O Gabinete de Crisis Culinario de camarinas.eu comandado pola nosa redactora gastronómica Maruja do Mantido preparou posiblemente este venres que pechaba o mes de xaneiro do ano do noso Señor 2009 a maior pota de caldo da historia da humanidade. E fixo falta, queridos usuarios, porque acompañada duns exquisitos bolos de pote e dun cocido antolóxico, non chegou a nada para atender a toda a afameada patrulla chiquitera que se xuntou nun día pleno de eventos sociais no bar paradigmático do distrito de Corea como a festa de despedida dunha María José que retornaba á Arxentina ou o a celebración do 19  cumpreanos da nosa redactora María Belén e que aparecen recollidos nunha cremosa galería de 75 fotografías.

Unha muller que ten en casa un surtido de potas dun tamaño tan descomunal que nun vertedeiro normal non caben e fai falta para lavalas unha mangueira de largo alcance e potencia devastadora ou que cando chegan no mes de julio as entrañables Festas de Carnés prepara uns callos para nada máis e nada menos que 80 comensales, e todo elo sin que o conxunto final perda un ápice no seu sabor e todo cun grado de pulcritude e hixiene máximo, esa muller é obvio que na web dos máis de 3.100.000 visitas ten gardado un posto como redactora xefe da vital sección de gastronomía.

Esta muller da que estamos a falar, integrante do Gabinete de Crisis Culinario, xunto a outras dúas sabias e expertas cociñeiras como Marisa e Gelinita, a petición desta redacción e ante os dous eventos vitais que se aveciñaban, decidío encarar un reto de maior envergadura gastronómica dos ata o de agora enfrentados e así este venres 30 de xaneiro estas tres mulleres prepararon unha descomunal pota xigante dun caldo exquisito de grelos do interior acompañados dos seus boliños de pote e un cocido de suculento elemento porcino  (chourizos, fuciño, costilla e panceta) que desta volta non proviña dos campos roturados de Carnés, senón que foi suministrado polas sempre ben surtidas carnicerías  de Camariñas. O menú elexido seguía sendo fiel ó espíritu aforrativo e austero que inspirou as bases primixenias da sección de gastronomía de camarinas.eu: Contra a crisis, recetas humildes e traballadoras.

Especialmente animado estaba o ambiente do Arnela na noite do venres. Alí atopamos ao noso gran amigo, José Manuel Pensado Lista, "O Chileno", Almirante da Flota Naviera de camarinas.eu, de vacacións forzosas debido aos terribles e continuados temporais que están a asolar a Costa da Morte este inverno e co que finalmente algún día esta redacción dará un valiente paso ó frente e levaremos a cabo un proxecto conxunto que xa hai tempo temos en mente; O Rocco, Manolo do Panadeiro,  o coñecido (e querido por nos, aínda que parezca increíble) veciño de Corea J.A.,etc... en definitiva, os habituales deste entrañable bar camariñán e grandes amigos desta redacción cos que pasar uns agradables momentos de conversación ao redor dun máis que merecido refrigerio cubateril e dunha das suculentas e insuperables tapas do Arnela sempre é un placer.

 

Despois fixeron a súa entrada pola porta unhas ninfas que deixaron boquiaberto ao personal: María Belén, as dúas Lucías, e Maitiña que viñan a celebrar os 19 anos da nosa redactora máis xoven e á que esta redacción fíxolle entrega da súa portada do Fotos Históricas como regalo de cumpreanos. Asemesmo aproveitouse a ocasión para entergarlle a Maruja a Mantida, a portada do Fotos Históricas correspondente á súa filla e tamen redactora desta web Adry que fora publicado o 9 de outubro de 2008.

E despois, para rematar unha noite chea de acontecementos, procedimos a despedir como se merecía a María José, a rapaza arxentina oriunda de Xaviña que fixo que o noso director fora devorado irremisiblemente polo monstruo do amor, a cal este domingo 2 de febreiro retornaba cara Buenos Aires despois de pasar máis de dous meses entre nos, aloxada na casa que a súa nai posúe no fermoso distrito xaviñán de "A Chandeira", non lonxe de onde vive prácidamente o ex-alcalde Bautista Santos Ramos. Para elo, elaboráronse artesanalmente, no fogar, dúas impresionantes tartas de despedida, dunha foi a autora a súa tía Marimonte, da outra Gelinita e Maruja. Dous meses, un corto espacio de tempo, insignificante no devenir das galaxias e dos astros, pero suficiente para deixar entre todos os que tivemos a sorte de coñecela un recordo imborrable. 

Comentarios