O 25 de Novembro é o día internacional contra a violencia de xénero e con este motivo o Concello de Camariñas realizará nese día e nos que o rodean unha serie de actividades en consonancia co mesmo. Deste xeito, realizarase unha andaina o propio 25 que terá diversos elementos relacionados coa muller e a súa vida, así como un acto final de repulsa a violencia de xénero.

Do mesmo xeito, o 26 de Novembro celebrarase o I ciclo de conferencias “a investigación con perspectiva de xénero”, unha colaboración entre o Concello de Camariñas e a Facultade de Socioloxía da UDC e o Máster Universitario Oficial en Políticas Sociais e Intervención Comunitaria.

O ciclo terá lugar no Museo do Encaixe cunha entrada de balde até completar aforo. Iniciarase as 16:00 ao cargo de Raquel Martínez-Buján, decana da Facultade de Socioloxía, que falará sobre “A importancia da produción científica con perspectiva de xénero”. Ás 16:15 comezará a primeira das mesas centrada na “Saúde con perspectiva de xénero” na que participarán Silvia Miragaya, terapeuta ocupacional; Raquel Viega-Seijo, enfermeira, podóloga e doutoranda no departamento de Ciencias da Saúde; e Rocío Ferreira Marante, terapeuta ocupacional. A segunda mesa comezará as 17:45 e nela Tatiana Palmeiro Ojeros, socióloga; Cecilia Diéguez Fociño, socióloga; e Noelia Teijeiro-Cal, socióloga e técnico de igualdade municipal, falarán sobre diferentes aspectos da “Sexualidade con perspectiva de xénero”.

Entre as dúas mesas de debate haberá un pequeno descanso no que se aproveitará para presentar o vídeo “Emprendedoras e bravas: mulleres de Camariñas”.

Recital de poesía feminista

Cerrará o ciclo de conferencia a poeta Lúa Mosquera quen ofrecerá un recital aos presentes a partir das 19:00. Lúa Mosquera (Miño, 1988) é unha graduada en Lingua e Literatura Galega e actual campioa da Poetry Slam Compostela e que presenta unha poesía feminista a través dos seus dous libros de poesía “Rasrás” (2018) e “Aunque seas rara y seas pájaro” (2020).

O 25 de Novembro é o día internacional contra a violencia de xénero e con motivo deste fito o Concello de Camariñas organiza unha andaina popular baixo o nome “As mulleres de Camariñas: libres e rabudas” nesta fecha. Comezará as 10:00 fronte o Museo de Cerdeimar e encamiñarase ao Museo do Encaixe onde os participantes visitarán a exposición fotográfica “As mulleres de Camariñas: libres e rabudas”. Posteriormente pasará polo porto onde unha mariñeira e unha percebeira explicarán como é a vida de unha muller que traballa no mundo do mar. Por último, a andaina rematará con unha concentración e repulsa da violencia machista.

A participación é totalmente gratuíta, pero as prazas son limitadas polo que será necesario confirmar a asistencia no teléfono 981 737 004. Cada persoa que o faga recibirá un agasallo.

A violencia de xénero e os seus perigos sempre estiveron aí, pero nos últimos anos os datos están a ser cada vez máis preocupantes. Pensar que na pasada corentena (14 de Marzo a 15 de Maio do 2020) un total de 18.700 mulleres foron atendidas mediante o número de teléfono especial dispoñible para estes casos ou mediante consulta vía correo electrónico, segundo Noemí López Trujillo para Newtral.es. A situación empeora na xente nova, naquela que supostamente debería mellorar. Durante o 2019 as denuncias por violencia de xénero nos menores de 18 anos aumentou un 21,4% segundo o INE (Instituto Nacional de Estatística) elevando o número de rapazas afectadas até o 1,5 de cada 1.000.

Por todo isto é cada vez máis imprescindible atallar o problema dende a educación e crear espazos que inculquen os valores da igualdade de xénero nos máis novos para solucionar o problema. Con este propósito nacen no Concello de Camariñas unha serie de actividades dirixidas especialmente ao alumnado dos centros educativos e que se levarán a cabo durante este mes de Marzo que está a piques de dar comezo.

A primeira delas será a campaña “A Biblioteca Violeta”. Nela, dende a biblioteca municipal, realizarase unha selección de libros, manuais e materiais audiovisuais que tratan e educan en materia de igualdade. Estes resumiranse nun folleto que será repartido entre todo o alumnado do concello.

Nos centros de educación infantil e primaria propoñerase unha adaptación do conto “A Ratiña Presumida”. Nel trátanse temas como as relacións saudables, o amor propio e a igualdade de xénero a través dunha narración cun formato similar ao da fábula. Outra das actividades será o obradoiro de ilustración “O Lapis Violeta”. Destinado ao alumnado de 5º e 6º de primaria terá lugar nos días 5 e 12 de Marzo e nel afondarán nos valores e fundamentos da igualdade de xénero a través do debuxo. Unha vez rematado o obradoiro levarase a cabo unha exposición virtual co traballo desenrolado polos alumnos participantes.

Por último, se as condición climatolóxicas o permiten, o día 8 de Marzo presentarase no CEIP Ponte do Porto un mural en homenaxe a todas as mulleres. Con el irá tamén un vídeo onde os artistas encargados de pintalo explican o proceso de deseño e elaboración, así como os medios cos que contaron para levalo a cabo.

Estas actividades serán maioritariamente de carácter virtual para manter a seguridade dos seus participantes fronte a situación sanitaria actual.

Este venres 23 de novembro de 2018 organizáronse no noso concello tres manifestacións en contra da violencia de xénero. Estas leváronse a cabo nos centros educativos de CEIP O Areal, CEIP Ponte do Porto e IES Plurilingüe Pedra da Águia. Na celebración destes actos estiveron presentes ademais dos membros da comunidade educativa e o alumnado de ditos centros a alcaldesa Sandra Ínsua e a técnica de igualdade do Concello.

O Concello de Camariñas súmase un ano máis a campaña ‘En Negro contra a violencia’, e tinguirá o municipio de negro para tratar de concienciar e erradicar da sociedade a lacra da violencia de xénero, polo ‘Día Internacional Contra a Violencia de Xénero’ do 25 de novembro. Neste ano a campaña está centrada nos establecementos hostaleiros do municipio, que están a tinguir os seus espazos de negro coa cartelería aportada polo Concello. Por outra banda, este venres 23 de novembro, o Concello de Camariñas levará a cabo unha manifestación en cada centro educativo da contorna. Ás 11:00 da mañá terá lugar no CEIP Ponte do Porto, ás 12:45 no IES Plurilingüe Pedra da Aguia e finalmente no CEIP O Areal ás 13:30.

O Concello de Camariñas continúa traballando contra a violencia de xénero, unha lacra social desta sociedade. Hoxe, luns 12 de novembro, a alcaldesa de Camariñas, Sandra Ínsua Rial, desprazouse ata Santiago de Compostela para asinar o protocolo EN NEGRO CONTRA A VIOLENCIA.

Este luns 22 de outubro, tivo lugar a Xunta Local de Seguridade que convocou o Concello de Camariñas e na que tanto a subdelegada do Goberno, Pilar López-Rioboo, como o coronel da Garda Civil, Francisco Javier Jambrina Rodríguez, confirmaron que actualmente Camariñas ten un índice de criminalidade por debaixo da media da provincia.

Onte un asasino machista recorreu máis de dous mil quilómetros dende Alemaña á España para matar a súa ex parella. Foi o último crime machista cometido por un fulano que, coma tantos outros, pensaba que a muller non é mais que unha propiedade sobre a que se pode exercer todo tipo de control e que, chegado o caso, incluso quitarlle a vida. En todo o mundo hoxe dedícase este 25 de novembro a condenar á violencia machista. En todo o mundo menos no PP de Camariñas.

Dende a concellalía de Servizos Sociais que dirixe a concelleira sociallista pola Ponte do Porto Sandra Ínsua Rial, veñen de comunicarnos que este luns 27 de Novembro celebrarase na praza do Concello de Camariñas unha manifestación en contra da violencia de xénero. A realización desta concentración está prevista para as 11:00 da mañá na praza do Concello, eso se as condicións climatolóxicas o permiten, e senón celebrarase nun lugar moito máis abrigado como é o Pavillón Municipal de Camariñas. De todos os xeitos, aquí en Camarinas.eu, estaremos atentos de anunciar onde se celebrará definitivamente este acto mediante as nosas redes sociais.

Continúa o traballo que dende o Concello de Camariñas se realiza contra esta lacra da nosa sociedade como é a violencia de xénero. Así, este mércores 15 de Novembro de 2017, a concelleira de servizos sociais Sandra Ínsua desprazábase ata Santiago de Compostela para asinar o protocolo para a campaña “En Negro Contra as Violencias Machistas”. Esta é unha iniciativa de denuncia e sensibilización social contra a violencia de xénero promovida por máis de 50 Concellos galegos, entre eles, Camariñas. Esta importante campaña deste grupo de concellos ten como obxectivos os seguintes puntos:

O pasado luns 30 de Outubro comezaron os talleres de igualdade entre homes e mulleres e a loita contra a violencia de xénero no IES Pedra da Aguia da Ponte do Porto por parte da técnica de igualdade contratada polo Concello de Camariñas. Os talleres van encamiñados a realización de diferentes actividades facendo partícipe a todo o alumnado do centro. Co alumnado de 1º e 2º da ESO estase a traballar mediante vídeos para aprender a distinguir patróns violentos así como as distintas manifestacións de cada tipo de violencia. Tamén se traballan os mitos que sustentan a violencia de xénero e as características e calidades asociadas socialmente a homes e mulleres. Ademais de proporcionarlles información acerca dos recursos que están ao seu alcance para saber como actuar e onde acudir ante unha situación de maltrato.

O Concello de Camariñas vai seguir esforzándose na súa loita pola igualdade entre mulleres e homes e contra a violencia de xénero. Para continuar con este compromiso contratatou unha técnica de igualdade acreditada neste campo para comezar cos traballos ao respecto deste lamentable lacra que azouta a convivencia.

Onte tivo lugar no concello de Camariñas a Constitución da Xunta Local de Seguridade que ten como obxectivo principal facilitar unha eficaz coordinación  e cooperación entre forzas e corpos de seguridade que exercen as súas funcións dentro do municipio. É importante pois non só constitúe un órganos de coordinación operativa senón tamén informativa, facilitando cauces de canalización que permitan a colaboración dos sectores sociais e institucionais afectados na correcta planificación  da seguridade pública.

Este xoves 25 de novembro de 2010 pasará á historia de Camariñas como o Día Internacional Contra a Violencia de Xénero máis activo que recorda en moitos anos. Xa pola mañán todo aquel que se acercase pola Casa do Concello ou pola Casa de Pedra podía observar como a gran maioría das traballadoras municipais portaban un lazo violeta prendido das súas roupas como forma de concienciación na loita contra a violencia de xénero, pero nembargantes o máis importante estaba por chegar cando nunha xélida tarde de outono, desas nas que un vento nordeste corta as poucas caras que osan aventurarse fóra dos seus fogares, tivo lugar unha manifestación que baixo o lema "Abramos os ollos, ¿cantas mulleres asesinadas máis?" percorrío as rúas de Camariñas e agrupou a unhas cantas ducias de veciñ@s, cunha nutrida representación política e acabou ante a Estatua adicada á Muller Traballadora, en pleno Distrito de Corea, onde se leío un pequeno comunicado alentando á sociedade en xeral a combatir toda forma de maltrato de xénero. Asemesmo cómpre salientar a participación do Coro Municipal que interpretou algunhas pezas do seu variado repertorio.  Unha vez acabado o acto, os participantes na manifestación partiron cun rumbos diversos nunha oscura e fría noite de Camariñas.