A praia de Camelle volve a ser incluída nos controis oficiais da calidade da auga para a temporada 2020 da Xunta de Galicia. Así o informou a administración autonómica ao Concello de Camariñas tras recibir a solicitude do goberno local para que se volva a incluír ao areal no censo de praias aptas para o baño. Este sería o paso previo para que Camelle aparecese o próximo verán no censo de praias aptas para o baño. As últimas analíticas, encargadas polo goberno local, arroxan un resultado de ‘boa’ na calidade das augas do areal polo que o obxectivo da Consellería de Sanidade é comprobar que están sendo efectivas as medidas levadas a cabo polo Concello para reverter os malos resultados dos últimos exercicios.

Aínda que o tempo non corresponde ao que debería con respecto ao mes no que nos situamos, os respectivos grupos de limpeza do Concello de Camariñas ao mando do concelleiro Xaviñán Sergio Caamaño, comezaron a limpeza das praias de todo o territorio municipal. Dende principios desta semana a gran maioría dos operarios dispoñibles polo consistorio afanábanse na limpeza da praia de Area da Vila en Camariñas, Lingunde, O Ariño en Xaviña así como tamén na coqueta praia de Camelle usando para elo unha máquina que limpa e clasifica a area descartando tanto a suciedade como plásticos ou restos de basura así como tamén retirando perigosos restos de cristais e as molestas pedriñas dos nosos areais. Despois da actuación nestes dous importantes areais o Concello de Camariñas continuará coa limpeza no resto das praias que quedan sin acicalar para comezar un verán que se presume moi importante no que a afluencia turística se refire, así que o Concello de Camariñas non quere que os pille o toro. Tal e como nos comunica o concelleiro de obras Juan Carlos Canosa dende o concello queren ter todo listo antes de que chegue o bo tempo para evitar molestias como sucede ano tras ano noutros lugares. Señoras e señores, o verán camariñán xa está aquí.

Con gran éxito de público e participantes ven de celebrarse este pasado sábado 2 de agosto de 2014 en terras camellanas o que foi o I Torneo de Volei Praia Comarea. Foi, tal que o como indica o seu propio nome, organizado pola xove asociación camariñana Comarea que volcada na celebración do evento co apoio inestimable do Concello de Camariñas, acadou un notable éxito nesta primeira edición. O galardón tras vibrante final foi a caer alá por onde empeza Xaviña según un sae de Camariñas, na Curva do Rojo, en concreto para o equipo patrocinado polo asador que foi quen de legar o seu nome a todo un tramo automovilístico, non exento de certa complicación eso sí. Esperando xa por unha segunda edición deste evento deportivo non queda senón felicitar a organizadores e gañadores.