O diario La Vanguardia, fundado na mui mediterránea cidade de Barcelona no ano do noso Señor 1881, pertencente á familia Godó, considerado ideolóxicamente de centro-dereita, especialmente próximo a Convergencia i Unió (CIU) e líder en ventas na Comunidade Autónoma de Cataluña adícalle no seu magacine dominical deste 14 de xuño de 2009 un especial a un dos mellores restaurantes da Costa da Morte e patrocinador de camarinas.eu dende os seus comenzos: o Hotel Rústico Puerto Arnela.

 

Nunha reseña escrita pola xornalista e gourmet Cristina Jolonch, reporteira gastronómica de La Vanguardia e autora de libros culinarios como "Guía secreta. ¿Dónde comen los grandes cocineros?", Premio Nacional de Gastronomía pola súa labor xornalística durante o ano 2008, o restaurante Puerto Arnela ocupa o espacio gastronómico semanal de La Vanguardia. Tendo prácticamente reservada unha páxina enteira nunha reportaxe en color, Cristina Jolonch dalle a palabra ao noso querido usuario e colaborador habitual de camarinas.eu Soto para nunhas poucas pinceladas explicar a orixe dun templo do bo comer que en poucos anos de existencia xa fixo historia culinaria. Recorda Soto os comenzos case por casualidade no Café Bar Arnela, a compra dunha antiga casa en ruinas que pouco despois foi convertida nun coqueto e moderno hotel rústico, a labor sacrificada e sabia nos fogóns da súa esposa Carmen, as imprescindibles irmáns da mesma, as Gelis, e como non da súa sogra Gelina.

 

Ademáis detense especialmente toda unha experta como Cristina Jolonch na salsa mariñeira das suculentas ameixas do Puerto Arnela, vendo recoñecida desta forma algún humilde e desestructurado redactor de camarinas.eu unha das súas apostas clásicas e arriesgadas frente á incomprensión e antigas críticas adversas, polo que se ve, algo destartaladas. Por todo o anterior, aproveitando esta gran homenaxe a un restaurante clave para facer de Camariñas un punto turístico de primeira magnitude e que sempre constituío un fogar para camarinas.eu, aproveitamos para pedirlle a Soto que se pasase por esta redacción para deixar constancia dalgunha das innumerables mensaxes de recoñecemento dos clientes que recibío o Libro de Visitas, o do Puerto Arnela, se entende, e así aparecen publicadas nesta noticia que non fai senón facerse eco da homenaxe que un dos cinco diarios máis importantes de España lle rendío a un restaurante camariñán, o Hotel Rústico Puerto Arnela, patrocinador, colaborador e fogar de camarinas.eu

Vostede non ten permisos para comentar nesta noticia.