A praia de Camelle volve a ser incluída nos controis oficiais da calidade da auga para a temporada 2020 da Xunta de Galicia. Así o informou a administración autonómica ao Concello de Camariñas tras recibir a solicitude do goberno local para que se volva a incluír ao areal no censo de praias aptas para o baño. Este sería o paso previo para que Camelle aparecese o próximo verán no censo de praias aptas para o baño. As últimas analíticas, encargadas polo goberno local, arroxan un resultado de ‘boa’ na calidade das augas do areal polo que o obxectivo da Consellería de Sanidade é comprobar que están sendo efectivas as medidas levadas a cabo polo Concello para reverter os malos resultados dos últimos exercicios.

¿Nunca viron vostedes esas sensacionalistas reportaxes sobre as carreteras máis perigosas do mundo? Serpenteantes camiños incrustados sobre unhas escarpadas montañas sin apenas balados que protexan dunha caída ao vacío ao longo dunha cordilleira perdida do Tibet. Pois resulta que aquí en Camelle tiñamos unha delas e nos sin enterarnos! Dase a circunstancia de que hai unhas semanas o goberno municipal se poñía mans a obra para resolver este perigoso vial da parroquia do Espírito Santo e encargoulle a nosa querida Patrulla Municipal de Obras os traballos de remodelación desta perigosa rúa camellana. O caso é que despois dunhas duras e perigosas xornadas de traballo os operarios da PMO lograron a milagre de convertir este inseguro camiño nunha firme rúa. Outro éxito engadido ao apabullante currículo da nosa entrañable Patrulla Municipal de Obras.

O Concello de Camariñas continúa a súa aposta pola seguridade viaria e a mellora dos equipamentos no municipio e vén de sacar a licitación dous proxectos para actuar en diferentes rúas de Camariñas e Camelle que suman un total de 337.024,94 euros.

Data histórica para Camelle a deste luns 23 de outubro na que foi rubricado o esperado contrato para a recuperación da caseta de Man de Camelle. A modesta instalación que foi fogar, estudo, museo e laboratorio de todo o mundo máxico de Manfred Gnädinger será rehabilitado gracias á colaboración entre a Deputación da Coruña e o Concello de Camariñas.

É posible que si alguén nos pregunta por algunha infraestrutura pública que nos chame a atención enseguida nos veñan á cabeza grandes obras como portos, estradas, monumentos, etc. Pero case nunca mencionamos pequenas actuacións que facilitan a vida a persoas que sofren algún tipo de discapacidade as que, o mundo non adaptado, complica sobre maneira a súa vida.

O Concello de Camariñas acaba de adxudicar a obra de acondicionamento do parque infantil Área do Bote de Camelle, cun orzamento de máis de 34.000 euros. Os traballos enmárcanse no plan PAS, que financia a Deputación da Coruña.

A Xunta de Goberno do Concello de Camariñas acaba de aprobar o expediente de contratación para as obras de recuperación da Casa de Man, na localidade de Camelle. O proxecto, que está financiado pola Depuración da Coruña, ten un orzamento de 24.990,42 euros.

Este luns 26 de setembro de 2011 era inaugurada a impresionante EDAR de Camelle-Arou polas autoridades da Xunta de Galicia e que está xa a rexenerar as augas fecais de ditas poboacións do concello dende hai uns meses. A dito acto foron invitados gran parte da corporación municipal de Camariñas entre os cales se atopaban o Alcalde Pichurri entre outros representantes de ámbolos partidos. O Conselleiro de turno encargado de realizar a inauguración foi Agustín Hernández (agora cunha barbiña moi coqueta) que xa inaugurou tamén a EDAR da Ponte do Porto. Un conselleiro que pouco máis fixo por Camariñas que inaugurar obras que proxectaron e realizaron outros gobernos anteriores, sin embargo, ten a posibilidade de enmendar a súa penosa traxectoria co noso concello e tratar de levar a cabo o saneamento integral de Xaviña que a pesar de xa estar aprovado polo goberno de Touriño foi rechazdo por parte deste conselleiro quedando así Xaviña como a única parroquia de Camariñas sen esta valiosa característica para o desenrolo dun pobo. O proxecto de dito saneamento de Xaviña xa o ten o conselleiro Agustín Hernández nun dos seus caixóns do seu luxoso despacho de Santiago dende a inauguración da EDAR da Ponte do Porto xa fai cáseque un ano e este martes foille de novo entregado este proxecto por parte do Alcalde de Camariñas Pichurri para que non se olvide desta petición. En fin, deixámosvos cun video e unhas fotos da visita de Agustín Hernández a EDAR de Camelle e Arou: Un conselleiro especialista en inauguracións.

Camarinas.eu prosegue a súa labor de seguimento exhaustivo das obras que conlevarán o saneamento integral do Concello de Camariñas. Trala recente presencia da nosa web nos históricos actos de entrega ao Concello das Estacións Depuradoras de Augas Residuais de Santa Mariña e Ponte do Porto, de ser o único medio de comunicación que se interesou no seu momento pola entrada en funcionamento da vital EDAR de Camariñas, e de visitar as obras de saneamento dos lugares de Pións e Riás en pleno Distrito de Buría, esta semana decidimos visitar as obras da EDAR que quedaba pendente: a que saneará as augas negras e fecais de Arou e Camelle. Unha obra que foi adxudicada pola anterior Xunta de Galicia en decembro de 2008 na cantidade de 1.800.000 euros, que está situada no lado dereito da carretera que une a Camelle con Arou, xusto enfrente do coqueto e abrigado porto arouán e na que como sucedeu en tódolos demáis casos, o Concello de Camariñas víose obrigado a poñer a disposición de Augas de Galicia tódolos terreos necesarios sobre os que foi acometida a obra. A construcción desta instalación depuradora vital para as poboacións norteñas do noso concello asemesmo conlevou a execución dun novo tendido de tuberías que conectasen a rede actual camellana de desaugamento cunha nova EDAR que en canto entre en funcionamento suporá, no breve lapso de tempo de dous anos, a cuadratura do círculo en canto ao saneamento integral dun concello deixado da man de Deus ata agora.

A Rúa da Igrexa de Camelle lucirá un novo pavimentado en pavimento impreso tras esta obra

Comenzan as obras da Rúa da Igrexa de Camelle

Pois os xigantescos (e supoñemos que costosos) carteis do famoso Plan E ideado polas mentes do goberno como medida de fomento e estímulo da maltreita economía española xa están aquí. En concreto, as da obra "Pavimentación da Rúa da Igrexa de Camelle", a menor das sete obras que dentro do Fondo Estatal de Inversión Local (FEIL) vai a executar directamente o Concello de Camariñas e que foi adxudicada á empresa camellana de construcción "José Antonio Pose Romar y Otro, S.C." por importe de  47.471,11 euros.  Pulsa na imaxe para ver a noticia completa, unha galería fotográfica e un vídeo.