

Un pracer difícilmente descriptible. E tamén moi complicado de alcanzar: sen refuxio ao que acollerse, barrida toda a súa inmensidade por fortes ventos do nordeste, exposta aos embates dun mar implacable, tres ou catro son as oportunidades nas que a climatoloxía veraniega permite disfrutar do pracer inigualable dun día de praia perfecto na Praia Grande de Reira, ou tal e como os sabios expertos a chaman agora "Area Longa".

En calqueira das súas apartadas e solitarias calas, xogando entre unhas pedras tinguidas dun verde esmeralda especialmente intenso, impredecible na súa fisonomía por unha area que ven e vai ao ritmo enloquecido dunhas mareas que danzan ao seu propio ritmo, a través de constantes zambullidas nunha auga xélida, tódolos praceres están comprendidos dentro da praia máis misteriosa e polivalente do Areal de Reira. Espectaculares son as súas baixamares, formándose unha extensión granulada sen límite que obriga en ocasións a percorrer centos de metros para buscar o choque frontal cuns tombos embravecidos. Para os máis acougados, fórmanse piscinas e lagos naturais, ideais para nenos e redactores de camarinas.eu envellecidos polo paso dun tempo implacable e inapelable. E sempre, a través do paso dos anos, a balea de area varada aos pes do maxestuoso Vilán.

 

Praia de crepúsculo evocador e xenuino, ideal para longos paseos solitarios, de augas límpidas e prístinas, que permiten reflexionar sobre o sentido dunha vida maldita e pecadora e do paso dun tempo inapelable e vengativo no medio da beleza máis absoluta, o que remarca unha aguda sensación de dor. Uns paseos que invitan incluso a pensar na obra do inglés Burke e de como a semellanza do célebre politólogo británico moitas das nosas ideas vanse facendo co paso dos anos máis conservadoras e sensatas. E alí, sempre aos pes do Vilán, a balea de area varada...

 

Percorrido dende a Pedrosa ata a Praia Grande de Reira un día de calor xenuino:

Vostede non ten permisos para comentar nesta noticia.