Corrían as lonxanas épocas de 1993 cando dous xóvenes camariñáns con algunha que outra inquietude artística e moito tempo libre daban os compases iniciais do que ía a ser un dos poucos grupos de rock que vío a Vila das Palilleiras en toda a súa historia.  Aquela aventura musical, que tería como baixista a Oscar Vigo Barcia (Oki de Monso) e como baterías a Xavier Blanco Vázquez nun primer momento e posteriormente a Álvaro, duraría pouco máis de dous anos e deixou un puñado de cancións para o recordo, pero pasando o tempo tería o valor de constituir a primeira colaboración artística entre os que serían os Pais Fundadores, os Founding Fathers, da páxina web máis vista da historia da Costa da Morte, camarinas.eu: Diegoalfr e Zhúkov. Despois dunha longa paréntese, volve cunha forza inusitada Fotos Históricas cas poucas imaxes existentes de tan histórica asociación, as cales parecían irremediablemente perdidas para sempre ata que o cariño dunha nai, a nosa querida usuaria Guadalupe Vázquez, fíxoas surxir da nada na que esmorecían.

camarinas.eu sigue ca cobertura da viaxe que tras o concerto do venres 14 nas Festas da Xunqueira de Cee levou a recalar en Xaviña durante uns días a Carlos Prieto "Mohammed" e Fernando Ponce de León, membros de Mägo de Oz, o multitudinario grupo de rock duro con influencias celtas orixinario do barrio de Vallecas (Madrid). Nesta ocasión, acompañados dun dos mellores gaiteiros do noso concello, David de Xaviña, non quixeron perderse a espectacular festa que tiña lugar o sábado 15 no Café Bar Arnela para celebrar o 17º cumpreanos de Francisco Barcia Trashorras, outro músico virtuoso se ben do acordeón,  e na que coincidiron cas potentes e aterciopeladas voces dunha Coral de Camariñas que se quixo sumar á celebración, montándose un impresionante espectáculo musical no que tamén tomaron parte activamente estes dous músicos profesionais, integrantes dunha das bandas rockeiras máis famosas de España. En fin, o que non pase no Arnela...

Aquí en Camariñas temos de todo. Mariñeiros expertos, deportistas de élite, músicos de prestixio, xornalistas profesionais, redactores de web pentamillonarias... Dentro do grupo pertencente aos artistas melódicos nestes últimos tempos e seguindo a gloriosa estela musical inaugurada polo seu primo alá nos turbulentos anos 90 surxío un baixista de recoñecida competencia que ven de colleitar cada vez máis éxitos ao frente da base rítmica de Snatch, grupo que acaba de ser incluido na Rede Galega da Musica en Vivo polo que en breve iniciaran unha xira por distintos locais ao longo de toda Galicia.

É ben sabido por todos os lectores de camarinas.eu que esta web non ten porque tirar de algúns grandes fotógrafos aparecidos de repente nesta costa e sin que ninguén sepa moi ben de donde veñen. Así e todo fan exposicións apoiadas por algúns con oscuros e extraños lazos que os unen. Lazos que tan pronto se unen como desaparecen sen deixar rastro. Bueno, a nos en camarinas.eu non nos fai falta tirar destas relacións interesadas e comenenciudas porque sólo cos reportaxes que fan os nosos usuarios alá donde se encontran superan en interés a toda esa parafernalia creada sabe dios donde. Desta vez unha querida usuaria de camarinas.eu residente na Ponte do Porto desprazouse este domingo pasado ata Cee donde se celebraba o último día da Festa da Xunqueira para realizar unha reportaxe da actuación do grupo  Porteño "Materia". Pulsa na foto para ver a reportaxe completa con fotos e videos incluidos.

Seguindo a gloriosa estela musical que un primo seu xa abrira hai máis de 10 anos co que foi ata o de agora o mellor grupo de rock da historia de Camariñas (The Third is the Piggiest, xa recordado cun artigo nestas mesmas páxinas), o camariñán Pablo Laranjo Campaña triunfa enriba dos escenarios como baixista do grupo Snatch, grupo que ven de ser elexido primeiro clasificado dentro do concurso Musicódromo 08, repetindo con elo o éxito acadado o ano pasado ao gañar o Millarock 07 e que este venres 20 de xuño estará actuando en directo no pub Nerio de Cee. Pulsa na foto se queres saber algo máis de Snatch, ver as fotos do grupo en acción e un vídeo.

A web Hispasónicos.com dedícalle un especial a "The third is the piggiest"

Foto sacada en decembro de 1994 pouco antes do concerto debut do grupo na Ponte do Porto

Os grupos xa quentan motores e afinan os instrumentos no Curbeiro. Xa en toda Camariñas estamos esperando que empezen a ruxir as guitarras e os tambores. Os grupos son de calidade e o tempo non pode ser millor. Espéranos unha noite de bóa música e diversión. Estaremos hoxe toda noite para quitar as fotos e mañá meteremolas na galería de fotos especial deste festival.

Serán telonieros de "Los Suaves" no concerto da Xuventude de Cee. Materia, o grupo de Metal da Ponte do Porto darán entrada na festa da Xunqueira de Cee ao mítico e irrepetible grupo de Rock&Roll Ourensá Los Suaves. En camarinas.eu teremos unha galería de fotos especial para este concerto que eles mesmos nos ceden. Esperemos que o Luns estean xa colgadas nesta web.