Despois de tantos anos de sacrificio en Suiza, esperando para vir definitivamente á súa terra e poder desfrutar da súa xubilación, chega a recta final dese momento tan agardado e a traxedia cébase co noso querido amigo Tono da Riala. O veciño de Camariñas Don Antonio Mas Rego de 63 anos de idade, falecía este domingo 16 de xuño de 2019 no Hospital du Jura en Delemont despois dunha longa loita contra unha enfermidade que, finalmente e contra todo pronóstico médico, se levou por diante a vida deste camariñán exemplar. Un home do cal sempre nos quedará randes lembranzas como a súa amabilidade e tranquilidade, sempre afable e falador, Camariñán con maiúsculas onde os haxa, pero sobretodo un pai e marido exemplar e amigo dos seus amigos. Como olvidar aquelas festas no Café Bar Arnela de Gelinita...

Imos relatar a derradeira iniciativa para percorrer o Camiño de Santiago de un modo orixinal e distinto. Marcos Tajes Bermúdez e Yolanda Marcote Ínsua. Él de Camariñas, ela de Arteixo. Marcos marchou para Suiza no 1983 e Yolanda nacío alí pero fala un perfecto galego. Os seus pais xa eran emigrantes. Yolanda foi a que propuxo facer esta viaxe medio en broma a Marcos pero cando asegurou que era para celebrar os 15 anos que levaban xuntos de inmediato o camariñán aceptou percorrer os máis de 2000 km que separan Suiza da Costa da Morte. Fixeron a viaxe seguindo unha ruta que vai dende Suiza ata o Santuario do Apóstol en varias semanas. Unha vez chegados a Santiago dirixíronse ata Fisterra e de ahí, para finalizar o camiño, seguiron ata Camariñas onde por fin remataron a súa viaxe. Os maiores atrancos que atoparon na súa viaxe foron inconvintes coma chuvia, moito cansancio, algún que outro pinchazo e varias caídas sin consecuencias graves. Conta Marcos que o tramo máis duro foi o derradero deles: dende Fisterra ata Camariñas, con un vento do nordeste que lles daba xusto de frente e ca sensación de que xa estaba na casa pero non daba chegado ao seu destino... En total a viaxe completárona os nosos intrépidos ciclistas en un total de 33 días nos cales percorreron unha distancia de 2.203 kilómetros. Está previsto que nuns uns días abrirán un blog para mostrar todas as fotos e experiencias vividas nesta viaxe e que anunciaremos tamén aquí en Camarinas.eu. Noraboa por eses 15 anos de amor amigos!