Mercado Medieval

  • Cartel do Mercado Medieval Mariñeiro de Camariñas 2014

    Pois ao final resulta que non se obrou a milagre e o tan ansiado héroe camariñán que tiña que aparecer para recaudar os tan necesitados francos suizos nas terras helvéticas non apareceu. Deste xeito a comisión de festas do Carmen de Camariñas vese na obriga de publicar o número de conta da Asociación Cívica Virxen do Carmen para que sexan os propios veciños de Camariñas residentes en Suiza os que voluntariamente fagan o seu donativo a traves dunha transferencia bancaria. Nesta terán que indicar o seu nome completo ou apodo. Coma sempre, estes donativos serán recopilados nunha lista que se fará pública nun dos días da nosa festa dende o palco das orquestras por un representante da comisión. Así mesmo, dende camarinas.eu queremos presentar o cartel do 3º Mercado Medieval Mariñeiro de Camariñas que se celebrará uns días antes da celebración do Carmen 2014 e que levará a moitos veciños da vila dos encaixes a vestirse de época e desfrutar cos xogos malabares e demáis presuntas actividades do medievo. Este mercado, camiño de convertirse nun clásico da nosa festa, terá lugar no fin de semana do 11 ao 13 de xullo e que será o preludio da gran festa do carmen 2014 que xa está aquí, á volta da esquina. Viva o carme!!

  • 2º Mercado Medieval de Camariñas

    A llama e o que parece un yak, animais típicos do medioevo camariñán

    Incluso Camariñas, unha vila tan ferozmente devastada pola apocalipsis arquitectónica do "ti fai", sirve de escenario solvente no que modelar un mercado medieval, mariñeiro neste caso enténdese que pola presencia colindante do mar. Faise entón xa difícil imaxinar as cotas de realismo que pode entrañar a recreación de esceas medievais en vilas en verdade sí dotadas dun casco histórico de certa entidade tal que Baiona ou Cambados. Sobre todo co atrezzo engadido que supón a presencia duns protagonistas que doutro xeito un os faría atronando autopistas californianas a lomos de Harleys Davidsons como membros dalgúns dos capítulos daqueles Ángeles del Infierno ("Una extraña y terrible saga") cuias andanzas tan pormenorizada e crudamente describira Hunter S. Thompson alá a mediados dos convulsos 60, arrasando pequenas poboacións desprevenidas, provocando conflictos armados ca policía do Estado.

Opinión e editoriais

Etiquetas populares

Area da Vila 1 Obras en Camariñas 1 Paseo Marítimo de Camariñas 1 Lingunde 1 Senda de Lingunde 1

Artículos aleatorios