II CONCURSO DE BAILE TRADICIONAL “FEIRA DA PONTE DO PORTO”

Bases do Concurso de Baile "Feira da Ponte do Porto"

• PRIMEIRA.- Convócase o II Concurso de Baile Tradicional “ Feira da Ponte do Porto”. O Concello de Camariñas, con fin promover a Feira Tradicional da Ponte do Porto, acordou a celebración do Concurso de Baile Tradicional Galego “Feira da Ponte do Porto”.
• SEGUNDA.- O concurso celebrarase o día 14 de marzo, ás 11:00h. no concello de Camariñas, concretamente na zona do mercado tradicional da Ponte do Porto.
• TERCEIRA.- No concurso poden participar todas aquelas escolas, colexios ou asociacións de baile tradicional galego que o desexen. Sempre que se inscriban previamente nos prazos establecidos.
• CUARTA.-  Cada agrupación poderá presentar unha única danza.
• QUINTA.-Cada danza non superará os cinco minutos de duración e o número de bailaríns non poderá ser superior a dezaseis.
• SEXTA.- Pódese bailar ao ritmo dunha banda de gaitas ou dun CD que terá que facilitar cada grupo participante.
• SÉTIMA.- Non hai límite de idade.
• OITAVA.- As pezas de danza non poderán ter gañado ningún premio noutros concursos ou certames de danza.
• NOVENA.- A dotación total do premio é  de 530 €. Establecéndose un primeiro premio de 250 €, un segundo premio de 180 € e un terceiro premio de 100 €.  
• DÉCIMA.- O prazo para anotarse será ata ás 19:00h. do  11 de marzo, poden facelo no teléfono: 661 469 490 e no 981 737 234, enviando a folla de inscrición a Biblioteca Municipal, Praza de Insuela nº 57, 15123 Camariñas ou ao correo electrónico Este enderezo de correo está a ser protexido dos robots de correo lixo. Precisa activar o JavaScript para velo.. 
• UNDÉCIMA.- A presidencia do xurado será asumida pola Tenente Alcalde do Concello de Camariñas ou persoa en quen delegue. A composición do xurado non se fará pública ata o día do certame, contará con persoas vinculadas ao eido da danza e dun ou máis representantes do Concello de Camariñas.
• DUODÉCIMA.- Ao xurado correspóndelle deliberar, estimar e valorar as danzas presentadas. A súa decisión será inapelable e atenderá a criterios tales como o comportamento no escenario, a calidade dos paseos e puntos tradicionais, a posición dos pés, das pernas e dos brazos, a interpretación e simpatía dos bailaríns e bailarinas no transcurso da danza, a coreografía e a uniformidade e vistosidade dos traxes rexionais galegos.
• DÉCIMO TERCEIRA.- No caso de empate o xurado procederá a unha nova votación ata conceder os premios estipulados na base novena. Pode declarar deserto algún premio ou todos eles. O xurado do certame terá a competencia de resolver calquera circunstancia non prevista nas presentes bases con total autoridade.
• DÉCIMO CUARTA.- A decisión do xurado farase pública ao finalizar o concurso e tras un breve período de deliberación que será amenizado pola Escola Municipal de Baile de Camariñas.

Cada participante recibirá unha bebida e un bocadillo ou pastel e cada agrupación un detalle como recordo do evento.