4.8684210526316 1 1 1 1 1 Rating 4.87 (38 Votes)

Camarinas.eu volve a dar unha noticia dos éxitos deportivos dun camariñán e faino cun fixo na sección de deportes: Fabián Canosa, xogador do Club Balonmán Camariñas. Xa en outubro de 2007 publicábamos a noticia do seu debut coa Selección Galega Junior nun partido contra o combinado portugués que tivo lugar en Cangas como prolegómeno dun enfrontamento entre as seleccións absolutas de ámbolos paises. Agora foi en Lalín onde participou como capitán da Selección Galega no torneo Eixo Atlántico Junior e do que Galicia saío campeona.

O citado torneo comenzou este venres 27 de xuño na capital da comarca do Deza, Lalín, antigo feudo inexpugnable da familia Cuíña, e desarrollouse ao longo de todo o fin de semana rematando o domingo 29 de xuño. Oito equipos procedentes de Galicia, Asturias e Portugal enfrontáronse nuns vibrantes enfrontamentos de liguilla ata que chegaron a final a Selección Galega Junior e o equipo portugués de Porto. A parte de estes dous combinados tamén participaron a Selección de Asturias, os equipos portugueses do Viana e o Gaia, e tamén participaron o Lamego, o Lalín e o Coruña. O torneo estaba organizado pola Fundación Deporte en Lalín co patrocinio do Eixo Atlántico e a colaboración da Federación Galega de Balonmán.

Compre sinalar que, salvo o xogador Iván Amarelle do Xiria de Carballo, o noso Fabián era o único representante das Rías Altas no combinado galego, o cal terminou a primeira fase como líder imbatible do grupo A tras encadenar tres victorias consecutivas, o que levou ao combinado galego a disputar a semifinal coa Selección de Asturias, na que tras un partido moi intenso e disputado que acabou con empate a 21, a nosa selección impúxose na tanda de penaltys por 7 a 6. Na outra semifinal o equipo portugués do Porto gañou ao equipo anfitrión de Lalín por 19 a 20. Así chegouse á final entre Porto e Galicia Junior, na que tras chegar a ir perdendo por 18 -28, nunha remontada épica o combinado galego acabou vencendo por 32-30 e polo tanto facendo que o noso veciño Fabián trouxera para camariñas alo menos un cacho desa copa tan duramente gañado pola nosa Selección Galega.

Comentarios   

Javi
0 # Javi 10/07/2008 20:27
enhoraboa Fabian, xa che ben de familia ehhhh (Juan Ramon teu primo), eu acordome dos meus tempos cando xogaba o balonmano e ahora nin balonmano nin futbol nin nada, e todo por unha rodilla. Eu cada dia quedo mas sorprendido pa ben ca calidad dos nosos xogadores da comarca
Denunciar ante o administrador
trintadousventos
0 # trintadousventos 10/07/2008 22:53
bravo chaval ti si que pa min es o camariñan do ano, sije asi de humilde que sejuro chejaras lexos. Enoraboa.
Denunciar ante o administrador
gelinita
0 # gelinita 11/07/2008 01:08
enhoraboa fabian sijeasi artista
Denunciar ante o administrador
mantida
0 # mantida 11/07/2008 18:54
Bravo fabian e compañia por xojaredes tambén.
Denunciar ante o administrador

Vostede non ten permisos para comentar nesta noticia.