A alcaldesa de Camariñas, Sandra Insua, participou hoxe nunha videoconferencia convocada polo conselleiro de Sanidade, Julio García Comesaña, para informar da situación epidemiolóxica aos alcaldes de Bergantiños e Soneira. No encontro, Comesaña comunicou que o Concello de Camariñas comezaba a estabilizarse e Sandra Insua agradeceu o rastreo que se fixo na Industria Cerdeimar xa que "supuxo un respiro que non xurdiran demasiados casos nese cribado". Manifestou tamén a súa relativa tranquilidade "ao ser dos municipios menos afectados á vista dos datos, baixando de 32 a 28 positivos e sabemos que hai contaxiados que pronto se darán de alta". De tódolos xeitos solicita á veciñanza "que sexan cautos, que cumpran as normas actuais e tamén as posibles novas medidas que esixa a Xunta despois deste comité clínico". 

Os nenos e nenas que nazan en Camariñas no ano 2020 chegarán ao mundo cun regalo baixo o brazo. Antes do comezo do Estado de Alarma o primeiro ‘bibliobebé’ do 2020, Hugo Rodríguez González, recibiu os seus agasallos por parte da alcaldesa, Sandra Insua, e a concelleira de Cultura, Encaixe e Turismo, Encarna Liñeiro.

Despois do terremoto mediático que supuxo tanto a publicación do makinf off como da revelación do impresionante cartel da Mostra do Encaixe protagonizado por Damián Álvarez, continuaba a apisonadora mediática da mostra a conquistar Madrid por tódolos flancos posibles.  As redes sociais botaron fume durante toda esta semana con estas dúas publicacións. As estadísticas ás que temos acceso dentro do facebook da Mostra son de infarto: caseque 500 veces compartido e 30.000 persoas alcanzadas en tan só 24 horas co cartel creado por Diego Alonso e protagonizado por Damián Álvarez. Unha asoballadora avalancha social poderíamos dicir que deixa en ridículo outras publicacións. Máis alá, e dentro destas accións de difusión previas da XXX Mostra do Encaixe, o Concello de Camariñas decidiu ao mesmo tempo promocionar o evento en pleno corazón de Madrid. Así, aproveitando a presentación da XXX Mostra en FITUR, programou que do 22 ao 29 de xaneiro se proxectase nas grandes pantallas dixitais de Callao en Gran Vía o cartel da edición deste ano. 

Este pasado 13 de xuño de 2019 a alcaldesa do Concello de Camariñas, Sandra Insua, e varios membros da actual corporación e do futuro goberno do municipio, mantiveron unha reunión co xefe da Demarcación de Costas da Coruña, Rafael Eimil, para coñecer o estado dos proxectos que ten o Estado para Camariñas.

O Concello de Camariñas continúa coa súa firme aposta por reforzar os Servizos Sociais municipais. Así, desde o 1 de abril, estendeu a cobertura do Servizo de Axuda no Fogar (SAF) aos usuarios de grado un para cubrir a totalidade dos demandantes por primeira vez. Antes do mes de abril o SAF contaba con 90 usuarios que se atendían de luns a venres a través de 14 horarios de mañá e dous de tarde e a fin de semana con cinco de mañá e dous de tarde. Agora, con este aumento, pásase a atender a 103 usuarios cun horario máis de luns a venres, 15 en total.

Pois aquí en Camarinas.eu temos por costume habitual publicar sempre as notas de prensa que nos mandan. Xa sexa máis tarde ou máis cedo sempre tratamos de cumprir con esta norma básica. Os que non nos mandan nada e vetan ao único medio de comunicación do concello con preto de 5000 persoas suscritas ás nosas redes sociais, pois evidentemente non poden sair nesta web. Así, os nosos moitos lectores e usuarios que quixeran votar a outras forzas políticas do concello están desinformados neste sentido. Non deixa de ser curiosa esta forma de actuar tan contraproducente para os intereses destes partidos, porque esta web sempre estivo aberta a todas as opcións políticas e incluso ten entre os seus amigos e colaboradores a fundadores do PP na Costa da Morte. Pero en fin, como dicíamos, unha extratexia contraproducente a tan só catro meses escasos dunhas eleccións municipais. No PSOE de Camariñas parece que hai un pouco máis de cordura mediática neste sentido e aproveitan o tirón do único medio de comunicación do concello para promover as notas de prensa entre os seus veciños. Aquí vos reproducimos íntegramente o que nos mandan dende a Casa de Pedra, sede dos socialistas de Camariñas.

O Concello de Camariñas buscará o apoio da Deputación da Coruña e do Grupo de Desenvolvemento Rural Costa da Morte para seguir adiante co seu propósito de dotar dun Centro de Día ao municipio debido á falta de apoio amosada pola Consellería de Política Social da Xunta de Galicia.

O Concello de Camariñas continúa traballando contra a violencia de xénero, unha lacra social desta sociedade. Hoxe, luns 12 de novembro, a alcaldesa de Camariñas, Sandra Ínsua Rial, desprazouse ata Santiago de Compostela para asinar o protocolo EN NEGRO CONTRA A VIOLENCIA.

Este luns 22 de outubro, tivo lugar a Xunta Local de Seguridade que convocou o Concello de Camariñas e na que tanto a subdelegada do Goberno, Pilar López-Rioboo, como o coronel da Garda Civil, Francisco Javier Jambrina Rodríguez, confirmaron que actualmente Camariñas ten un índice de criminalidade por debaixo da media da provincia.

A alcaldesa de Camariñas, Sandra Insua, solicitou á subdelegación de goberno a convocatoria da Xunta Local de Seguridade para tratar diferentes asuntos que inciden na calidade de vida dos veciños de Camariñas, que se convocou inicialmente para o próximo luns, 22 de outubro ás 11 horas.

Hoxe, xoves 11 de outubro, a alcaldesa de Camariñas, Sandra Insua, o segundo tenente de alcalde, Juan Carlos Canosa, e os directores do CEIP O Areal e CEIP Ponte do Porto reuníronse co Xefe Territorial de Educación da Xunta de Galicia para solicitar diferentes melloras nos centros educativos do municipio.

O pleno do Concello de Camariñas aprobou hoxe o novo réxime de dedicacións dos concelleiros e a redistribución das diferentes concellerías. Fíxoo cos votos a favor do goberno local e a abstención do PP, xa que a concelleira do BNG non estaba presente. Na súa proposta, que foi ratificada en sesión plenaria, o goberno local aposta claramente polo aforro económico e suprimirá a dedicación parcial que lle corresponde e coa que contaba anteriormente. Así, soamente desempeñaranse en réxime de dedicación exclusiva a alcaldesa, Sandra Insua, e outros dous concelleiros.

Os investimentos aprobados pola Deputación no municipio suman 5 millóns de euros neste mandato O presidente da Deputación da Coruña, Valentín González Formoso, presentou esta mañá en Ponte do Porto (Camariñas) o proxecto de reurbanización da zona, que suporá un investimento de 440.491,11 euros para renovar as beirarrúas actuais, o alumeado público e crear novas zonas axardinadas e prazas de aparcamento.

A Concellería de Servizos Sociais e Igualdade do Concello de Camariñas, Sandra Ínsua Rial, leva desenvolvendo esta primeira quincena de maio varias actividades a favor da visibilización das persoas con diversidade funcional. Entre os días 30 de Abril e 7 de maio a educadora familiar tivo seis charlas repartidas entre o alumnado de 4º,5º e 6º de primaria dos dous centros escolares do concello como son o CEIP O Areal de Camariñas e o Colexio O Allo da Ponte do Porto. O dia 4 de maio a Federación de asociacións de persoas xordas de Galicia achegouse aos centros a explicarlles aos alumnos e alumnas de 5º de primaria como era a súa vida diaria ,dificultades, tecnoloxías que lles facilitan as cousas, ensináronlle algunha palabras en linguaxe de signos.

A Consellería de Política Social convoca axudas económicas, a través da tarxeta benvida, para as familias que no ano 2018 teñan unha/un filla/o, adopten ou estean en situación de garda con fins adoptivos dunha nena ou neno nados en 2018. A Finalidade destas subvencións a familias é conceder unha axuda económica para que estas familias que teñan fillas ou fillos, tanto por natureza como por adopción, nados entre o 1 de xaneiro e o 31 de decembro do ano 2018. Tamén se poderán beneficiar as/os galegas/os e os seus descendentes, que tendo residido fóra de España, retornen a Galicia durante o ano 2018.

O Concello de Camariñas a través da Concellalía de Servizos Sociais de Sandra Ínsua Rial abre o prazo para a presentación de solicitudes de REFORMA DE BAÑO (cambiar bañeira por prato de ducha) para os veciños que teñan recoñecida unha dependencia en grado II e III ou persoas cunha discapacidade superior ao 65 %. Para formalizar a solicitude  e optar a ditas axudas os interesados deberán presentar no departamento de Servizos Sociais, a seguinte documentación:

Este festivo 6 de decembro de 2017 celebrarase a primeira edición da Andaina Solidaria que organiza a empresa camariñana de saúde e tempo libre NordesFitness. Cóntanos o noso amigo Luis Rodríguez Luaces, xerente en xefe da devandita empresa que parte da recaudación do evento irá destinada á delegación da Asociación Española Contra o Cancro de Camariñas. Entre os patrocinadores da primeira edición deste evento solidario encontramos a colaboración desinteresada de, entre outros, a organización da Mostra do Encaixe de Camariñas. Sandra Ínsua, a concelleira delegada da mostra, explícounos que sempre está entre as funcións da mostra a de colaborar na medida do posible cos eventos deportivos e sociales, sobretodo os solidarios, que se organizan dentro do ámbito territorial do Concello de Camariñas. Algo que, por outra parte, ven sendo habiltual dende os derradeiros anos e que enaltece moito máis a función da Mostra do Encaixe.

A pesar dás críticas dalgúns que non ven mais alá da Costa das Carballas, o traballo levado a cabo polo Concello de Camariñas, e máis concretamente pola Concelleira Delegada da Mostra do Encaixe Sandra Insua, vese recoñecido, unha vez máis, a nivel nacional. A "Asociación de Nuevos y Jóvenes Diseñadores Españoles" acordou concederlle ao Concello de Camariñas o Premio Nacional a la Moda a la Excelencia Empresarial hororífico PRENAMO 2018, na modalidade de CONSERVACIÓN DE LOS USOS Y CONSTUMBRES A TRAVÉS DEL ENCAJE DE CAMARIÑAS. Ahí queda iso.

Dende a concellalía de Servizos Sociais que dirixe a concelleira sociallista pola Ponte do Porto Sandra Ínsua Rial, veñen de comunicarnos que este luns 27 de Novembro celebrarase na praza do Concello de Camariñas unha manifestación en contra da violencia de xénero. A realización desta concentración está prevista para as 11:00 da mañá na praza do Concello, eso se as condicións climatolóxicas o permiten, e senón celebrarase nun lugar moito máis abrigado como é o Pavillón Municipal de Camariñas. De todos os xeitos, aquí en Camarinas.eu, estaremos atentos de anunciar onde se celebrará definitivamente este acto mediante as nosas redes sociais.

Continúa o traballo que dende o Concello de Camariñas se realiza contra esta lacra da nosa sociedade como é a violencia de xénero. Así, este mércores 15 de Novembro de 2017, a concelleira de servizos sociais Sandra Ínsua desprazábase ata Santiago de Compostela para asinar o protocolo para a campaña “En Negro Contra as Violencias Machistas”. Esta é unha iniciativa de denuncia e sensibilización social contra a violencia de xénero promovida por máis de 50 Concellos galegos, entre eles, Camariñas. Esta importante campaña deste grupo de concellos ten como obxectivos os seguintes puntos: