A inauguración oficial correu a cargo da alcaldesa de Camariñas, o delegado do goberno en Galicia, o conselleiro de Economía e o presidente da Deputación da Coruña.  Sandra Insua, na súa primeira Mostra como alcaldesa, destacou no seu discurso a importancia da muller na sociedade e na Mostra desde hai 29 anos.

O portavoz do Grupo Socialista, Xoaquín Fernández Leiceaga, visitou hoxe o Concello de Camariñas, onde sinalou os 9 anos de goberno de Feijóo nos que “toda a Costa da Morte e en concreto ao Concello quedaron deixados”. Sinalou en concreto ao proxecto de ampliación da autovía, “importante para unha comarca como factor fundamental para xerar máis oportunidades de riqueza e emprego”, e á situación do Porto local.

Si ben é certo que o Estado non ten moitas competencias nas infraestruturas do noso concello, maioritariamente competencia da Xunta de Galicia, hai algunhas que son moi atractivas dende o punto de vista político.Un bo exemplo é o paralizado paseo marítimo que deberá completar o desenvolvemento urbanístico da fachada marítima de Camariñas, dende o casco urbano ate a praia de Lingunde nun todo continuo. Esta obra figuraba nos plans do Goberno Zapatero como prioritaria xa que dispoñía de tódolos elementos para que fose unha realidade: proxecto técnico, informe de impacto ambiental, adquisición de terreos e posta a disposición do ministerio, informe favorable de Costas do Estado, etc.

O xulgado contencioso administrativo nº 3 da Coruña acaba de desestimar o recurso contencioso-administrativo interposto polo Partido Popular de Camariñas contra tres resolucións asinadas polo alcalde de Camariñas, unha delas a convocatoria dun pleno extraordinario para dar conta da sentencia xudicial que o afecta. O fallo do xulgado, literalmente, di así:

Esta pasada fin de semana celebraron os socialistas de Galicia o seu XIII Congreso, e os socialistas de Camariñas acadaron niveis de presencia e representación na dirección desta formación nunca antes vistos. En toda a historia do PSdeG-PSOE, os socialistas de Camariñas sempre tiveron unha destacada presencia que os levou a acadar niveis de representación moi superiores ao que cabería esperar dun pequeno municipio, pero nesta ocasión superaron tódalas expectativas ao colocar a dúas persoas na máxima dirección do partido a nivel galego.

Rematada a guerra mundial en Europa e antes de que os Estados Unidos fixesen viable a bomba atómica, Winston Churchill decidío encargar ao servicio de intelixencia británico a elaboración dun informe acerca da posibilidade de éxito que o entón imparable Exército Roxo, o maior continxente bélico da historia, doce millóns e medio de homes e mulleres en pe de combate dotados da máis avanzada tecnoloxía, tería no caso de que decidise abrirse paso a tiros dende Berlín ata o Atlántico. Era tal o espanto que causaba esa mera posibilidade que se decidío chamar ao expediente co nome de "Alternativa Imposible". Un ve agora os nomes que adornaron nas derradeiras municipais a lista do PP en Camariñas, así como algún dos que andaban por fóra, listos ao quite para inundar de facturas o Consistorio Municipal e tapar a fame de tantos anos, e só pensar ata que simas insondables puido haberse despeñado todo un concello infunde idéntico pavor ao sentido polos altos mandos ingleses: un vértigo indefinible que aínda agora fai que a un se lle acelere o pulso. E non tanto polo candidato en cuestión (como xa dixemos, eso e nada eran o mesmo) senón pola xauría desquiciada de odiadores, ultrafánaticos e fracasados perpetuos que o rodeaban. Era algo cantado que o PP sacaría o peor resultado en votos da súa historia nunhas municipais en Camariñas: 1.300 ridículos votos. Ata incluso nas épocas en que o partido andaba fracturado e Ruperto Mosquera presentaba a súa candidatura de independentes logrou moito mellores resultados.

Este domingo 17 de abril de 2011, as 17:30 horas, na Casa de Pedra, tivo lugar a presentación da candidatura do PSdeG-PSOE que concurrirá ás eleccións municipais do 22 maio no Concello de Camariñas e camarinas.eu estivo alí. A diferencia co acontecido noutras presentacións pretéritas ven constituido polo feito de que camarinas.eu sí foi convocada expresamente pola secretaría xeral socialista para este acto.  Hai xusto dous anos presentábamos onde correspondía un escrito no que se solicitaba que todo acto, evento ou suceso que afectara a unha determinada opción política fose comunicado á nosa redacción para poder cubrilo. O desprecio e o apagón informativo foron a resposta: a día de hoxe non recibimos nin unha soa nota de prensa. Para xustificar a súa existencia outros optaron por pretender conservar o monopolio informativo respecto aos seus intereses. Alá eles. Os principais perxudicados: os nosos numerosos lectores desa mesma tendencia política que se ven privados, pola incomprensible estratexia de comunicación seguida cara a principal web do Concello de Camariñas, de ver reflexadas as noticias referentes á súa opción política co selo de calidade típico de camarinas.eu: con textos amenos e divertidos, respetuosos e imparciais, e con grandes reportaxes gráficas de calidade que levaron a que para os grandes medios de comunicación galegos camarinas.eu sexa o principal referente informativo da Costa da Morte, sinónimo da máxima credibilidade e solvencia xornalística. Unha pena que se vexan reducidos a ter que seguir andanzas da súa lexítima opción política cas lamentables noticias que se ven por ahí.