Dende o mes de Setembro 96 rapaces e rapazas están a adestrar no campo municipal “Irmás Patiño” dentro do programa da “escola de fútbol Concello de Camariñas-Juan Cabrejo”. Porén, non foran presentados en sociedade polo que nesta semana, aproveitando que no mes de Novembro comezaran a disputar partidos de competición, os representantes do goberno local achegáronse até as instalacións para celebrar o acto de presentación.

Até el desprazáronse Sandra Ínsua, alcaldesa do Concello de Camariñas, e o concelleiro de deportes Fabián Canosa para saudar ao propio Juan Cabrejo e aos seus adestradores Juan Porrúa, Carlos González, Pepucho e Ivan Pose.

Esta escola conta con un total de cinco categorías: biberón, prebenxamín, benxamín, alevín e infantil, entre os cales se dividen os case 100 rapaces que aseguran a continuidade de un dos equipos históricos da liga da costa como é o Camariñas F.C.

Esta semana remataron as obras no estadio municipal de Camariñas, o “Irmás Patiño”, nas cales se substituíu a súa iluminación exterior ampliando a súa capacidade. Nelas substituíronse as luminarias anteriores por unhas de tecnoloxía LED e aumentouse o seu número que pasa de ser catro a seis por estrutura. Isto dotará as instalación de unha mellor visibilidade ao mesmo tempo que permitirá un aforro de até un 73% na factura grazas ao baixo consumo da tecnoloxía LED.

O orzamento destas obras de renovación foi de 39.974,90 euros e estivo financiada a través do Plan Único da Deputación da Coruña.

Pois ao final resulta que a liga de fútbol base ven a ser moito máis excitante que a dos maiores. Nesta derradeira xornada a Escola de Fútbol do FC Camariñas tivo varios encontros de gran rivalidade dos que desfrutamos todos os afeccioados ao fútbol base de Camariñas. O primeiro deles no fútbol sala enfrontaba aos benxamíns das Baleas contra os do FC Camariñas levándose o partido con moi bo xogo os chavales do adestrador do Camariñas Saviola que se estreaba no derby camariñán con victoria contundente. Nos alevíns eran os rapaces das Baleas os que superaban amplamente ás rapazas e rapaces do FC Camariñas. Pero ao final, uns e outros, compañeiros que son de escola, celebraban o final do partido dándose un agarimoso saúdo fronte a todos os pais e nais. Os bravos nenos do equipo Benxamín B do FC Camariñas caía con toda a honra diante do Carnota por un total de 2 a 4. Moi orgulloso estaba o adestrador destes pequenos guerreiros que día tras día avanzan no seu aprendizaxe como futbolistas. E xa no fútbol herba chegaba o turno dos benxamíns do FC que poñían contra as cordas a todo un potente Cerqueda aos cales gañaban finalmente por un total de 6 goles a 4. Os campións de liga e copa da temporada pasada, os benxamíns do FC Camariñas, colleron finalmente o ritmo de cruceiro e están en condicións de quedar nos primeiros postos da clasificación da súa pequena liga. Pero xa están collendo o testigo os pequenos prebenxamíns que van con toda en banda e contan todos os seus partidos por victorias. Uns pequenos campións que están sendo o furor desta liga prebenxamín da Costa da Morte 2018-19.

Excitante xornada de fútbol da canteira do FC Camariñas a deste derradeiro fin de semana na que os pequenos deportistas conseguiron variedade de resultados aínda que estes sexan o de menos vendo a forza e ilusión que lle poñen os nosos a cada partido. Non hai máis que ver algúns dos partidos desta escoliña de fútbol para comprobar que os nosos nenos están a converterse nuns grandes futbolístas, loitadores ata o final e respetusosos dos seus compañeiros e adversarios deportivos. Unha fin de semana na que os nosos nenos dixeron adeus ao seu querido adestrador JM Ordóñez que deixa os banquiños da escola de fútbol despedíndose persoalmente hai uns días dos seus pupilos e reciben ao novo adestrador Saviola que volve a coller as riendas duns equipos aos que víu nacer. Dende a redacción deportiva de Camarinas.eu queremos dar a benvida a Saviola, ao cal mostramos todo o noso apoio e axuda, e despedimos ao noso querido amigo JM Ordóñez ao que estaremos eternamente agradecidos polo seu traballo. A continuación deixámosvos os resultados de todos os equipos que conforman a Escola de Fútbol do FC Camariñas ademáis dun video do espectacular encontro de fútbol sala desputado polos benxamíns do FC Camariñas fronte ao Manuela Rial de Cee.

Despois dunha dura liga e de non perder nen un só partido chegaban os nenos do FC Camariñas prebenxamíns con todas as opcións para levarse o título ligueiro no campo do Xallas, terceiro clasificado. Todo apuntaba a un partido moi igualado pero ao comenzo deste o Xalllas, moi motivado e cuns xogadores escepcionales,  encontráronse con un sorpresivo marcador favorable de 4 a 0. Catro chegadas e catro goles mediada a primeira metade que afundían os ánimos dos pequerrechos do Camariñas que vían cheos de pena como o soño se esfumaba. Pero estes nenos son uns campeón e lévano na sangue, non se rendiron e conseguiron chegar ao descanso marcando un gol que lles inyectou unha adrenalina que os fixo saltar polos aires de moral para empezar a segunda metade decisiva.

O partido que enfrontaba ao FC Camariñas contra o Baiñas no municipal de Vimianzo fui un dos que mellor fútbol puidemos ver dos nosos, pero no que a sorte outra vez non estuvo do lado dos camariñáns. Adiantábase o Baiñas nos primeros minutos cun gol tempraneiro do dianteiro Javi, aínda que era o Camariñas o que estaba poñendo todo o fútbol e tiña a posesión so esférico pero sin poder batir a portería rival. Lograba o merecido empate para os nosos o senegalés Soule no comenzo do segundo tempo, e entón o FC Camariñas buscaba sen piedade o segundo gol para adiantarse definitivamente no marcador pero que non daba chegado. O Baiñas, replegado e defendéndose como gato panza arriba en intentabao de vez en cando á contra ata que nun fallo noso cando o baiñes Pablo Muiño marcaba o segundo para o equipo de soneira, nun partido que polo menos os nosos mereceron empatar. O mais positivo fui o bo partido que fixeron os nosos xogadores, con toques de xenialidad e os más de 50 siareiros Camariñáns que se desprazaron ata Vimianzo para ver un encontro que non pararon de animar en ningún momento e que levou en volandas ao seu equipo. Lástima de non poder adeicarlle un resultado mellor ao final. Na seguinte xornada o FC Camariñas terá unha boa oportunidade para volver a senda do triunfo no seu estadio fronte a un Lira que non pasa por un bo momento.

Non fui o día do Camariñas o deste partido contra o Zas. E é que hai días que parece que todo sae mal e este domingo no Estadio Municipal Hermanas Patiño foi un deses. Ainda así os nosos xogadores traballaron a reo todo o partido e seguiron loitando ata que o colexiado pitou o final. Así pois cabe decir xustificadamente que os de Zas foron xustos vencedores do encontro. Adiantábase o Sporting Zas nos primeros minutos do partido, e ao pouco o porteiro visitante paraba un xusto penalti a Javi, que pudo cambiar o partido drásticamente e balancealo cara o casilleiro do FC Camariñas pero pouco despois de fallar esta pena máxima o Zas arroxaba unha erra de auga fría polas aspiracións dos camariñáns anotando outro tanto na conta visitante. 

Tres puntos q saben a gloria nun partido contra o Outes sufrido ata o mesmísimo final do encontro. Abría o marcador o camariñán Maikel ao materializar un penalti de Xandre sobre o dianteiro senegalés Sule xa nos últimos minutos do primero tempo. Ata ese momento o partido era un continuo ti a ti no que ningún dos dous equipos conseguira batir a meta rival. Xa no segundo tempo o Outes tivo as mellores oportunidades do partido q foron freadas por un gran Martín que pouco tempo despois incluso pararía unha pena máxima ao xogador do Outes Babu. Empataba o Outes xustamente despois de varios intentos  fallidos e con Camariñas totalmente replegado intentando repeler os continuos ataques do rival. Pero foi o FC Camariñas con un golazo de Sule a contra o que se facía ca victoria nun partido no que calquera dos dous equipos pudo ser o vencedor. Tres puntos que veñen como auga de mailo (nunca mellor dito) para que o FC Camariñas se poda consolidar nos postos altos da taboa clasificatoria. Forza Camariñas!

Duas derrotas e un empate foi a bagaxe da pasada xornada dos nosos eqipos na Liga da Costa. Tan só o Porteñe foi quen de puntuar nunha xornada onde o Camelle caeu ante o líder no Rodeiro e o Camariñas voltaba a perder inmerecidamente nun partido onde o Castriz ten que aprender moito en canto a "fair play" se refire. Na categoría xuvenil, o Camariñas xogarase o primeiro posto desta primeira fase en Cabana ante o equipo locatario, unha victoria daríalles ese primeiro posto aos Camariñas mentres que o Porteño queda a seis do líder traso empate acadado ante o Baio. En canto a categoría cadete se refire, As Baleas goleou con contundencia ao Coristanco e parece que volta ao bó camiño de xogo e resultados.

Unha xornada máis da Liga da Costa onde por desgracia, ningún dos nosos equipos puido conseguir a victoria. Camariñas e Camelle acadaban un empate ante o Carnota e o Buño, mentras o Porteño sufría unha goleada en Verdillo ante o líder San Lorenzo. En xuvenís o Camariñas gañou en Laxe mentres que o Porteño empataba na casa do líder o Cabana. As Baleas en categoría cadete, tocoulle descansar.

Nova xornada onde cabe destacar o gran derbi vivido no campo da Grixa entre Porteño e Camelle, ambiente pr todo o alto nun partido que como mandan as tradicións, houbo de todo, goles, emoción, polémica arbitral.... e no que finalmente tralo pitido final, trouxo consigo un reparto de puntos q lles serve aos dous equipos para seguir sumando pasiño a pasiño. Empate tamén o que trouxo o Camariñas dende a terra dos alfareiros, de Buño, nun partido onde houbo media ducia de goles, nun encontro no que o Camariñas chegaba con once homes xustos e donde perdonou demasiado a un rival que o tivo contra as cordas. As Baleas cadete perdeu o seu partido en Ponteceso por un claro tres a cero. Os xuvenís do Camariñas e Porteño gañaron pola mínima a Corme e Coristanco respectivamente e son segundo e terceiro na clasificación.

Mala xornada a vivida este pasado fin de semana onde contamos por derrotas os partidos xogados dos nosos equipos da liga da costa. Camelle, Porteño e Camariñas perderon os seus correspondentes partidos ante o Seaia, Buño e Mazaricos respectivamente. A nota positiva da xornada foi a victoria con rementada incluida dos cadetes das Baleas que rompen deste xeito unha mala racha de resultados. En canto a liga xuvenil, Camariñas e Porteño continúan coa súa tempada triunfal e a falta de poucas xornadas, siguen loitando polo primeiro posto da clasificación.

Primeira xornada no que vai de campeonato no que ningún dos nosos equipos perdeu no campeonato ligueiro costeiro. O Camariñas conseguía unha victoria chave para tratar de alonxarse dos postos de descenso mentras que tanto Porteño como o Camelle, acababan sendos empates a domicilio por un mesmo resultado final de empate a dous goles, un Camelle que sufríu un atraco en Cabana, onde novamente o colexiado do partido actuou en contra dos intereses Camellánn impedindo que os de Varu trouxeran de Cabana tres puntos que os tiñan no peto. As Baleas de vi, seguen coa mala racha de resultados e volveron a caer derrotados en Esteiro ante o conxunto local.

Non foi unha xornada nada positiva a disputada o pasado fin de semana onde os nosos equipos que están loitando na Liga da Costa non conseguiron vencer en ningún dos tres partidos disputados.

Xornada na que cabe destacar a primeira victoria do Camelle desta tempada que venceron ao Montelouro no Rodeiro. O Porteño suma e segue e venceu ao Cee na Grixa mentras que o Camariñas caeu con contundencia en Muros ante o Volantes de Baño. Na categoría xuvenil, Camariñas e Porteño golearon a domicilio a Baio e Malpica respectivamente  mentras que na categoría cadete, As Baleas de Vi, voltaba a senda da victoria e gañaban cómodamente ao Muxía no Hermanas Patiño.

Comezou a xornada na Liga da Costa, a segunda rexional, e o que é unha xornada positiva podemos decir que non foi, tan só o Porteño foi quen de sumar un empate a domicilio mentres que tanto o Camariñas como o Camelle, perderon os seus encontros nesta xornada inaugural. O conto non é como empeza e si como acaba, polo tanto vamos a esperar o devenir da competición para esperar que os nosos cumplan os seus obxetivos.

Quedan poucos días para o comezo dunha nova tempada futbolística dos equipos seniors do noso Concello como son o Camariñas, o Camelle e o Porteño, onde as tres escuadras futbolísticas actuarán na categoría da segunda rexional, a Liga da Costa de toda a vida que promete ser apaixoante como nunca e donde vamos a ter o número de derbis máis elevado da historia do Concello Camariñán. Cos equipos xa rodados cos seus respectivos partidos amigables, os planteis están prácticamente pechados, agás o Camelle que segundo nos conta o seu novo adestrador Álvaro, está a piques de firmar a dous xogadores máis para pechar o seu plantel. Camariñas e Porteño teñen o seu plantel preparado para competir pero se cae unha fichaxe de última hora tampouco sería nada raro. Coas espadas en todo o alto, e cós tres equipos preparados para comezar a rodar o balón no Hermans Patiño, no Rodeiro e na Grixa, a carreira está a piques de comezar. Moita sorte para os tres equipos!!!!.

Corrían os anos oitenta e Camariñas era un bullicio de rapaces polas calles. Os nenos podían verse xogar en todas as rúas do noso pobo en pandillas de amigos que rivalizaban unhas coas outras. Nada que ver coa actual situación na que a escola se queda grande para os escasos rapaces que hai en Camariñas que ao chegar aos 12 anos xa marchan para a Ponte do Porto onde se encontra o instituto. Con esta situación temos menos rapaces aínda.

Bo comezo do Camariñas ante un Muxía inferior por un global de 2-5. O F.C. Camariñas venceu con comodidade a un Muxía que plantou cara no seu campo. No Camariñas puideronse ver algunhas novidades coma a inclusións na plantilla de tres xogadores novos nesta temporada. O partido celebrouse coma unha homenaxe a o socio fundador do Muxía.

Este Domingo 12 de Agosto xogan contra o Muxía C.F. na Vila da Barca. O F.C. Camariñas comeza a pretempada desprázandose ata Muxía para xogar un encontro amigable contra o Muxía. Ao remate do partido incluiremos unha reportaxe fotográfica de todo o partido e tamén informaremos de todas as novidades que presente o equipo de Tono do Atlántico.