A asociación cultural Dequenquén co patrocinio da Deputación de A Coruña e a colaboración do Concello de Camariñas, organiza as actividades denominadas MarArteNaufraxios vencelladas a figura de Man, co aniversario do seu pasamento e o entorno no que desenvolveu a súa vida cunha exposición sobre naufraxios en A Costa da Morte.

Dicía Mercedes Martín, no acto de homenaxe a Man de Camelle, que o Alemán fora un adiantado ao seu tempo. Quizá fose así. O que si foi é un incomprendido. Como moitos artistas que hoxe admiramos, Man non foi entendido por moita xente coa que compartiu tempo e espacio nos coídos de Camelle. Non era fácil. Nin para el nin para unha sociedade que non entendía nin a súa obra nin o seu modo de vida.

O Concello de Camariñas e o Museo Man de Camelle realizarán este sábado 27 de xaneiro un acto de homenaxe a Manfred Gnädinger (Man de Camelle) co motivo do aniversario do nacemento do artista. Terá lugar na súa Casa-xardín, e se as condicións atmosféricas non o permiten, no primeiro andar do Museo Man de Camelle.

Despois de 15 anos os restos de Manfred Gnädinger, o lexendario alemán de Camelle, volverán á súa caseta museo do porto camellán para por fin descansar polo resto da eternidade. Así nolo comunicaron esta mañá dende a dirección do Museo Man de Camelle, onde o concelleiro camellán Juan Carlos Canosa está a desenvolver un traballo impresionante de catalogación e conservación de todo o legado do excepcional anacoreta de Camelle. Así, deste xeito, cumprirase o desexo vital do alemán de Camelle que, antes de morrer tráxicamente nas primeiras e penosas xornadas da marea negra do Prestige, deixaría escrito no seu testamento a súa vontade de que as súas cinzas fosen depositadas na propia caseta onde vivía Man e que coroaba o seu mítico museo no porto camellán. Un museo que foi a súa vida e a súa razón de ser neste mundo e por iso quixo deixar claro que ese sería o lugar onde os seus restos deberían descansar para sempre, porque a súa obra non só eran esas pedras e montículos, non só eran esas pinturas e obxectos, se non que o seu propio corpo e a súa mente formaban parte dese máxica obra maestra. Unha obra que a partires do próximo sábado 27 de xaneiro de 2018 exactamente ás 12:00 horas, no día do 82 cumpreanos, quedará finalmente completada co depósito das cinzas de Man nunha furna aos pes da súa caseta tal e como era o seu desexo. Camarinas.eu alí estará para render homenaxe a Man, o alemán que transformaría para sempre a idiosincrasia de Camelle e as súas xentes.

Este próximo 28 de decembro cúmprense 15 anos do pasamento de Man, o alemán de Camelle. Na súa honra o Concello de Camariñas quere adicarlle un día especial para conmemorar o seu pasamento con unha serie de actividades para manter viva a súa memoria. Da man do gran artista de Marín Antón Sobral, o día 16 de decembro celebraranse no Museo Man de Camelle as seguintes actividades de acceso gratuíto:

Data histórica para Camelle a deste luns 23 de outubro na que foi rubricado o esperado contrato para a recuperación da caseta de Man de Camelle. A modesta instalación que foi fogar, estudo, museo e laboratorio de todo o mundo máxico de Manfred Gnädinger será rehabilitado gracias á colaboración entre a Deputación da Coruña e o Concello de Camariñas.

El Concello de Camariñas acaba de firma un convenio de colaboración con la Universidade de Santiago de Compostela (USC) para analizar el legado documental de Man de Camelle, el Alemán que hizo célebre esta pequeña localidad fallecido hace catorce años. La iniciativa surgió hace unos meses con la visita al museo de César Domínguez Prieto, profesor de Literatura Comparada en la USC, con sus alumnos de la asignatura de Ecocrítica, interesados por el legado del artista, según explicó la directora del Museo de Man, Andrea Serodio.

A Xunta de Goberno do Concello de Camariñas acaba de aprobar o expediente de contratación para as obras de recuperación da Casa de Man, na localidade de Camelle. O proxecto, que está financiado pola Depuración da Coruña, ten un orzamento de 24.990,42 euros.

O derradeiro fin de semana desenvolveuse en Camelle (Camariñas) o segundo Obradoiro MAN: Mar, Arte e Natureza. Estes encontros encádranse dentro do proxecto de posta en valor do porto pesqueiro de Camelle e na recuperación do legado artístico de Manfred Gnädinger, financiado con fondos europeos a través do Grupo de Acción Costeira 3 Costa da Morte.

Este fin de semana desenvolveuse en Camelle (Camariñas) o primeiro Obradoiro MAN: Mar, Arte e Natureza. Estes encontros encádranse dentro do proxecto de posta en valor do porto pesqueiro de Camelle e na recuperación do legado artístico de Manfred Gnädinger, financiado con fondos europeos a través do Grupo de Acción Costeira 3 Costa da Morte.

Centrado na posta en valor do porto pesqueiro de Camelle e na recuperación do legado artístico de Manfred Gnädinger, “MAN: Mar, Arte e Natureza”, é un produto turístico-cultural que, a través do Grupo de Acción Costeira 3 Costa da Morte e grazas a financiación con fondos europeos, persigue coma fin fomentar o turismo na comunidade costeira local.

O Concello de Camariñas, no contexto do actual proxecto financiado polo GAC “MAN: Mar, Arte e Natureza”, está na procura dunha escultura mimética de Manfred Gnädinger, o alemán de Camelle, polo cal foi convocado o presente concurso.

Comparado con outras terras, non é Camariñas un lugar moi dado a estatuas. Non digamos por comparanza cunha cidade como Oviedo onde de non andar con ollo un estampará irremisiblemente os fuciños contra calqueira das esculturas que coma fungos brotaron por tódalas rúas e plazas da capital asturiana nestes últimos anos. Ou con megaurbes como Moscú onde sátrapas comunistas, héroes militares, forzudos proletarios ao máis puro estilo do realismo socialista ou, agora, figuras do pasado imperial e relixosos ortodoxos sucédense sen solución de continuidade en xigantescas figuras de pedra e bronce. Non, aquí, apenas unha estatua á muller traballadora e outra á palilleira e xa vai que chuta. Incluso en tempos nalgúns ámbitos baraxárase a posibilidade de erixir un humilde recordo ao gran represaliado por antonomasia do Franquismo en Camariñas, Jacinto Campaña Martínez, fusilado polas tropas nacionais en Luarca un aciago día do lonxano e terrible ano de 1936. Este, como tantos e tantos proxectos, quedou en nada, sen embargo o que sí que parece que arranca con forza é a novedosa iniciativa municipal de erixir un recordo ao maior embaixador artístico que tivo en sorte coñecer o Concello de Camariñas durante o século XX: Manfred Gnadinguer, o Alemán de Camelle, a cuia honra o Concello ven de convocar concurso público para levantarlle unha estatua mimética. Un grande dos nosos acada o seu máis que merecido recoñecemento.

O Concello de Camariñas presentou esta mañá os proxectos “Camariñas, o mar todo” e “Desenvolvemento da zona costeira da praia do Ariño”, executados con fondos europeos dos Grupos de Acción Costeira- GAC3 Costa da Morte. O obxectivo de ambas iniciativas foi valorizar os recursos turísticos de Camariñas co mar e a cultura mariñeira como eixo central. 
No acto estiveron presentes a tenente de alcalde e concelleira de Cultura e Encaixe, Sandra Insua Rial; o xerente do GAC3-Costa da Morte, Guillermo González Díez; o concelleiro de Turismo, Sergio Caamaño Fernández; Eugenia Juncal e Pedro Tasende, representantes, respectivamente, de Valora Consultores e Aporta Comunicación, empresas responsables da execución dos proxectos.

Con motivo do decimosegundo aniversario do pasamento do Alemán de Camelle o Concello de Camariñas a través do seu concelleiro Juan Carlos Canosa Marcote veñen de confeccionar unha conferencia que se desenrolará este 28 de nadal de 2014 na Casa do Alemán en Camelle. A charla, que estará tamén integrada no ambicioso programa de actuacións "Man: Mar, Arte e Natureza" contará como protagonista, ademáis de Man, coa Doutora en Belas Artes Carmen Hermo que conducirá o evento. Este está previsto que dea comezo a eso da 12:30 da mañá e no cal teremos ocasión de vislumbrar un pouco millor todo ese gran proxecto que está chamado a revolucionar o concepto turístico que temos da vila de Camelle e, sobretodo, da obra do xenial anacoreta traxicamente desaparecido hai 12 anos. Alí estará Camarinas.eu para contarvos todo o que suceda pero antes aquí vos deixamos unha pequena perla atopada no archivo radiofónico da CRTVG que rescataron dende o proxecto "Man: Mar, Arte e Natureza", unha entrevista realizada polo locutor de radio o camariñán Marcial Mouzo no ano 1986 ao mesmísimo Man.

Comeza a vislumbrarse o proxecto durante o que traballaron intensamente durante os últimos anos dende o Concello de Camariñas. "Man: Mar, Arte e Natureza" é o proxecto estrela que, en palabras dos responsables do traballo marcará un antes e un despois na proxección turística da vila de Camelle e na conservación do patrimonio do anacoreta camellán. Un proxecto que comeza a desvelarse pouco a pouco coa presentación da páxina web www.mandecamelle.com que se puxo en marcha hai uns días e que nos mostrou orgulloso un dos principais precursores deste proxecto como é o concelleiro socialista e veciño de Camelle Juan Carlos Canosa Marcote. Unha páxina web que presenta un deseño innovador e uns contidos que se están a publicar día tras día. Esta páxina web será, según nos contan, a punta do iceberg do que representará o proxecto íntegro no que se está a traballar. Pero antes de coñecer todo o total do que suporá esta importante iniciativa para a vila máis norteña do concello deixámosvos con un pequeno resumo do proxecto que promete cambiar a proxección da vila de Camelle hacia o mundo: "Man: Mar, Arte e Natureza"

Xusto coincidindo co décimo aniversario do seu falecemento, Manfred Gnadinguer retornará ao seu fogar. Para elo traballadores da funeraria de Vimianzo procedían na tarde deste xoves 27 de decembro de 2012 á exhumación do seu cadáver no camposanto camellán e tras a incineración dos seus restos, as cinzas de Man serán soterradas dentro dunha furna ás 20:00 horas deste venres 28 de decembro na que fui a súa casa nun acto solemne que contará ca presencia das máximas autoridades municipais. Comenzará desta forma un amplio programa de actividades denominado "Sempre na nosa memoria" que se extenderá ao longo deste fin de semana como forma de homenaxe e recoñecemento a un artista único e excepcional, aquel cuia alma sensible e eterna non foi quen de soportar as acometidas furiosas dunha oleaxe negra, devastadora e cruel. Xusto neste intre, cando se cumpren dez anos do seu fatídico falecemento, Manfred Gnadinguer, o Alemán de Camelle, ten que seguir na nosa memoria. Agora máis que nunca.

“...él sempre me dixo que prefería morrer antes de que lle destruíran o seu museo.”

A Escola Superior de Conservación e Restauración de Bens Culturais de Galicia invitada polo Concello de Camariñas realizará o mércores día 7 pola mañá un BALDEIRADO DA PEGADA que Man deixou no peirao de Camelle. O profesor de técnicas escultóricas,  Xosé Antonio Quinteiro e o profesor de arte, Antón Sobral, acompañados por alumnos da Escola de Restauración ubicada en Pontevedra desprazaranse a Camelle para realizar un positivo da pegada de MAN que se atopa no peirao de Camelle para logo positivalo e obter unha escultura que sirva de símbolo para o Museo MAN de Camelle. Esta proxecto enmárcase dentro das actividades que co gallo do Encontro Man de Camelle realizarase o vindeiro 17 de novembro.

Manfred Gnadinger, o xenial Alemán de Camelle, seguirá entre nós para sempre

Exclusiva camarinas.eu : O Concello  de Camariñas da os primeiros pasos para a conservación do Museo de Man

Nunha reportaxe publicada o xoves 30 de agosto ("Resultado final enquisa museo de Man") , camarinas.eu apuntaba xa  a que na nosa opinión era a solución idónea para salvar o Museo de Man: "Que se faga un inventario de todo o seu patrimonio para que desta forma as distintas administracións poidan, coa axuda dos citados artistas, proceder ao mantemento e reposición de todas as obras que compoñen un patrimonio artístico único". Non sabemos se influidos por camarinas.eu, finalmente tras varios anos de abandono polas distintas administracións, tivo que ser o Concello de Camariñas o que se puxese mans á obra para evitar que o legado do xenio desaparecese entre a xeral apatía cunhas medidas en parte coincidentes cas propostas no seu día polo diario on-line máis leído de toda a Costa da Morte. Da man de Silvia Baña Rodríguez, encargada da formación do inventario dos bens do xenial e iconoclasta artista, camarinas.eu poido asistir a través dun recorrido exhaustivo a tódalas actuacións emprendidas dende o Concello para salvar o legado dun artista único: Manfred Gnadinger, o noso alemán de Camelle.