Os tres ánxeles que viñeron do Norte

Pois pasou o de sempre: estaba a redacción este sábado no Café Bar Arnela tomando os seus consabidos refrigerios cubateriles e perfilando os detalles sobre os próximos nombramientos do Presidente e Vicepresidente de Honor de camarinas.eu (atención á Cena Presidencial que se aveciña para o próximo fin de semana) cando toda a cuadrilla chiquiteril que estaba no Arnela a ver a tunda que o Barsa lle metía ao desdichado Atleti quedou ca boca aberta cando tres ánxeles rubios que parecían chegados dende o mesmísimo ceo fixeron a súa entrada pola porta. Pulsa na foto para ver a nova reportaxe de camarinas.eu ben aderezada de cremosas fotos.

Como vedes xa nin tan siquera hai que moverse, basta con sentarse tranquilamente no Arnela a tomar Jack Daniel's con Coca Cola, que as noticias xa virán por si solas a ti. Así que unha vez que estas tres belezas teutónicas fixeron a súa impactante entrada en escena, esta redacción coñecida a súa abnegada capacidade de levar a cabo misións desagradables, decidío sacrificarse unha vez máis pola web e co seu xa ben coñecido olfato xornalístico acercouse ata a mesa das tres ninfas de cabelo de ouro, porque estaba claro que tiñan un orixe lonxano e septentrional.

Esto último confirmouse unha vez que trabamos coñecemento con Annika, Marie e Anna, tres simpáticas xóvenes alemanas de 21, 23 e 24 anos respectivamente que están a percorrer a Costa Galega na súa caravana acompañadas pola súa cadela "Cougar". Proveñen de Friburgo (Freiburg) unha cidade universitaria de 214.000 habitantes pertencente ao Land de Baden-Wurtemberg, land veciño ao da Vieja Baviera, polo que non hai que descartar que a súa chegada a Camariñas viñera motivada pola lectura intensiva e omnisciente dos manuscritos, tristes e melancólicos, do noso querido Barón Von Mark. Acaban de rematar os seus estudios universitarios de Pedagoxía na Universidade na que se licenciou en estudios superiores a primeira muller alemana e polo tanto esta viaxe é unha especie de premio que se dan a si mesmas, tendo proxectado continuar co mesmo por período dun ano.

Inquiridas polas principais impresións que están a sacar desta Costa da Morte nosa, cóntanos que son as do carácter alegre e xovial da xente, a pouca estatura dos homes frente ao superhome alemán, as moitas obras que atoparon na cidade da Coruña, a beleza salvaxe das nosas praias e o do sabor ao parecer insuperable da cervexa "Estrella Galicia" ("Me gosta mocho Estreia Galissia"). Na Coruña coñeceron a un rapaz polaco que lles contou maravillas desta nosa vila mariñeira e non o dubidaron e acercáronse ata Camariñas onde xa levan uns días tendo a caravana aparcada no Barrio de Corea, sendo xa as novas veciñas deste paradigmático barrio camariñán. En fin, ao final vai resultar que se cumpliron as prediccións do noso director cando soltou no Libro de Visitas aquelo de "¡¡Somos de Corea!!".

 

Vostede non ten permisos para comentar nesta noticia.