1 1 1 1 1 Rating 0.00 (0 Votes)

Os ovos xigantes de Camariñas, outro auténtico EXPEDIENTE X analizado por Camarinas.eu

Corría o ano 1925 cando nun país que daba os seus primeiros pasos nun clima impregnado polo burocratismo, o totalitarismo e a estupidez macabra científicos eminentes idearon a fórmula para acadar ovos xigantes. Desta maneira o goberno pretendía combatir a peste avícola que asolaba as granxas daquela inmensa, inabarcable e monstruosa nación. Unha fatal confusión fixo que o milagroso raio laser acabara incubando ovos de reptil en vez de galiñas, feito que determinou que monstruos de tamaño descomunal sembraran o pánico por todo o país e fixera necesaria a intervención do mesmísimo exército. O país era a Unión Soviética, o escritor era Mijaíl Bulgákov e a novela de ciencia ficción "Los Huevos Fatales".

Descoñecemos si xestados en laboratorios ultrasecretos, supervisada a súa producción por sabios científicos da Alemania do Leste e cremos que portadores únicamente de semilla avícola, o certo é que procedentes nun primeiro momento dun pequeno cortello da Carretera do Faro e despois de Buría e Area da Vila unha praga de ovos xigantes está a invadir Camariñas. Dun tamaño descomunal en comparación co clásico oviño corrente ata o punto de que un puño pechado non basta para abarcar toda a súa ovoide magnitude, esta nova proba da fertilidade deste concello deixado da man de Deus non deixa de sorprender e un pregúntase se a semellanza do ocurrido na novela satírica do mestre ruso unha praga de galiñas xigantes, monstruosas, Godzillas con pico e pluma, sembrará o caos polo concello adiante. Os nosos políticos, sempre previsores ante calquer mal que ameaze o benestar dos seus amados votantes, ¿aceleraron a recente constitución da Xunta Local de Seguridade para facer frente ao desafío letal, mortal de necesidade, que se aveciña?


Vostede non ten permisos para comentar nesta noticia.

Tamén che pode interesar...