Precisamente foi a beleza de Santa Mariña a que fixo que a nosa expedición alí quedara varada. Deixando á marxe a espectacular mellora en servizos que experimentou este nucleo poblacional (polideportivo, ampliación do porto, vías de acceso, etc..), o que deixou especialmente abraiados aos redactores do principal diario on-line de Camariñas foi a forma en que se segue a desenvolver a vida neste recollido e coqueto porto chamado Santa Mariña: pausada, próspera, feliz, inmutable.