Multiaventura 2014

Clausura do Obradoiro Cultural - Deportivo e Multiaventura 2014 do Concello de Camariñas

Mañá venres día 29 de Agosto terá lugar o acto de clausura do Obradoiro Cultural e Deportivo 2014, celebrado durante os meses de Xullo e Agosto no Concello de Camariñas. A partires das 11h, na Casa de Pedra, levarase á cabo unha proxección de fotos e vídeos dalgúns dos mellores momentos protagonizados polos rapaces e rapazas que disfrutaron desta actividade. Tódalas persoas que queiran pasarse a disfrutar deste acto, que non o dubide e se acerque este venres pola mañá a compartir este último día de Obradoiro con tódolos rapaces e rapazas.
A Danza de Arcos representada polos nenos das actividades de verán do Concello

Dentro da gran labor que están a realizar os monitores de verán do Concello de Camariñas, a do día de hoxe quedará para enmarcar. Imbuidos polo ambiente festivo que se apodera da Vila das Palilleiras nos días previos a Festa do Carme, decidiron disfrazar aos pequenos de arqueiros da Danza de Arcos e dende o Pavillón Municipal de O Areal fixéronos bailar por toda Camariñas ata o seu porto e despois volta cara arriba. Unha labor que enchío non só de ledicia e ilusión aos máis pequenos senón tamén de orgullo aos maiores, tanto os monitores como todos os transeúntes que tiveron a sorte a contemplar unha estampa que quedará para a historia. A do día na que bailaron polas rúas de Camariñas por vez primeira os arqueiros do futuro.

Camariñas Noticias - Costa da Morte