• Sexto Eu Son Camariñas Paula Esteiro Ramos

    Este mércores pasado saía a sexta entrega do programa “Eu Son camariñas”, tras o seu parón de verán, tendo como protagonista a Paula Esteiro Ramos unha camariñá campioa de España na liga de carreiras de obstáculos (OCR).

    O “Eu son Camariñas” é un proxecto municipal creado para dar visibilidade a diversos camariñáns que destacan no seu ámbito profesional, académico, deportivo, artístico ou social. A proposta consiste en publicar mensualmente na páxina web www.eusoncamarinas.es un vídeo cunha entrevista a un destes camariñáns senlleiros.

    Paula Esteiro Ramos estudou enfermería e traballa no hospital Virxe da Xunqueira dentro do apartado de hospitalización a domicilio e coidados paliativos así como a unidade de feridas do CHUAC (centro hospitalario universitario da Coruña). Coordina o seu traballo cos adestramentos e a competición do OCR, un deporte que está a crecer dende hai anos. Na entrevista fala sobre este deporte e o seu funcionamento así como da maneira na que logra compaxinar o seu traballo coa competición ao máis alto nivel onde acadou o título de campioa da liga galega nas dúas últimas competicións así como un título de campioa da liga española.

  • Paula Esteiro Ramos, nomeada Camariñana de Honra 2018

    A Asociación Cívica, Cultural, Deportiva e Recreativa “Virxe do Carme de Camariñas” acordou nomear á atleta camariñana Paula Esteiro Ramos, Camariñana de Honra 2018. Este recoñecemento, que se fai por primeira vez, pretende, con carácter anual e coincidindo coa festividade do Carme de Camariñas, recoñecer á persoa, entidade ou institución que represente mellor os valores camariñáns.