Nos últimos anos dende o Concello de Camariñas lanzouse o “Camariñas Composta”. Este proxecto de compostaxe busca que os seus participantes reutilicen os refugallos orgánicos dos seus fogares para compostar e poder usar o resultado nos seus propios cultivos.

Dende o 2020 o colexio de Xaviña deixou de acoller rapaces e rapazas nas súas aulas de forma definitiva e dende entón o edificio careceu de uso, polo menos até o de agora, xa que hoxe, 14 de Abril, a Xunta de Goberno Local acordou ofertar este antigo colexio de Xaviña como un posible Centro de Día para maiores.

Nos últimos días a Consellería de Sanidade notificou ao Concello de Camariñas que a praia de Camelle acadou a cualificación de “Boa” nos últimos controis efectuados. Estes realizáronse durante a tempada de baño do ano 2020 e veñen a ratificar a efectividade das medidas que esta a levar o goberno para reverter os malos resultados dos últimos exercicios que cualificaban a auga desta praia como “non apta para o baño”.

A Xunta de Galicia e o Partido Popular caban definitivamente a tumba política do seu candidato á alcaldía de Camariñas. Nunha decisión que non cabe máis que valorar como de sectaria e discriminatoria cara a vila das Palilleiras, a Conselleira de Política Social, unha tal Fabiola García, firmaba esta semana un convenio de colaboración co alcalde de Malpica no que se comprometía a apoiar económicamente o centro de día da vila malpicana. Hai que recordar que hai pouco máis dun mes era a mesma concelleira a que negaba o respaldo do ente autonómico que ela preside hacia o proxecto de centro de día de Camariñas. Non nos esquezamos de que o Concello de Camariñas conta, como a gran maioría dos homes e mulleres da costa sabe, cunha poboación moito maior e unha tasa de poboación activa inmensamente máis importante de mulleres traballadoras que malpica e por ende de toda a Costa da Morte. Ante esta situación de discriminación dun pobo frente a outro por parte da administración autonómica por mor súa cor política só cabe como solución a esta ultraxe a unión de todas e cada unha das forzas políticas do noso concello para esixir, vía plenaria, a non discriminación por parte da Xunta de Galicia dos cidadáns do Concello de Camariñas. É máis, dende esta redacción requerimos dos partidos políticos con representación no concello así como dos diferentes entes sociais municipais esixir a inmediata destitución desta conselleira por parte da Xunta de Galicia. De non ser atendida esta petición, os representantes da Xunta de Galicia estarían dando a entender de xeito inmediato que o Presidente de todos os galegos, Alberto Núñez Feijoo sería máis que cómplice desta nova ultraxe aos cidadáns de todo o Concello de Camariñas. Só así, ca unión de todos os partidos con representación na sala de plenos do concello, se podería salvar da previsible queima o candidato do PP de Camariñas ante unhas eleccións municipais a tres meses vista. É o momento de estar todos unidos ante outra aldraxe máis dunha vergonzosa e caseque delictiva actuación excluínte e segregadora por parte desa conselleira da Xunta de Galicia que discrimina aos cidadáns segundo a cor política dos concellos onde vivan.

A Costa da Morte é un territorio que agocha as principais sinais identitarias de Galicia. Nela están xacementos que amosan a pegada humana dende milenios, como o dolmen de Dombate. Fisterra é un fito xeográfico que identifica ao territorio dende fai milenios. No monte Pindo teñen a súa morada os deuses primitivos dos homes e mulleres que poboaron estas terras dende a orixe da propia humanidade. Eduardo Pondal, autor do noso himno, nace e imprégnase dun xeito de entender Galicia e o mundo porque é orixinario de Ponteceso, en pleno corazón da Costa da Morte. As simbioses entre os deuses antigos e a nova fe cristiá atopa a súa máxima expresión na romaría da Barca. Ningunha artesanía identifica mellor a Galicia cos encaixes de Camariñas... E, sen embargo, existe unha especie de fobia por parte da Xunta de Galicia cara a Costa da Morte que se amosa en canto ten ocasión.

Este mércores 12 de decembro, os alcaldes dos concellos de Camariñas, Muxía e Vimianzo reuníronse coa conselleira de Infraestruturas e Mobilidade da Xunta de Galicia, Ethel Vázquez, para tratar de concretar as medidas que vai tomar o ente autonómico para axudar a paliar os efectos dos temporais nos devantidos municipios.

O Concello de Camariñas celebrou, a semana pasada, unha nova sesión plenaria na que o grupo socialista presentou unha moción para solicitar á Xunta de Galicia unha maior transparencia no reparto de axudas a entidades locais. O documento pedía, ademais, unha maior autonomía para que os concellos poidan decidir cales son as actuacións máis necesarias no seu municipio. Tal e como sinala a proposta, os concellos son a administración máis próxima á cidadanía e, polo tanto, a que mellor coñece as necesidades dos veciños e veciñas.

O Concello de Camariñas buscará o apoio da Deputación da Coruña e do Grupo de Desenvolvemento Rural Costa da Morte para seguir adiante co seu propósito de dotar dun Centro de Día ao municipio debido á falta de apoio amosada pola Consellería de Política Social da Xunta de Galicia.

O Concello de Camariñas vén de rematar o novo firme a base de formigón do parque infantil no CEIP de Ponte do Porto. Unha actuación moi necesaria que era unha antiga demanda dos pais, a ANPA e tamén do persoal docente debido ao mal estado desta parte do colexio porteño onde xogan os pequenos nos recreos. Reclamacións xustas das que o Concello de Camariñas tivo finalmente que facerse cargo dunhas obras que non lle competen, sobretodo despois do nulo interese mostrado polo Xefe Territorial de Educación da Xunta de Galicia nunha reunión mantida hai unhas semanas co grupo de goberno do concello. Debe ser que a seguridade e o benestar dos nenos e nenas da Escola da Ponte do Porto lles importa un pimiento aos xerifaltes tan ben pagados da administración autonómica desenténdendose completamente das súas obrigas cos nosos nenos.

O portavoz do Grupo Socialista, Xoaquín Fernández Leiceaga, visitou hoxe o Concello de Camariñas, onde sinalou os 9 anos de goberno de Feijóo nos que “toda a Costa da Morte e en concreto ao Concello quedaron deixados”. Sinalou en concreto ao proxecto de ampliación da autovía, “importante para unha comarca como factor fundamental para xerar máis oportunidades de riqueza e emprego”, e á situación do Porto local.

O pasado 14 de decembro o concelleiro xaviñán Sergio Caamaño trasladouse xunto ao veciño de Xaviña e experto na retirada de vespas asiáticas "O Padronés" a unha xornada sobre este insecto que está mascrando a avella do pais. O Padronés é o apicultor que o Concello de Camariñas contrata para a retirada de niños de velutina. A xornada era para dar a coñecer a situación desta praga que asola a Galicia e proporcionar información útil e actualizada aos concellos para que poidan loitar contra a súa expansión. Recordar que a vespa velutina debora insectos e froita. O insecto ao que máis ataca é á abella que é a encargada de polinizar as flores e imprescindible para que teñamos froito. A xornada tiña dúas partes, a primeira, para oír aos representantes da Xunta e a segunda para oír aos representantes da Asociación Galega de Apicultores (AGA). A tenor das palabras dos representantes da Xunta de Galicia odemos dicir que tanto Sergio Caamaño como O Padronés quedaron totalmente decepcionados e realmente alarmados coas opinións dos portavoces autonómicos sobre a situación de desamparo que viven os concellos afectados pola avespa asiática.

Segundo pudo coñecer de primeira man camarinas.eu, a Valedora do Pobo, Milagros Maria Otero Parga, ven de remitir un escrito á representante do colectivo que estivo recollendo sinaturas para demandar un transporte público digno e regular, María Jesús Freire Ramos. Neste escrito a Valedora do Pobo manifesta que, logo de reiterar a demanda de información sobre a denuncia presentada polo colectivo camariñán, a Consellería de Infraestrutura e Vivenda, de quen depende o transporte público, sigue sen dar resposta á Valedora. E van xa dúas demandas de información sobre o mesmo asunto sen que a Xunta de Galicia se dignase contestar ás demandas da Valedora.

O Grupo Parlamentario Socialista, a través da súa portavoz de pesca, a laxeira Loly Toja, fainos chegar unha nota de prensa que reproducimos literalmente en camarinas.eu. Esta nota, e a noticia en si mesma, merecen un pequeno comentario previo por parte desta redacción. Como cuestión previa destacar que algúns grupos políticos, aínda de ámbito galego, non teñen problemas en facernos chegar as súas notas de prensa. Outros prefiren “pasar” de nos. Seguramente porque non nos consideren importantes. Ala eles. Nos ao noso, que non é outra cousa que informar, dentro das nosas posibilidades, de todo aquelo que afecte a Camariñas.

Tan só tres días despois de que falecera en Dor Dona Josefina Rodríguez Cibrán, a Matriarca das puntilleiras de Camariñas, o Encaixe de Bolillos sufría un menosprecio e humillación díficil de entender e duro de superar. O mesmísimo Presidente da Xunta de Galicia, Alberto Núñez Feijoó perpetraba na Feira Internacional de Turismo (FITUR) unha ultraxe a Camariñas, ao seu encaixe e por extensión a toda a Costa da Morte que será difícil de olvidar por estes lares. Segundo conta a edición de hoxe de La Voz de Galicia en Carballo e que puido corroborar Camarinas.eu en conversa co alcalde camariñán Pichurri, o Presidente da Xunta renegou de forma escandalosa da Costa da Morte, rexeitando reiteradamente visitar o stand que agrupa aos concellos deste cada vez máis olvidado recuncho atlántico, esto incluso despois de que lle pedira en persoa o propio alcalde camariñán para que se achegase por alí e comprobase o traballo das dúas palilleiras camariñanas. Este foi todo o respeto que lle mereceu ao home que supostamente preside a todos os galegos o primeiro stand en toda a historia de FITUR de todos os concellos da Costa da Morte. O único territorio de Galicia no que o PP non é  gran forza política hexemónica e no que mantén paradas sine die inversións e infraestructuras vitais de necesidade (que imos decir xa da autovía).

Rastrexando como jabatos o mundo cibernético en busca de noticias que poder arroxar aos nosos innumerables lectores, hoxe na web da axencia europapress atopamos unha noticia que reincide na importancia do porto de Camariñas como un dos principais da Costa galega. Así, a Consellería de Pesca e Asuntos Marítimos, que preside en funcións Carmen Gallego, nunha das súas últimas decisións decidío costear  o cultivo da ameixa no noso porto a través da instalación dunha plataforma flotante na que se atenderá a fase de preengorde da semente para logo rexenerar as zonas de producción do molusco.

O Goberno da Xunta de Galicia, con todos os seus Conselleiros e encabezado polo seu Presidente, desprazarase o próximo xoves 15 de novembro a Muxía para celebrar o seu consello semanal, con motivo de recorda-lo  5º aniversario do naufraxio do Prestige e, en palabras do Presidente da Xunta Emilio Pérez Touriño, constituir "un xesto de compromiso de futuro coa Costa da Morte."