Con motivo da presentación en sociedade do histórico encontro que, dentro dos eventos previstos no Trofeo "125 anos Conservas Boya", este domingo 23 de maio enfrentará a partir das 19:00 no Pabellón de O Areal ás seleccións de balonmán de Galicia e Inglaterra, procedemos a dar a coñecer unha noticia que sen dúbidas aledará sinceiramente a tódolos aficcionados camariñáns e que redobra a aposta de camarinas.eu por este deporte: a fichaxe da maior perla surxida da prolífica canteira camariñana, Víctor Vigo, como redactor balonmanístico da web líder da Costa Atlántica. Dita colaboración desenrolarase a partir da próxima tempada 2010-2011 cunha crónica semanal que pasará revista ao realizado polo seu equipo, o Naturhouse Logroño, na Liga Asobal e ás xestas do Conservas Boya na competición rexional. E como aperitivo do que está por vir publicamos, xunto á nota de prensa remitida dende o C.B. Camariñas, as primeiras impresións de Victor Vigo como redactor de camarinas.eu referidas ao previo que enfrontaba ao seu equipo co Octavio Pilotes Posada na derradeira xornada da mellor liga do mundo, partido no que á postre venceu o Naturhouse Logroño e no que acadou unha meritoria quinta plaza final na Liga Asobal. Desta forma a sección de deportes de camarinas.eu queda configurada como unha das mellores do xornalismo galego, tendo como redactores aos dous mellores xogadores de toda a historia da Costa da Morte no ámbito do fútbol e do balonmán. Porque todo o mellor surxido de Camariñas acaba en camarinas.eu, a web obxectiva, imparcial e apolítica: a web feita día a día polas xentes dun Concello único. 

Comentarios   

+2 # Era hora — Jonás 17/05/2010 13:37

Era hora. Paréceme perfecto que se lle dea un pouco máis de importancia o balonmán da que se lle estaba dando neste medio e que o elixido sexa, para min, o deportista máis importante e que máis alto chegou de Camariñas. Un abrazo para Víctor e que de agor en diante nos deleite coas súas facetas periodísticas e de comentarista. Fenómeno!!!!!!! ! Oxalá o próximo ano volva a xogar en Europa e deixe a Camariñas ben alto, como o está facendo. Saúdos Víctor.

Denunciar ante o administrador

-1 # Víctor Vigo e www.camarinas.eu — diegoalfr 17/05/2010 17:55

Desde aquí quero agradecer a Victor Vigo por unirse a este proxecto colaborativo que é www.camarinas.eu

É un honor estar nesta redacción ao lado de grandes como Juanillo e ahora tamén Víctor Vigo. Con vos Camariñas vai a máis!

Deixovos un video do partido entre o Naturhouse e Frigoríficos do Morrazo na liga ASOBAL (a millor do mundo). Atención ao minuto 1:55 o dorsal número 8 colle o balón e mete un golazo. Ese xogador é de Camariñas e chámase Víctor Vigo. O dito, benvido. É un orgullo!

Denunciar ante o administrador

+2 # RE: Victor Vigo, redactor de balonman de camarinas.eu — rubiasexy 17/05/2010 18:11

bueno eso e unha alegria un rapas tan ajudo animos victor vigo suerte sefa

Denunciar ante o administrador