O Concello de Camariñas a través do departamento da Mostra do Encaixe agradece á marca Cabreiroá pola iniciativa de incluír o Encaixe de Camariñas no deseño da 2ª edición de botellas de coleccionista destinada a establecementos gourmet.

O proxecto canalizado entre a empresa de Marketing 21 gramos e a Mostra do Encaixe foi desenvolto en todo momento con moito entusiasmo. Despois da presentación de varios deseños exclusivos, baseados en motivos tradicionais de Encaixe de Camariñas e reinterpretados segundo a temática da auga, foi elixido o presentado por Dona Beatriz Díos Rodríguez, profesora e deseñadora de encaixe.

O deseño da botella alude ás gotas de auga que flúen do manantial de Cabreiroá. O envase incorpora unha mostra real do propio Encaixe de Camariñas e presentase dentro dun envase metálico a medida decorado cos mesmos motivos. As mostras reais foron palilladas por 50 encaixeiras pertencentes as Asociacións Rendas e Palillada de Camariñas.

Achégolle unha fotografía da presentación da botella ao Sr. Alcalde de Camariñas, Don Manuel Valeriano Alonso de León.

Vostede non ten permisos para comentar nesta noticia.