A Xunta de Goberno Local do Concello de Camariñas ven de adxudicar o proxecto para a reordenación e acondicionamento da Praza de San Xurxo. A actuación conta cun orzamento de 214.490,17 euros e permitirá gañar espazo para os peóns á vez que se mellora a accesibilidade e os servizos.

O Concello de Camariñas decidiu homenaxear os 30 anos de vida da Mostra do Encaixe de Camariñas coa instalación dun monumento de pedra coas letras de Camariñas e que, na súa base reza ‘Capital do encaixe. Mostra do encaixe, sempre en semana santa”. A estrutura está situada na fachada marítima, na zona do Cansorriño, e contribúe a crear unha fermosa estampa na que se pode apreciar a ría ao fondo.

Este martes 11 de xuño a alcaldesa de Camariñas, Sandra Insua, mantivo un encontro co director de obra e o contratista que deron o visto bo definitivo para autorizar o comezo inminente das obras de reurbanización da rúa Río do Prado, en Camariñas. O Concello de Camariñas continúa a súa aposta pola seguridade viaria e a mellora dos equipamentos no municipio. Así, na rúa Río do Prado levarase a cabo unha actuación valorada en 206.236,08 euros, financiados a través do Plan Único da Deputación, co obxectivo de reurbanizar un tramo desta vía a través da construción de beirarrúas, a pavimentación e a dotación de saneamento e recollida de pluviais.

O Concello de Camariñas levará ao pleno extraordinario de decembro que se celebrará mañá, mércores 19, a aprobación do Plan Único de concellos POS+ 2019 da Deputación da Coruña que utilizará para levar a cabo diferentes proxectos no municipio valorados en 551.391,98 euros.

O Concello de Camariñas continúa a súa aposta pola seguridade viaria e a mellora dos equipamentos no municipio e vén de sacar a licitación dous proxectos para actuar en diferentes rúas de Camariñas e Camelle que suman un total de 337.024,94 euros.

Hoxe, mércores 7 de novembro, comezaron os traballos de renovación do saneamento nas rúas Tras Hortas, Da Cruz e da Rampa, nas que se substituirá a canalización existente por unha rede paralela que permitirá unha mellor e máis rápida recollida e evacuación das augas pluviais.

Proximamente o Concello de Camariñas sacará a licitación tres proxectos de mellora de estradas e alumeado público valorados, en total, en 119.933,09 euros dos que 114.206,08 euros están financiados con cargo ao POS+ adicional da Deputación da Coruña e 5.727,01 euros proveñen das arcas municipais.

Na mañán deste venres 15 de xuño a redacción de Camarinas.eu procedía a comprobar o estado das importantes obras realizadas polo Concello de Camariñas na Rúa Pinzón da Vila das Palilleiras. Neste importante vial pudemos comprobar que as obras continúan a moi bo ritmo e xa cáseque se están a remantar coa colocación de toda a canalización así como das acometidas de augas de todas as vivendas necesarias para que estas teñan subministro do líquido elemento. Así tamén hai que decir que se soterrarán todo o enmarañado tendido eléctrico que afea esta amplia rúa. Xa con estes traballos a piques de rematar, coméntanos o concelleiro de obras Juan Carlos Canosa que a partires da semana que ven comezarán os traballos de hormigonado e colocación de pedras de granito decorativas na rúa Pinzón co que se espera que en unhas poucas semanas estean definitivamente rematadas esta importante actuación. A rúa Pinzón cambiará deste xeito para ser unha das vías máis remozadas de todo o concello, unha nova imaxe acorde coa súa vital importancia dentro do rueiro camariñán.

Este luns 7 de maio coa chegada do esperado bo tempo daba comezo a primeira das importantes actuacións que o Concello de Camariñas teñen proxectado en necesitados viais da capital municpal. A primeira obra que da o pistoletazo de saída a esta batería de actuacións proxectadas deuse na moi necesitada Rúa Pinzón de Camariñas. Este importante vial camariñán remodelarase por completo dotandoo dun bonito aspecto exterior continuando ca apariencia das rúas adxacentes do Tanatorio Muncipal Irmáns Fernández Espín así como no que non se ve, pero que resulta si cabe máis importante ao fin e ao cabo. Deste xeito renovaranse completamente as acometidas de auga de todas e cada unha das vivendas da Rúa Pinzón así como a substitución das antigas cañerías por uns novos modelos de tubería moito máis eficientes. Tamén se crearán as importantes cañerías de augas pluviais que teñen como principal función a de liberar de traballo a EDAR de Camariñas nos días de chuvia. A obra está sendo executada pola empresa concesionaria Arines Obras y Proyectos S.L. e ten un orzamento total de 155.548,32 €. Con motivo desta importante actuación do Concello de Camariñas esta vía e algunha das súas anexas deberán ser cortadas ao tráfico durante o transcurso das obras que terán unha duración aproximada de pouco máis dun mes e que darán a este importantísimo vial camariñán un renovado e coqueto aspecto. Camarinas.eu alí estará para facer o seguimento semanal a esta importante e necesaria obra.

O Concello de Camariñas ven de licitar dúas obras que, aínda que en apariencia modestas, van a contribuír a mellorar considerablemente a calidade de vida dos veciños que viven na súa contorna. Son o camino do paraxe dás Paxariñas e a rúa Tras das Hortas no emblemático rueiro do Campo.

Camarinas.eu, sempre atentos á actualidade do noso concello, visitou o estado das obras da nova pista polideportiva do Areal. E aquí van as primeiras fotos dos traballos que, de non mediar problema, quedarán rematados nesta semana ou a principios da próxima. Unha verdadeira pasada de pista! Iso é o que puidemos observar nesta fase das obras. Unha cancha onde os nosos xogadores de primeira poderán desenvolver todo o seu talento deportivo nunha superficie homologable a calquera dos mellores equipos da ASOBAL. Das características técnicas e do resume de orzamentos e outras características xa falaremos ao remate das obras de remodelación da mellor pista da provincia da Coruña. Hoxe queremos deixar aquí a testemuña de como van os traballos dunha das principais infraestruturas deportivas do concello de Camariñas.

A pesar do bochornoso espectáculo vivido hoxe no Pleno do Concello hai un dato positivo que cabe destacar. O Partido Popular asisteu a toda a sesión e recoñeceu a Pichurri como alcalde. Algo é algo. A partir de aí todo un sinsentido. Faltas de educación, berros, insultos, faltas de respecto e acusacións cruzadas -incluso algunas que implicaban supostos delitos- que converteron o Salón de Plenos da máxima institución municipal nunha liorta de taberna impropia dunha institución democrática. Realmente lamentable todo o que alí aconteceu.

O concello de Camariñas foi pioneiro na instalación no seu territorio de proxectos innovadores e pioneiros en materia de enerxías limpas. O parque eólico de Cabo Vilán foi o segundo parque desta natureza instalado en España e, a parte de producir enerxía eléctrica limpa, serviu para investigar e experimentar melloras espectaculares no campo da produción de enerxía procedente do vento. Hoxe Camariñas da un paso mais alá e dota a dúas instalacións deportivas emblemáticas do concello de paneis solares que suporán un grande aforro na factura eléctrica e contribuirán a frear o cambio climático que hoxe xa ninguén cuestiona.

Vetados a perpetuidade polo PP camariñán, houbo que probar a pedirlle unha entrevista ao inefable JJ Durán, presidente de Portos de Galicia. É interesante esta novidade que se introduce no panorama mediático dende os populares da Vila das Palilleiras: coñecíamos o caso de medios de comunicación que vetan a políticos, ahí temos o exemplo dos medios públicos e privados golpistas de Cataluña (TV3, RAC 1, Catalunya Radio, La Vanguardia, todos os chiringuitos dixitais subvencionados, etc...), pero a novidade introducida dende Camariñas é a do político que veta a un medio. Posiblemente esta concomitancia entre golpistas cataláns e populares camariñáns se reduzca a que ambos compartan idéntico sectarismo. En fin, torpedeados por aqueles que pretenden ser os nosos propios representantes, ahí fumos papel en man, como xornalistas mendicantes, entregarlle unha solicitude de entrevista á xefa de prensa de JJ para aclarar in personam como afectará a nova normativa recaudatoria de Portos ás festas tradicionais. A xefa, como boa aficionada taurina, dounos un par de encomiables largas cambiadas de moito mérito,entregándonos a cambio unha nota de prensa a maior gloria de JJ que nin era o que pedíamos nin nos vale para absolutamente nada. Pero nós, que non adolecemos do sectarismo patolóxico dos vetadores profesionais, aquí a reproducimos para maior ilustración dos tendidos camariñáns.

Pois verdadeiramente estamos ante unha auténtica avalancha de anuncios de obras por parte do Concello de Camariñas, aos cales daremos boa conta aquí en Camarinas.eu, a web con alma de xubilado na que os seus redactores desfrutan como enanos con cada unha destas actuacións municipais. A obra en cuestión que foi obxecto de anuncio de licitación no BOP da Deputación da Coruña trata da reurbanización da transitada rúa Pizarro en pleno casco urbán camariñán, englobada dentro do Plan de Obras e Servizos que a entidade presidida polo socialista Valentín González Formoso ten previsto executar no noso concello. Uns traballos que comezarán a realizarse moi pronto e que terán como obxecto a renovación da rede de saneamento á que se conectarán as augas negras así como a construcción doutra que canalice as augas pluviales.

É posible que si alguén nos pregunta por algunha infraestrutura pública que nos chame a atención enseguida nos veñan á cabeza grandes obras como portos, estradas, monumentos, etc. Pero case nunca mencionamos pequenas actuacións que facilitan a vida a persoas que sofren algún tipo de discapacidade as que, o mundo non adaptado, complica sobre maneira a súa vida.

O mítico pavillón polideportivo do Areal en Camariñas vai ver mellorada a súa vella pista dun xeito espectacular coa consecución dunhas impotantes obras acometidas polo Concello de Camariñas. Cunha subvención da Deputación Provincial da Coruña véñense de adxudicar as obras á empresa GALITEC, especializada neste tipo de traballos. O orzamento da obra é de 100.739 euros e o técnico redactor do proxecto é Victor Hermo.

A pericia dos técnicos contratados polo concello permitíu que só algunhas partes altas de Camariñas queden sen suministro de auga potable. Gracias a unha especie de bypass aplicado na rede de distribución de auga potable a Camariñas, a maior parte dá Vila dos Encaixes pode seguir dispoñendo deste servicio esencial. Quedan sin el a zona de Buría ao completo e outras zonas mais altas do casto urbán. Segundo nos informa o concelleiro de obras, Juan Carlos Canosa, dende o mesmo lugar da ruptura da traída princiapal, a avería prodúxose no peor lugar posible e os técnicos consideran que non se poderá normalizar o servicio ate ben entrada a tarde.

Seguramente os lectores da vila de Camariñas se decatasen, ao levantarse hoxe pola mañán, que das billas non caía pinga de auga. A razón é que na subida de Agrelo rompeuse unha das arterias principais da distribución de auga potable. Según puido coñecer camariñas.eu, a avería ten mala pinta polo lugar en que aconteceu e os técnicos pensan que vai durar varias horas reparala.

Nestes pasados días estamos sofrindo pequenos inconvintes  polos traballos que Unión Fenosa está levando a cabo na Praza de San Xurxo, en Camariñas. Estes traballos teñen por finalidade soterrar todo o cableado de alta e media tensión que, coma una tea de araña, surca os ceos do contorno da igrexa parroquial de Camariñas.