Escrito por Redacción Camarinas.eu Redacción Camarinas.eu

Categoría: Curiosidades Curiosidades

Created: 07 Mai 2010 07 Mai 2010

• Obras na Ponte do Porto
• Curiosiades na Ponte do Porto
• Centro Médico da Ponte do Porto

Hai xa catro meses, concretamente un 8 de xaneiro, camarinas.eu visitaba o edificio que alberga ao mesmo tempo a Casa de Cultura e o Centro Médico da Ponte do Porto para comprobar o estado das obras de instalación dun ascensor que facilitara aos seus visitantes, sobre todo aos de maior edade, o acceso a un lugar ao que non se suele acudir de bo grado. Por elo, a nosa presencia o día de inauguración oficial desta inversión financiada pola Deputación Provincial da Coruña era obrigada. Así, cara as 10:00 horas dunha encapotada mañán de primavera era o alcalde Pichurri o encargado de abrir a pechadura do ascensor que levará aos convalecentes que así o desexen cara o primeiro andar do edificio. E precisamente un dos que agradecerá a instalación do flamante ascensor, producto da máis alta tecnoloxía xermana e mezcla dunha aleación ultramoderna de tungsteno e grafito, será o constructor da obra, o noso amigo José Martínez Rial, que por mor dunha operación de rodilla vese estos días obrigado a usar unhas muletas. Cas súas facultades físicas intactas tamén estiveron presentes no acto as concelleiras Sandra Insua Rial e Mª Carmen Linares Chica e tamén un nutrido grupo de veciños da Ponte do Porto que por aquelo dos males do corpo se viron obrigados a visitar o centro médico. Tamén estaba alí a web líder cunha diferencia sideral do ciberespacio atlántico galego para levar aos nosos usuarios porteños de ultramar (en Buenos Aires, en Madrid, en Nueva York, en Suiza...) unha noticia que os aledará sinceiramente.

• Prev
• Seguinte