• O proxecto Camariñas Composta chega ao seu ecuador

    Nos últimos anos dende o Concello de Camariñas lanzouse o “Camariñas Composta”. Este proxecto de compostaxe busca que os seus participantes reutilicen os refugallos orgánicos dos seus fogares para compostar e poder usar o resultado nos seus propios cultivos.

  • Nova proposta para a senda da Punta dos Castros

    No mes de Xaneiro o Concello de Camariñas propuxo un plan para realizar unha senda na ribada da Punta dos Castros e, deste xeito, poder conectar a zona da Area da Vila coa praia de Lingunde. Porén, este foi rexeitado polos expertos en arqueoloxía da Dirección Xeral de Patrimonio da Xunta de Galiza alegando que o estudo previo realizado sobre o terreo era insuficiente. O motivo dese rexeitamento foi que por onde se situaría a senda ao finalizar o proxecto podería ser un terreo que gardara restos arqueolóxicos a unha maior profundidade da que se estudo polo de agora.

  • Proposta para a reposición do firme de Reira.

    Unha cuestión recorrente no Concello de Camariñas é a vía de 12 quilómetros que conecta o cabo Vilán coa vila de Santa Mariñas. Esta ten un firme de zahorra que se ve afectado frecuentemente polo paso dos temporais xa que producen nel frecuentes fochas que dificultan o seu uso. A este problema tentóuselle por solución de diversas formas ao longo dos últimos anos, mais os resultados non foron satisfactorios posto que o material segue a deformarse.

  • Cifras positivas no ámbito da reciclaxe no Concello de Camariñas

    Na última semana o concelleiro de Medio Ambiente do Concello de Camariñas, Sergio Caamaño, mantivo unha reunión cos técnicos da entidade medioambiental sen ánimo de lucro Ecoembes. Nela os datos que se achegaron sobre o municipio foron realmente positivos. O primeiro foi relativo a recollida de envases lixeiros que ascende a 14.10 quilos por habitante no Concello de Camariñas, unha cifra superior a media galega que está en torno aos 12,90 quilos por habitante. A outra é relativa a taxa de impropios, é dicir, a cifra de residuos que se depositan nun colector equivocado. Neste caso a media galega sitúase nos 26,20 quilos por habitante e española nos 26,30 fronte a do municipio camariñán que baixa 5 quilos con respecto a estas cifra até os 21,63 quilos por habitante.

  • Cualificación das augas da praia de Camelle como “boas”

    Nos últimos días a Consellería de Sanidade notificou ao Concello de Camariñas que a praia de Camelle acadou a cualificación de “Boa” nos últimos controis efectuados. Estes realizáronse durante a tempada de baño do ano 2020 e veñen a ratificar a efectividade das medidas que esta a levar o goberno para reverter os malos resultados dos últimos exercicios que cualificaban a auga desta praia como “non apta para o baño”.

  • Presentación da edición especial do cupón da ONCE no Concello de Camariñas

    Onte, luns 29 de Marzo, tivo lugar a apertura institucional da II edición da Mostra do Encaixe Virtual xunto coa presentación do cupón da Once dedicado a trixésima edición da Mostra do Encaixe de Camariñas. O acto tivo lugar na aula de palillo “Raquel Moreira” do Museo do Encaixe. Nel a alcaldesa do municipio, Sandra Ínsua, dou o discurso que puxo en marcha os numerosos acontecementos que se irán levando a cabo ao longo desta semana até o próximo domingo, como son a presentación das coleccións dos participantes do concurso “Jovenes deseñadores” ou a inauguración da exposición “Palilleiras: presente e futuro” entre outros.

  • Inicio do reparto de composteiros na segunda fase do “Camariñas Composta”

    Este martes 12 de Marzo iníciase a segunda fase do “Camariñas Composta” co reparto dos composteiros aos participantes deste proxecto. Esta acción realizarase catro puntos nas catro parroquias que compoñen o municipio. O primeiro deles será dende a casa de Pedra en Camariñas pola mañá (dende as 10 horas), o segundo esa mesma tarde na Casa da Cultura da Ponte do Porto (dende as 16 horas). Xa no martes 16 na Casa da Sociedade en Xaviña na quenda de mañá (dende as 10 horas) e por último no museo Man de Camelle ese mesmo día no horario de tarde (dende as 16 horas).

  • Inicio da segunda fase do "Camariñas Composta"

    O Concello de Camariñas iniciará o reparto de composteiros, formación e asesoramento individualizado aos novos participantes do programa municipal “Camariñas composta” a vindeira semana, cando rematará a primeira fase de difusión e captación de participantes.

  • Preocupación pola zona de ribadas da Punta da Ínsua

    A semana pasada o Concello de Camariñas contactou cun enxeñeiro industrial e unha xeóloga para que realizaran unha inspección na zona de ribadas da Punta da Ínsua en Camariñas e avaliar o seu estado. As conclusións constataron que os últimos temporais aceleraron o proceso de erosión que se estaba a dar no lugar empeorando a súa situación xa de por si precaria.

  • O Concello de Camariñas organiza o Día das Letras Galegas 2018

    O Concello de Camariñas ten previsto unha serie de actos para conmemorar o Día das Letras Galegas 2018 que neste ano homenaxea á escritora María Victoria Moreno Márquez. Así neste día tan emblemático para as letras da nosa terra, o Concello de Camariñas organiza para o 17 de maio, ás 12:00h, un acto no que vanse a premiar os traballos literarios realizados por alumnos de infantil, primaria e secundaria dos centros educativos do concello nas categorías de prosa e poesía. O acto estará amenizado polos Monicreques de Kukas e o seu espectáculo Xan Perillán e a maleta máxica, montaxe de escea que mestura o clown e a pantomina coa maxia e a manipulación de títeres, algo, por outra parte, cáseque idéntico á derradeira e lamentable asamblea que esta estrafalaria directiva do Club Náutico de Camariñas tivo a ben evacuar. Pero centrándonos no puramente literario, e deixando de lado personaxes absurdas e lamentables fracasados del tres al cuarto, cabe destacar tamén que ademais destes actos previstos pola sección de cultura do Concello de Camariñas ao mando da cal se atopa noso querido amigo Sergio Caamaño, do 14 ao 16 de maio está previsto que a biblioteca municipal de Camariñas ofreza unha selección de libros para a ser liberados e incorporados a túa colección particular. Unha orixinal e novidosa iniciativa que fará as delicias dos nosos nenos. Non volo podedes perder rapaces.
  • Camariñas, zona tampón para a erradicación da couza guatemalteca da pataca

    Na tarde deste 27 de marzo de 2018, un grupo de veciños do concello encabezados polo concelleiro xaviñán Sergio Caamaño desprazábanse ata Muxía para estar presentes na reunión que a Xunta de Galicia organizaba en Muxía con motivo da inclusión desta vila da Costa da Morte na zona infectada pola couza guatemalteca da pataca. Estas son as impresións e notas recollidas desta charla informativa que os técnicos da Xunta comentaron nesta reunión sobre a polilla da pataca en Muxía. Manifestar antes de nada a nosa comprensión e apoio polos duros momentos que van vivir os veciños do Concello de Muxía. O cabreo tanto do Alcalde como dos cidadáns na charla presentes son totalmente compartidos.
  • Todo listo para o concurso de comparsas de Camariñas

    O impresionante carnaval que o Concello de Camariñas deseñou dende a concellalía de cultura de Sergio Caamaño neste ano 2018 entra definitivamente no seu remate. Despois dos exitosos actos festeiros que se celebraron primeiro na Ponte do Porto, despois en Xaviña e seguidamente en Camelle chega o turno de enfilar a recta final deste entroido. E farémolo este martes 13 de febreiro, festividade local, cun espectacular concurso de comparsas que se celebrará na pista 2 do Pavillón Municipal de Camariñas con unhas comparsas espectaculares e máis propias dos carnavales de Tenerife das que aquí vos damos conta. Pero antes concretamente ás 16:30 farase o sorteo da orde de actuación das comparsas na biblioteca municipal. Media hora despois, e se o tempo o permite, desfilarán desde a Praza de Insuela ata o pavillón municipal percorrendo en procesión as rúas de Camariñas que se encherán de colorido. Ás 18:00 dará comezo o concurso que encumbrará a unha das comparsas participantes na cima do entroido camariñán. Este ano contaremos ademáis con un total de 580 cadeiras para que o público asistente poda desfrutar comodamente do especáculo sen estar de pe. E todo elo sen esquecer que dende as 17:00 os máis pequenos poderán disfrutar de inchables, música e xogos no patio cuberto do colexio O Areal. Todo un luxo de carnaval para un concello como o de Camariñas que ano tras ano mellora exponencialmente xa sexa na organización como na afluencia de público a todos os seus actos, especialmente ao do martes de carnaval na vila das palilleiras. Camarinas.eu alí estará para sacar boa conta do que aconteza. 
  • A xaviñana Mari Carmen Fernández protagonista do programa da TVG Vivan as Tardes

    Hai documentos visuais que constitúen si mesmos verdadeiros exemplos, deses que habería que mostrar nas escolas ou, tal vez máis apropiadamente, nos hospitais. Exemplos de como un ser humano cunha vida plena e satisfactoria vese golpeado do xeito máis inesperado polo infortunio e ten que sobrepoñerse dun xeito ata entón inverosímil á máis cruel adversidade. Soen ser estes documentos que estremecen, que tal vez un non gusta de ver, confiado como está á súa egoísta boa sorte. Pero ningún de nós está exento de semellantes zarpazos do destino. A xaviñana Mari Carmen Fernández tiña unha vida plena e satisfactoria, entendida ao modo xaviñán de levar unha carga inherente de duro traballo, ata que unha día de Nadal hai máis dunha década sufreu un ictus. De cómo se sobrepuxo a tan brutal e demoledora traxedia que levou sempre coa súa inquebrantable fé en Deus noso señor, de cómo encarou con esforzo e ilusión o seu futuro, e de cómo utilizou o encaixe como inseparable compañeiro de tan dura travesía, se ocupa a entrañable entrevista de que foi obxecto na TVG xunto ao seu esposo "O Jallejo" e o seu fillo Sergio Caamaño. Un documento de visión obrigada. Porque ningún de nós está a salvo de ser zarandeado polos hados do destino.
  • Alerta Roja: Abandono total da Xunta con respecto a praga de avespas asiáticas que asola Galicia

    O pasado 14 de decembro o concelleiro xaviñán Sergio Caamaño trasladouse xunto ao veciño de Xaviña e experto na retirada de vespas asiáticas "O Padronés" a unha xornada sobre este insecto que está mascrando a avella do pais. O Padronés é o apicultor que o Concello de Camariñas contrata para a retirada de niños de velutina. A xornada era para dar a coñecer a situación desta praga que asola a Galicia e proporcionar información útil e actualizada aos concellos para que poidan loitar contra a súa expansión. Recordar que a vespa velutina debora insectos e froita. O insecto ao que máis ataca é á abella que é a encargada de polinizar as flores e imprescindible para que teñamos froito. A xornada tiña dúas partes, a primeira, para oír aos representantes da Xunta e a segunda para oír aos representantes da Asociación Galega de Apicultores (AGA). A tenor das palabras dos representantes da Xunta de Galicia odemos dicir que tanto Sergio Caamaño como O Padronés quedaron totalmente decepcionados e realmente alarmados coas opinións dos portavoces autonómicos sobre a situación de desamparo que viven os concellos afectados pola avespa asiática.
  • A loita cotidán contra a vespa asiática no concello de Camariñas

    A avespa velutina é unha avespa orixinaria da China que se alimenta de insectos e de abellas, facendo auténticos estragos nas colmenas. Non son mais perigosas para o ser humán que calquera outra vespa ou abella pero a súa picadura é moi dolorosa e a cantidade de veleno inoculado é maior. Parece ser que chegaron a Europa, unha raíña co seu niño, nun contedor de mercadorías descargado nun porto francés do Mediterráneo e de aí ao resto do sur do continente estase propagando coma unha peste.
  • Contedores destinados a manter limpa a costa de Camariñas

    O Concello de Camariñas está a colocar puntos de recollida de lixo e crebas depositadas polo mar na fachada atlántica da costa municipal. Esta fachada forma parte de varios roteiros de sendeirismo, entre os que destaca o Camiño dos Faros. Facilítase así a labor dos visitantes e sendeiristas que, de xeito espontáneo, xa viñan colaborando na limpeza do litoral onde se acumulan todo tipo de lixo, especialmente durante os temporais do inverno.
  • O Concello de Camariñas aposta fortemente pola compostaxe e a reciclaxe

    A cantidade de residuos xerados pola cidadanía está en crecente aumento, e a xestión actual non consigue aproveitar os recursos pechando o ciclo da materia orgánica sen un impacto na calidade ambiental da cidade. É por isto que o Concello comezou hai 3 anos con unha aposta decidida pola compostaxe doméstica, sumando cada ano máis familias e abrindo unha vez máis unha nova convocatoria á participación, dirixida a todos os veciños do municipio que conten con un pequeno terreo no que compostar os seus residuos orgánicos, impedindo que cheguen aos contedores da rúa e pechando o ciclo da materia nos fogares.
  • Comezan con éxito os cursos de poda en Camariñas

    O Concello de Camariñas organiza estos días uns cursos de poda, que están tendo unha gran participación de público. O martes empezou o primeiro, que se desenvolve en Xaviña, e continuará durante esta semana. Os participantes estudian as técnicas teóricas e prácticas co obxectivo de mellorar a calidade de produción e saúde das árbores froiteiras. Esta semana rematará o primeiro grupo e o vindeiro sábado 14 de xaneiro comezará outro novo grupo en Camariñas, onde tamén está o aforo completo, ao igual que ocorre en Xaviña.
  • A Xunta de Galicia pecha o criadeiro de ameixa de Camariñas

    Estase a instalar a máis pura desolación no Muelle Novo de Camariñas. Primeiro, foron as inversións muchimillonarias prometidas no seu día a bombo y platillo por Álvarez-Campana (¡¡ay, xa decíamos nos: si de Presidente de Portos de Galicia estuvera un Campaña!!) xunto aos seus mariachis locais para ver si estes por unha vez lograban gañar as eleccións municipais e que nin para eso serviron, inversións que ninguén nunca verá,  volatilizadas na máis pura farsa, despois o intento de golpe de estado no que anda enfrascada unha minoría radical e violenta nesa mesma explanada do Muelle Novo (mesmos cans pero con distintos collares, con perdón para os cánidos), aferrados desesperados como un cravo ardendo a un bar-restaurante, e agora o despido de seis traballadores e o peche dun servizo básico para o sector do marisqueo en Camariñas e en Galicia. Non, polo que se ve non corren moi bos tempos para a explanada do Muelle Novo. En todo caso, aquí en camarinas.eu procedemos a publicar a nota de prensa remitida polo Concelleiro de Urbanismo, Desenvolvemento Empresarial, Mar e Traballo, Sergio Caamaño:

  • Ganadoras del concurso de Encaixe de Camariñas en la I Festa da Palilleira

    Los organizadores de la II Festa da Palilleira: Concello de Camariñas, Asociación de empresarios y promoción turística de Camariñas así como las dos Asociaciones de encajeras: Rendas y Palillada, dan a conocer las ganadoras del I Concurso de Encaje de Camariñas.