- Escrito por Redacción Camarinas.eu Redacción Camarinas.eu
- Categoría: Curiosidades Curiosidades
- Created: 09 Marzo 2010 09 Marzo 2010
Vamos cunha de ouro líquido que diría o outro. Sucede que aquí na redacción de camarinas.eu temos un arquivo fotográfico tan insondable que en ocasións semella aquel xigantesco almacén onde se perdía (¿para sempre?) a Arca da Alianza na escena final da primeira entrega de Indiana Jones. E así atopamos recentemente unha caixa de Plátano de Canarias chea ata os topes de cremosas fotos, pero as que chamaron a nosa atención foron as de unha cena do PSOE dos vellos tempos, dos bos tempos, de antes de que... bueno, de antes de que pasara todo aquelo, e que a semellanza da división entre felipistas e guerristas, surxira unha Vieja e Nueva Guardia en Camariñas. E aparecen todos: González Laxe, Presidente que foi da Xunta de Galicia durante o bienio 1987-1989; Fernández Moreda, Presidente da Deputación da Coruña; Bautista Santos, Alcalde de Camariñas durante 24 anos; Marisol Soneira, agora Deputada Autonómica, entón Concelleira de Cultura e Deportes; o barbado Francisco Sineiro, Conselleiro de Agricultura... só falta un, agora Primer Espada camariñán, que precisamente foi o encargado de sacar as presentes fotos que xacían abandonadas nunha caixa de banano. Pero tamén están as bases, pródigas en proxenitores de usuarios de camarinas.eu: os de Pión, Plisplas e Juanillo, ou os que desgraciadamente xa non están con nos: Pepe Liñeiro, pai de Encarna, ou Esteban Carril, pai que foi de Mikel e Karina, á que esta redacción especialmente quere que agrade este recordo do seu pai no día do seu esplendoroso cumpreanos.
Tamén che pode interesar...
Comentarios
Os que nos sentimos socialistas de verdade temos moito que agradecer a todas esas persoas que están nas fotos e os que faltan, porque naquela época había moitisimos máis que non foron a esa cea (meu pai era un invitado nada máis nunca foi militante).
Un especial recordo a meu tio Lolo, Peteno, el si foi militante, hasta a morte.
Eran outros tempos nin mellores nin peores simplemente pasaron os anos, e os problemas seguramente son outros como en tódalas casas.
O que para min está claro é que pasen os anos que pasen,veña uns se retiren outros, o que nos une, o VERDADEIRO sentimento socialista, ese sí que non cambia porque como dixo Pablo Iglesias "Los socialistas no mueren se siembran"
Suscrición de novas RSS pra comentarios desta entrada.