• MerCamariñas, espazo de confianza do comercio local

    A pasada campaña de nadal foi a primeira na que a plataforma MerCamariñas operaba a pleno rendemento dando espazo ao comercio local na rede de redes con máis de 1.300 produtos en liña. A raíz disto, e con motivo de celebralo, o Concello de Camariñas realizou un sorteo entre os seus usuarios. Calquera que comprara nesta plataforma durante o período de nadal pasaba a optar ao premio: un total de 10 vales regalo de 40 euros cada un.

    Deste xeito, o uso da plataforma foi amplo, tanto no número de usuarios como no relativo a localización, algo que se puido comprobar na entrega de premios realizada nos últimos días. Nela a concelleira de comercio, Lara Pasantes, reuniuse cos afortunados na praza do Concello. Estes eran de diversas localidades como Camariñas, Xaviña ou a Ponte do Porto, mais tamén de lugares como Cee ou Muxía que atoparon no MerCamariñas o seu espazo de confianza e que mostra a utilidade de unha plataforma que permite ao pequeno comercio local competir nun mundo globalizado.

  • Campaña de nadal no MerCamariñas

    Chega a campaña de Nadal e con el as compras asociadas a esta época como cada ano. Porén, desta vez as cousas son un tanto diferentes, polo menos no Concello de Camariñas. Isto débese a presenza do MerCamariñas, unha plataforma de compra online específica desta zona da costa da Morte. Nela os usuarios poden mercar nas tendas do comercio local sen saír das súas casas e recibir a compras efectuadas na mesma.

    Deste xeito, e co obxectivo de dinamizar a economía local, o goberno do Concello camariñán repartirá 400 euros en total entre aquelas persoas que se decidan a realizar as súas compras na plataforma MerCamariñas. Isto farase a través de un sorteo entre os usuarios de 10 vales por valor 40 euros e que se poderán gastar en calquera dos locais de hostalería do municipio.

    Ao mesmo tempo e para facilitar o uso da plataforma os establecementos da plataforma contarán cun código QR que colocarán nas portas das súas tendas. Así, as persoas que desexan visitar a páxina do MerCamariñas que lle corresponde so terán que escanealo e accederán a mesma.

  • O “Mercamariñas” xa está aquí

    O “Mercamariñas” é unha plataforma de venta online para os comercios locais do Concello de Camariñas. A idea de realizar este proxecto xurde a raíz do pasado confinamento e as dificultades que propicio este para o pequeno comercio local. Con el pretendese axudar a estes negocios a iniciarse na venta online que a día de hoxe acapara gran parte do mercado e até o de agora os deixaba a marxe do mesmo.

  • O Concello de Camariñas estuda un convenio con Correos para o "Mercamariñas"

    Dende o Concello de Camariñas estase a estudar un convenio de colaboración con Correos para ofrecer tarifas especiais e outros beneficios nos envíos das tendas adheridas ao “Mercamariñas”.

  • Comezan as titorías do MerCamariñas

    Esta semana comezaron as titorías presenciais nas tendas adheridas ao “MerCamariñas”, proxecto que xorde dende o Concello de Camariñas para axudar ao comercio local a adaptarse a venta online mediante unha central no dominio web www.mercamarinas.com.

  • O MerCamariñas xa ten spot publicitario

    A iniciativa do “MerCamariñas” xorde coa intención de adaptar aos vendedores e vendedoras ao comercio electrónico para que así poidan vender os seus produtos a través da internet. Adherirse a esta campaña é totalmente gratuíto e contará co xestionamento técnico da empresa local WP Nordés. Os comerciantes so se terán que encargar dos produtos que poñan á venta e de promocionar o seu espazo nas redes sociais.

  • O proxecto “Mercamariñas” xa conta cos seus primeiros participantes.

    A plataforma “Mercamariñas” do Concello de Camariñas pretende adaptar aos comerciantes locais ao mundo da compra/venda a través de internet. Funcionará a xeito de centro comercial virtual a través do dominio www.mercamarinas.com onde se poderán atopar todos os establecementos do municipio que participen na iniciativa.

  • Posta en marcha do proxecto MerCamariñas

    “A vida cambiou moitísimo nos últimos anos”. Quen non escoitou esta frase algunha vez na súa vida? Normalmente tende a vir de alguén maior a un mesmo, ou un dilla a alguén máis novo. Case chega a punto de establecerse como un tópico deses que perden un pouco o seu significado. Mais, se somos sinceros, nos últimos tempos si podemos asegurar sen temor a dubidas que as cousas cambiaron moito e moi rápido. E é que as tecnoloxías impactaron nas nosas vidas e transformáronas por completo case sen darnos conta. Un exemplo é o modo no que chegastes a este texto. De seguro que estabas a fedellar en Facebook pasando o cacho e decidistes ver que che podiamos contar dende o camarinas.eu. Non? Pois a noticia de hoxe ten moito que ver con isto.

    Internet cambiouno todo, dende o modo no que nos comunicamos até o mero feito de ir comprar. Así é, a día de hoxe non necesitamos nin sequera levantarnos do sofá para adquirir o libro que andabamos a buscar, ese estante que precisamos ou mesmo o máis imprescindible como é a comida. Deste xeito nace no novo proxecto do Concello de Camariñas, o proxecto MerCamariñas.