• O cartel da XXX Mostra do Encaixe arrasa nas redes sociais e conquista Madrid

    Despois do terremoto mediático que supuxo tanto a publicación do makinf off como da revelación do impresionante cartel da Mostra do Encaixe protagonizado por Damián Álvarez, continuaba a apisonadora mediática da mostra a conquistar Madrid por tódolos flancos posibles.  As redes sociais botaron fume durante toda esta semana con estas dúas publicacións. As estadísticas ás que temos acceso dentro do facebook da Mostra son de infarto: caseque 500 veces compartido e 30.000 persoas alcanzadas en tan só 24 horas co cartel creado por Diego Alonso e protagonizado por Damián Álvarez. Unha asoballadora avalancha social poderíamos dicir que deixa en ridículo outras publicacións. Máis alá, e dentro destas accións de difusión previas da XXX Mostra do Encaixe, o Concello de Camariñas decidiu ao mesmo tempo promocionar o evento en pleno corazón de Madrid. Así, aproveitando a presentación da XXX Mostra en FITUR, programou que do 22 ao 29 de xaneiro se proxectase nas grandes pantallas dixitais de Callao en Gran Vía o cartel da edición deste ano. 

  • A Mostra do Encaixe racha estereotipos e emprega un modelo masculino como imaxe da XXX edición

    A Feira Internacional de Turismo (FITUR) que se celebra estes días en IFEMA (Madrid) foi o lugar escollido polo Concello de Camariñas para presentar a XXX edición da Mostra do Encaixe, que se celebrará do 8 ao 12 de abril e que aspira a romper estereotipos desde o primeiro momento. A edición que significará as tres décadas de vida deste evento non será unha máis xa que a organización decidiu rachar coa típica imaxe que se ten do encaixe, un arte milenario asociado erroneamente ás prendas femininas, e empregou un modelo masculino como imaxe do cartel e o spot oficial para este ano.

  • A XXX Mostra do Encaixe presentará o seu impresionante cartel en FITUR

    O Concello de Camariñas presentará mañá, mércores 22 de xaneiro, a XXX edición da Mostra do Encaixe de Camariñas na Feira Internacional de Turismo (FITUR) que se celebra en IFEMA, Madrid. O acto terá lugar ás 11:15 horas no stand de Turespaña no Pavillón 9 da máis importante feira de turistmo do mundo. E alí, como non podía ser doutro xeito estará tamén moi ben representada a Mostra do Encaixe de Camariñas. O máis importante evento encaixeiro do mundo fará de potente punta de lanza da Semana Santa na Costa da Morte cun programa espectacular que será desvelado en breve. Pero o máis importante que a alcaldesa de Camairñas Sandra Ínsua desvelará mañá será o impresionante cartel da 30 edición da Mostra que deixará indiferentes a propios e extraños. Unha aposta valente pola innovación e pola esquisitez que a nova concelleira delegada da Mostra, a camariñana Encarna Liñeiro, quixo impregnar neste sensacional cartel. A alcaldesa de Camariñas, Sandra Insua, será a encargada de presentar todo o elenco promocional da Mostra. Tanto o cartel coma o spot que será desvelado publicamente este domingo 26 de xaneiro ás 9 da noite. Un cartel que resulta, como decíamos, unha aposta pola innovación e o estilismo de alta costura que será desvelado mañán na feita turística máis importante do mundo onde estará representada Camariñas con letras de ouro. Verídico.