Escrito por Redacción Camarinas.eu Redacción Camarinas.eu

Categoría: Curiosidades Curiosidades

Created: 19 Setembro 2012 19 Setembro 2012

Recentemente un dos máis prestixiosos diarios británicos, un medio con ducias de millóns de lectores en todo o mundo, The Guardian, elaboraba un top ten das praias máis fermosas do planeta e elexía como areal gañador á Praia de Rodas, nas Illas Cíes. Agora ven de ser outro, The Telegraph, o que nunha completa e elaborada reportaxe sobor dos rincóns con máis encanto da nosa rexión ("Galicia: Green Spain's authentic holiday destination") fíxase en Camariñas como un daqueles recunchos que por dereito propio forman parte do mesmo. Así ao carón de verxeis cáseque sobrenaturais como a Catedral de Santiago, os cabazos de Combarro, a Torre de Hércules, a Praia de Carnota, as mencionadas Illas Cíes ou a cidade vella de Pontevedra aparece unha imaxe de Camariñas tomada máis ou menos dende o Poso do Muelle baixo o epígrafe: One of Galicia’s most traditional towns, Camariñas has many examples of local architecture such as glazed galleries and cast iron balconies (algo así como Unha das máis tradicionais vilas galegas, Camariñas posee abundantes exemplos de arquitectura local como galerías acristaladas e balcóns de ferro fundido).

E se o visitante británico ficou abraiado ca beleza da actual de Camariñas que tal lle acontecería se seguindo os pasos da escritora, etnógrafa e fotógrafa norteamericana Ruth Matilda Anderson visitara a Vila das Palilleiras alá pola década dos 20, antes de que a piqueta urbanística do "ti fai", o feísmo arquitectónico no seu estado máis puro, se cargara dunha vez e para sempre o que era o máis fermoso dos pobos da Costa da Morte, tal vez de Galicia, co seu indistinguible aire mediterráneo de casiñas brancas, o seu coqueto Poso do Muelle e un areal urbano que hoxe convertiría a Camariñas nun pequeno remedo atlántico da Costa Azul francesa. Con todo, xa vimos épocas peores e tal e como vaticinaba Camarinas.eu no seu momento a execución das fases existentes do Paseo Marítimo (das outras, aquelas prometidas a bombo e platillo por Álvarez Campana, que non Campaña, e os seus palanganeros locais, desas mellor que nos vaiamos olvidando) estaban chamadas a convertir á nosa vila nun dos principais puntos de atracción turística de Galicia. Deste xeito pouco a pouco o van recoñecendo aqueles visitantes foráneos que se achegan ata a así chamada "La Tacita de Plata" da Costa da Morte e fican desarmados pola súa beleza e elo a pesares de que por mor da neglixencia criminal de Portos de Galicia o Paseo Marítimo ficara nun estado de abandono semisalvaxe durante todo o verán, ca imaxe que elo proxectou a miles de turistas, non sendo ata finais de agosto cando se lembrou de arranxar aquelo que era da súa competencia. Pero aínda nin así, abandoada por todos a súa sorte, queda a nosa Camariñas núa dunha beleza tan absoluta capaz de desarmar ao máis viaxado reporteiro británico.

http://www.telegraph.co.uk/sponsored/travel/galicia/

• Prev
• Seguinte