• Senda peonil na travesía Rociñas de Camelle

    A estrada que conecta Camelle con Arou, a travesía Rociñas, é un tramo percorrido tanto a pé como en vehículo polos veciños de ambas localidades así como polos turistas. Por desgraza, as condicións do firme non eran as ideais até o de agora. Carecía de un espazo para os peóns e existían numerosas fochas ao longo do percorrido. É por isto que o Concello de Camariñas realizará obras no lugar a través da financiación do Plan Único 2022 da Deputación da Coruña.

    A actuación terá un presuposto total de 48.399,84 euros e levarase a cabo con ela a limpeza das beiravías, o pavimentado do firme con conglomerado asfáltico e a posterior sinalización da vía usando resaltos e pintura branca para delimitala a senda peonil que a percorrerá de forma paralela a estrada.

    Con isto pretendese mellorar a seguridade das actividades ao aire libre e facilitar o acceso a pe a todos os puntos de interese do Concello. Encanase pois nas distintas obras de similar calado que se producirán ao longo dos seguintes meses na contorna como é, por exemplo, a senda peonil que tamén se realizará no acceso a praia de Lingunde en Camariñas.

  • Plan Único 2022 no Concello de Camariñas

    O Plan Único é unha partida de orzamentos que recibe cada concello e cuxa cantidade final depende do número de habitantes que teñan. Deste xeito, ao Concello de Camariñas correspóndelle un total de 321.000 euros que se destinaran a diversas obras, servizos e necesidades que se concretarán no vindeiro pleno deste venres 28 de Xaneiro.

    Así, as propostas que se levaran a este pleno son as seguintes: reforzar e ampliar o Servizo de Axuda ao Fogar (SAF) municipal, construír dúas sendas peonís, facer fronte aos gastos correntes e reducir a débeda do Concello.

    Ao SAF destinaríase un total de 49.410,55 euros para o seu reforzo co cal se pretende atender a un maior número de persoas e mellorar a calidade do servizo. Este busca, en esencia, paliar de algún modo as consecuencias da pandemia da COVID-19 na materia de saúde dentro dos sectores máis vulnerables.

    En canto as sendas peonís a suma total destinada será de 120.062,63 euros. 71.662,79 irán a parar a construción de unha senda até a praia de Lingunde na localidade camariñá. A outra obra será en Camelle, concretamente na senda peonil de Rociñas-Carrofeito, que se pavimentará e delimitará e cuxo custo total será de 48.399,84.

    O resto da contía económica destinarase a financiar gastos correntes e o pago de provedores (141.173 euros), reducir a débeda con entidades financeiras (10.587,98 euros) e investimentos (120.062,63 euros).

    Plan Complementario 2022

    Tamén se leva a pleno a aprobación do Plan Complementario 2022, valorado en total en 287.576,48 euros, e que se destinará a seis proxectos: o arranxo do acceso ó campo de fútbol en Camariñas; un camiño no lugar de Brañas Verdes; a mellora do pavimento no ámbito do campo da feira no Outeiro na Ponte do Porto; a pavimentación e saneamento na rúa Rozas de Arou; a pavimentación do camiño de Portocelo-Atalaia-Castelo; a reparación do pavimento na rúa Do Bico e, por último, o acondicionamento do firme de pistas no lugar de Trasteiro, Xaviña.

    Outros asuntos do pleno

    Por último, levarase á sesión plenaria deste venres o incremento retributivo do 2% previsto na Lei de Orzamentos Xerais do Estado, para tódolos conceptos retributivos, tanto do persoal funcionario como do laboral.

  • Proxecto de pavimentación da rúa Alto do Penedo da Ponte do Porto

    Dende o Concello de Camariñas licítase o proxecto para a pavimentación da rúa Alto do Penedo da Ponte do Porto. Os traballos inclúen o roce da e a limpeza das marxes da vía, a demolición do pavimento existente en varios dos seus tramos e, por último, a execución de un novo firme de aglomerado asfáltico e lastro rústico de pedra granítica.

  • Aprobada a renovacións das luminarias do campo municipal “Irmás Patiño”.

    Na Xunta de goberno local de hoxe, xoves 11 de Marzo, o Concello de Camariñas aprobou o proxecto para a renovación da iluminación do campo de fútbol “Irmás Patiño”. Este conta cun orzamento de 39.974,90 euros e está financiado a través do Plan Único da Deputación da Coruña.

    O proxecto consiste na substitución das catro luminarias que ten cada unha das torres engadindo dúas máis a maiores a cada unha delas. Os novos focos luminosos serán de tecnoloxía LED o que permitirá unha mellor visibilidade nas instalacións, ademais de producir un aforro de aproximadamente un 73% con respecto as luminarias predecesoras.

  • 100.000 euros para ampliar e reforzar o Servizo de Axuda no Fogar.

    Onte, Venres 29 de Xaneiro, aprobouse por unanimidade no pleno ordinario o Plan Único Adicional 1/2021 da deputación provincial da Coruña. Con el destinaranse un total de 100.00 euros para o Servizo de Axuda no Fogar (SAF) no Concello de Camariñas. Este plan vese reforzado dende a Xunta de Galicia neste novo curso con 500.000 horas máis que nos anteriores tentando “proporcionar unha atención profesional a todas as persoas que non eran usuarias do servizo, pero que o poidan precisar” debido a situación epidemiolóxica.

  • Propostas da sesión plenaria deste Venres 27 de Xaneiro

    A finais do mes de Decembro a deputación da Coruña aprobou os presupostos do Plan Único para o 2021. Cada concello recibirá unha partida presupostaría que depende do seu número total de habitantes e a súa extensión territorial. Deste xeito Corcubión recibe neste 2021 un total de 200.000 euros e Carballo 1´8 millóns, como exemplos da Costa da Morte. No caso de Camariñas o total ascende a 406.800.