Como xa vén sendo habitual desde hai unha década, tres exdiputados do Parlamento galego achegáronse este xoves ao IESP Pedra dá Aguia de Camariñas para explicar o funcionamento da institución a alumnos de 3º da ESO. E é de agradecer o seu esforzo por estar no Centro, sobre todo se se teñen en conta as condicións meteorolóxicas tan adversas.
O xoves 31 de xaneiro visitaron o IESP Pedra dá Aguia da Ponche do Porto, tres ex deputados do Parlamento galego para explicar o funcionamento do mesmo a alumnos de 3º da ESO. Suso Veiga do BNG, Marisol Soneira do PSdG e Anxo Mesa do PPdG puxeron en valor o traballo que se desenvolve no Parlamento e o papel que xogan os políticos. Tras explicar a traxectoria do Parlamento desde os seus inicios alá por 1981, explicaron como se traballa e que competencias asume. Neste sentido, destacaron dous temas moi interesantes para a comarca como a pesca e a educación, que deben ser motores para o rexurdir desta zona. Tamén fixeron fincapé na necesidade dos políticos de traballar con honestidade e de usar como armas de debate a concordia e a negociación.
A Asociación de Exparlamentarios do Parlamento de Galicia desenvolve todo un programa de actividades para achegar a realidade da primeira institución de Galicia ao conxunto da cidadanía, moi especialmente as xeracións mais xoves. Mañá xoves, as 11 da mañá, acudirán ao instituto Pedra da Aguia tres exparlamentarios para trasladarlle aos alumnos deste centro educativo a realidade do Parlamento de Galicia dende a visión de quen estivo representándonos alí a todos nos.