Este domingo 7 de abril ás 18:00 horas da tarde será celebrada na Casa de Pedra a preestrea do video-clip "Eu Son Camariñas" por parte dos seus creadores. Despois de 5 meses de intensos traballos de deseño e creación audiovisua, xestións e grabacións o equipo de producción ten xa todo preparado para proceder a esta preestrea á que tan só se poderá acceder por medio do formulario da web do proxecto da web do proxecto habilitado para tal efecto. Unha preestrea exclusiva á cal asistirán tanto os seus protagonistas, creadores e representantes dos colectivos participantes no programa como ortavoces dos partidos políticos así como un selecto grupo de creadores audiovisuais invitados expresamente para facer unha valoración do gran proxecto promocional que ten en vilo a toda a cidadanía do Concello de Camariñas. Será esta gala a antesala da presentación oficial que, tal e como nos informan dende o equipo de producción de "Eu Son Camariñas", será celebrada por todo o alto nesta edición da Mostra do Encaixe de Camariñas e da cal terán informados aos nosos usuarios e lectores convenientemtente. Eu Son Camariñas!

Poucas veces se víu a todas as parroquias do concello de Camariñas revolucionadas de tal maneira como na mañá deste luns 11 de marzo. O motivo de tal sobresalto popular non era outro que o regreso das grabacións dun proxecto que marcará un antes e un despois na promoción do concello. Os integrantes do equipo de producción do proxecto audiovisiual "Eu son Camariñas" comezaban moi cedo as labouras dixitais que veñen a poñer o broche final a esta serie de grabacións que se sucederon ao longo de todo o concello. Entre os protagonistas desta historia que está chamada a quedar xa na memoria colectiva de todos os veciños do consistorio tivemos a oportunidade de rexistrar nas súas cámaras a esencia de todo o mellor que este gran concello e as súas xentes teñen para ofrecer: houbo dinámicas empresas de diferentes sectores, profesionais dos ámbitos máis caracterísiticos da nosa terra, emprendedoras do sector textil, as paisaxes máis impresionantes, as nosas máis representativas artesás, deportes e un largo etcétera que tivo o seu cumio na tarde cando se deron cita na lexendaria praia de Area Longa en Reira preto de un cento de nenos e nenas das diferentes escolas deportivas do Concello de Camariñas. Porque eso foi o máis emocionante para un redactor que a presente subscribe, ver a alegría e a ilusión que este proxecto provoca nos máis pequenos que ven como a súa terra, o seu fogar, e sobretodo eles mesmos son os protagonistas da historia que lles marcará para sempre. #EuSonCamariñas

Na mañá deste sábado 22 de decembro saltaba a sorpresa nas redes socias do concello, e non estamos a falar dos 120 euros de premio na lotaría do nadal da comisión de San Xurxo. Ao que nos referimos é ao video que os chavales do IES Pedra da Águia estrenaban para celebrar o 20 aniversario do instituto da Ponte do Porto. E foron capaces de sorprender a propios e extranos no día no que moi poucos se volveron de pronto millonarios e o resto de españois, pois un pouco máis pobres do que estábamos. Pero resultou que, a parte do fiasco da lotería de nadal, os estudantes do IES puxeronnos a todos os internautas un gran sorriso na cara con un video impresionante, dunha posta en escea espectacular que seguro quedará para a historia da ensinanza en toda a Costa da Morte. Dende esta redacción queremos darlles a noraboa a todos os que fixeron posible este video para celebrar os 20 anos de existencia dun instituto que seguro vai ter premio proximamente. Noraboa!

Este mercores 16 de abril de 2014 inaugurabase unha edicion mais da Mostra do Encaixe, un evento de importancia tal qu soe concitar unha gran presencia de medios de comunicacion. Foi por elo que para ir quentando motores un equipo da Television de Galicia desplazouse ata a Vila das Palilleiras para pulsar o ambiente entre os camarinans ante a inauguracion do maior certame encaixeiro a nivel mundial. Unhas xentes ilusionadas, felices, por poder mostrar a fermosura e a arte da sua vila ao mundo enteiro e que reciben algarazados a importante remesa de visitantes que se achegara dende o 16 ata o 20 de abril. Por elo, como documento historico, vaia este video da TVG para ilustrar o ambiente que se sentia polas ruas de Camarinas o dia da inauguracion da sua XXIV Mostra do Encaixe.

Un ano máis Camarñas engalánase para a mellor das Mostras e unha vez máis tamén a implicación de Camarinas.eu na mesma será total, absoluta, sen resquicio algún á improvisación nen ao descanso. Unha cobertura que nesta 24º edición do principal certame encaixeiro a nivel mundial será exhaustiva e que incluirá, ademáis da publicación diaria de canta novidade e noticia aconteza dentro do recinto da Mostra, un módulo especial en exclusiva para as notas de prensa que se vaian emitindo en relación do certame encaixeiro. E para ir quentando motores procedemos a publicar dous documentos gráficos que amosan ben ás claras o que significa a Mostra do Encaixe de Camariñas: o vídeo resumen do ano pasado, elaborado precisamente por Diego Alonso Freire, e o spot promocional da presente edición. Será do 16 ao 20 de abril de 2014 cando o principal acontecemento que sacuda as terras de Galicia aconteza na precisamente por elo chamada Vila das Palilleiras e alí, para a dar máxima promoción xornalística á mesma, estará Camarinas.eu. En corpo e alma ca nosa Mostra do Encaixe.

En tempos revoltos nada mellor que unha patriotada. E para facer patria en Camariñas hai que acudir aos catro-cinco iconos que unen a todos os veciños por enriba de calquer outra cuestión problemática e que ninguén discute: o Faro, Reira, o Encaixe... e o folklore nacional. Aquí, como resulta obvio, destaca sobor de todo o demáis o auténtico himno oficioso do Concello, un deses cantares, emocionais e definitorios, que si che collen con mal corpo acabas chorando como unha magdalena, tal é a forza de "O Pasar por Camariñas", unha bala de diamante directa ao centro da alma. Nestas o programa da Televisión de Galicia "No bico un cantar" decidío adicarlle unha edición ao gran himno musical da Costa da Morte e ahí Camariñas enviou ao combate a toda a súa potencia de fogo: os irmáns Barcia Trashorras, Os Panchos do Jolfendro, a Coral Municipal de Mulleres, José Luis dende Puerto Rico... para tratar de render a debida homenaxe a un cantar que si non che pon a pel de galiña, unha de dúas: ou non tes sangue no corpo ou non eres camariñán.

Hai días nos que son tantas as noticias que recibe esta redacción que literalmente non se da abasto. Hoxe é o caso xa que nos acabamos de enterar de que hai unhas semanas unha unidade móbil da TVG concretamente do exitoso programa matinal da canle autonómica "A Revista" recalou en terras camariñanas para realizar unha pequena pero intensa reportaxe sobre a "Ruta polo litoral de Camariñas". Dita unidade móbil contou coa colaboración da experta en turismo e usuaria de Camarinas.eu Rosa Mouzo Pasantes, a cal foi guía de primeira liña co equipo de grabación da TVG. Así Rosita, tal e como é coñecida popularmente en todo o concello, fai o que mellor sabe e dirixe aos reporteiros hacia os lugares máis emblemáticos e de maior beleza do litoral de Camariñas así como tamén aproveita para contar algunha que outra das anécdotas, mitos e lendas que posúen os paraxes máis fermosos da nosa costa. Un bonito reportaxe co cal queremos felicitar a Rosita pola súa labor na caseta de información turística a prol da promoción do noso concello.

Rastrexando polas ondas cibernéticas, dando un dos nosos clásicos repasos periódicos, atopamos unha pequena xoia visual que de seguida pasamos a reproducir. Ten un tempo xa, posiblemente uns anos, e nela un clásico dos programas divulgatvos na segunda canle da Televisión Española, Jara y Sedal, elixe como protagonista a un dos nosos veciños. Baseado o episodio en cuestión no mundo da pesca, a elección non podía ser máis acertada cando os reporteiros televisivos, supoñemos que tras preguntar aquí e alá pola vila, acudían na busca do noso querido amigo Duardo de Lisa. Baixo a súa cobertura embarcábanse no que hoxe en día sería dado en chamar un exercicio de pesca extrema, á caza das lubinas no entorno febril e aguerrido de Reira, quedando para os anales como un exemplo perfecto e acabado de dominio dos tempos dunha embarcación nun entorno certamente desfavorable e hostil, en canto sabio coñecemento do medio, perfecto manexo dunha lancha e hábil práctica da pesca deportiva. Un observa a Duardo e pensa en Messi tumbando rivais a base de requiebros imposibles. Un vídeo documental que aínda hoxe, pasados xa uns anos, non deixa de abraiar.

Día grande, emotivo, dos que quedan para o recordo na Vila de Camariñas. Fruto da colaboración entre o Concello de Camariñas, Camarinas.eu e a Comisión da Festa do Carmen presidida polo noso gran amigo Rubén Lema, que á fin e á postre foi de quen partío esta acertada iniciativa, Camariñas vivía un día de festa a partires das 13:00 horas deste histórico sábado 22 de decembro de 2012. No seu Paseo Marítimo, ca bendición sacra do Páter camariñán Don Jesús Baneira, cos saltos multicolores da Danza de Arcos, ca máis alta representación institucional, cos membros da Comisión, non foi raro ver signos de ledicia espontánea, infantil incluso, rostros de emoción, bágoas serpenteando furtivas polas meixelas, nos presentes.

Chegaba o cantautor Xoán Curiel á Casa de Pedra despois de realizar xunto ao camariñán Álvaro Trillo unhas xornadas educativas cos chavales do IES Pedra da Águia e chegaba acompañado dunha banda de músicos espectacular na que destaca o noso querido amigo Álvaro Trillo á batería. E foi este pasado sábado 8 de outubro cando saudando a Álvaro éste lle recordaba a un redactor que escribe: "¿acórdaste? Este foi o noso primeiro local de ensaio xuntos". E era verdade aínda que xa non lembrábamos esto, pero ahí estaba Álvaro para recordárnolo como si dunha calculadora humana se tratara. A evolución musical que este gran músico camariñán experimentou dende aqueles tempos onde tantos afeccioados á música o comezamos a admirar foi meteórica. Tanto daba o estilo musical onde Álvaro se involucrara. A súa peculiar forma de entender o ritmo musical vai máis alá do que a moitos nos gustaría imaxinar e a súa visión do grupo como un todo é espectacular. Así, despois de todos os grupos nos que Álvaro colaborou chegoulle a hora de conectar cun grande da música como o grupo do comprometido cantautor Xoán Curiel no cal desvorda a calidade e a imaxinación de tódolos seus compoñentes. Deixámosvos cunha prova delo no concerto que este grupo bordou na Casa de Pedra este sábado 8 de outubro. Para camarinas.eu foi todo un placer e unha alegría inmensa volver a escuitar ao noso amigo e compañeiro Álvaro Trillo na súa batería. Noraboa Álvaro.

Perdidos en Galicia, un programa producido polo novo canle autonómico do grupo La Voz acaba de lanzar o seu capítulo adicado á Vila de Camariñas. Foi hai unhas semanas cando unha cuadrilla de descoñecidos (agora xa máis populares) rodeados con varios cámaras e operadores de sonido deambulaban por Camariñas adiante en busca dos ingredentes necesarios para realizar unha queimada. Ese era o principal argumento deste programa que foi emitido este domingo en prime-time polo exitoso canal galego.

O Concello de Camariñas ven de estrenar recentemente na súa web unha serie de dous videos co fin de promocionar, entre outras, as excelencias paisaxísiticas do noso concello polos catro puntos cardinais. Dito video foi financiado pola Deputación Provincial da Coruña e realizado integramente polo Grupo La Voz de Galicia. Grupo que experimentou un gran salto de calidade ao fundar o seu propio canle de televisión coñecido por todos como V Televisión. A producción audiovisual céntrase principalmente nos aspectos máis turísticos do Concello de Camariñas. Ademáis podemos escoitar pequenos cortes onde visualizamos entrevistas a diversos persoeiros representativos de Camariñas coma o Alcalde Pichurri e a Lola de Xaviña como Presidenta das Mariscadoras entre outros. 

Continúa a fiebre televisiva adicada a establecementos hosteleiros de Camariñas. Programa va, programa viene. Se hai tan só unhas semanas a canle V Televisión a través do programa "De Bares" adicáballe unha edición ao Café Bar Arnela, desta volta foi o seu irmán pequeno, o Hotel Restaurante Puerto Arnela, o que era honrado ca visita da TVG. "A Revista", programa ubicado na mañán televisiva do canal galego facía unha pequena reportaxe nun dos principais establecementos hosteleiros da Costa Morte. Foi non hai moitos anos, cinco, seis, cando unha parella de xóvenes camariñáns decidío restaurar unha das máis antigas casas da vila e convertila nun restaurante de calidade, dende aquela un desfile continuo de visitantes de envergadura recalou no coqueto ristorante da Praza do Carme e poido degustar un menú surtido dos mellores productos do noso mar. A elo, en época recente sumouse o espectacular e sublime Bosque de Columnas Pintadas, obra se non de Agustín Ibarrola si do seu alumno máis aventaxado e que permiten saborear un dos mellores menús da Costa da Morte contemplando unha obra artística inmortal e sen igual.

Bueno, pois agora que xa estamos a piques de entrar na fase decisiva que levará ao desenlace da así chamada "La Madre de Todas las Batallas" (batallas electorais, se entende, non vaia ser que nos volvan a tachar de web promotora da violencia máis masiva e xenocida, algo que non poderían volver a soportar os nosos aflixidos e sensibles corazóns: eso sí que no, por favor) imos a deixar constancia en público de cal será o modus operandi do medio de comunicación autóctono líder de todas as costas atlánticas galegas na vindeira campaña electoral. Este non será outro que o da máis estricta imparcialidade e obxectividade, nin a favor de un nin en contra de outro, ou como decía o xornalista deportivo José María García respecto da actitude que caracterizaba a un dos máis famosos dianteiros da historia do Real Madrid: "Emilio Butragueño, ni una mala palabra ni una buena acción". Eso sí, resta únicamente saber respecto das actuacións de que bando aplicaremos cada unha das dúas partes da enigmática frase en cuestión.

O prometido é deuda e si hai exactamente dúas semanas publicábamos na nosa portada que un equipo da Televisión de Galicia comandado polo socio-linguista de orixe hindú Anik Nandi visitara a Vila das Palilleiras por mor de grabar un documental sobre Camariñas, hoxe publicamos a citada reportaxe, dunha duración aproximada de catro minutos e que puido ver toda Galicia na sobremesa do sábado 19 de xuño de 2010 dentro do programa Cultura 10, presentado pola escritora e columnista focense Luisa Castro, dunha duración de media hora e de carácter eminentemente cultural. Sabedor gracias a camarinas.eu da emisión dunha reportaxe sobre a nosa vila, alí estaba ante a pantalla do televisor sobre as 15:15 horas do citado sábado o noso usuario, colaborador e patrocinador Juan Camariñán para visionar e grabar o citado documental para despois facelo chegar a esta redacción e que desta forma todos os usuarios da web máis vista da historia do litoral atlántico galego, aquela que sobrepasou xa con moito os 10.000.000 de visitas, puideran deleitarse ca contemplación das maravillas dun concello único. Documental ademáis que lle tiña reservado os seu minuto de gloria televisiva así como ao noso amigo Bernardino Martínez que oficiou como guía de Anik Nandi por estas terras.

Aproveitando que cara ás 15:00 horas deste mércores 31 de marzo de 2010 dou comenzo a XX Mostra do Encaixe de Camariñas, camarinas.eu quere render unha sentida e sinxela homenaxe a todas aquelas persoas que fixeron posible que o noso concello se convertise na Capital Mundial do Encaixe de Bolillos a través dun Fotos Históricas repleto de imaxes daquelas primeiras e ilusionantes edicións e de máis de media hora do vídeo oficial da Mostra de 1993, incluindo incluso un recordo para aquela edición primixenia organizada por unha xoven Comisión das Festas do Carme de 1978 e celebrada na Escuela Náutica Ramón Noguera Patiño. Un longo periplo iniciado en 1991 que resituou a Camariñas como a primeira potencia global no sector encaixeiro e que acercou ata ás nosas rúas a centos de miles de visitantes. Unhas primeiras edicións, aquelas de inicios dos 90 caracterizadas polas grandes muchedumbres que invadían Camariñas ano tras ano, pola forza de vontade duns cantos visionarios e sobre toda pola ilusión das xentes dunha vila completamente volcadas co experimento novedoso que situaba ao pobo da súa alma durante uns días de Semana Santa no centro de tódalas miradas. Agora que cumpre 20 anos, ¡¡FELICIDADES MOSTRA DO ENCAIXE!!

Na mañá radiante pero fría deste venres 12 de febreiro os rapaces do CEIP "O Areal" de Camariñas celebraron a chegada do Entroido cunha gran comparsa de disfraces que recorrío gran parte do noso pobo. Dita procesión comezou sobre as 11 da mañá na porta da escola e baixou pola mítica e ao mesmo tempo destartalada Rúa Calvario ata chegar a zona da praia de Camariñas onde se detuveron un momento para reorganizar as filas. Despois continuaron ata a Praza do Concello onde a infantil comitiva era esperada por varios concellais e un Alcalde que mostraba o seu lado máis humano cando recibíu aos cativos disfrazados. Despois desta recepción os nenos desprazáronse dirixidos polos seus mestres ata o Pavillón Municipal de Camariñas onde se realizaría un pequeno ágape a base de productos típicos destas datas que os mesmos nenos levaron das súas casas. Cabe salientar que este acto foi desarrollado en colaboración mutua polo CEIP "O Areal de Camariñas", a Asociación de Pais de Alumnos do mesmo e o Concello de Camariñas. Cousa que nos agrada xa que todo saíu perfectamente organizado e sin ningún incidente imprevisto.

Ao longo de toda esta semana pasada xa poidemos ver na TVG e nas desconexións rexionais das distintas televisións de ámbito nacional o que é o anuncio da XVIII Mostra do Encaixe, o cal nos foi remitido por un dos nosos máis queridos usuarios que o capturou él mesmo da televisión. Debemos recordar que este spot foi rodado pola productora coruñesa Lúa Films, que se puxo en contacto con camarinas.eu recabando voluntarios para saír no video, e así a nosa Camariñas Beauty máis cremosa, Maytiña, ten un papel clave que fai do video unha auténtica obra maestra por obra e gracia dunha das camariñanas máis fermosas.

Xa podes ver os videos largos de camarinas.eu na nosa web. Este video foi producido e donado por netCam dixital Camariñas para a Asociación de Loita contra o Cáncer de Camariñas. Aínda non sabemos cando será a Cena deste ano pero desde aquí queremos ofrecer este espazo para a "Asociación de Loita contra o Cancer de Camariñas" e todas as Asociacións de Camariñas que necesiten dun espazo de comunicación como é este. Un espazo aberto a todos os camariñáns.

Documental de Camariñas en youtube para velo en camarinas.eu, Hoxe amosámosvos un documental que anda pola rede e que trata de mostrar un pouco o que é Camariñas e o que ofrece. Ten algúns erros porque non foi feito por xente de aqui, pero bueno, espero que vos guste.