O rapaz que derrotou a camarinas.eu

O rapaz sen nome que gañou a camarinas.eu

¡Feliz Cumpreanos Jola!

Jola ca súa irmán Carmen da man en 1973

Como a familia de camarinas.eu é moi grande (sen dúbidas a máis grande de toda a Costa da Morte), raro é o día que non hai un cumpreanos que celebrar. Pero neste caso felicitar o seu cumpreanos a María Pasantes Carril, Jola, constituía un imperativo moral para esta redacción. Membro clave e básico do Clan das Gelinitas, esa entrañable familia camariñana sen a cal (que ninguén o dubide) esta web non existiría, muller emprendedora propietaria da tenda Encajes Gelina, pola que sigue o camiño iniciado pola súa avoa Sofía e a súa nai Gelines na venta de encaixe, esposa dun percebeiro de vella estirpe e gran amigo desta redacción: O Roco, e nai dunha fermosa filla de corpo escultural: Belén, esos son entre outros algúns dos rasgos que definen a esta empresaria de Camariñas. Patrocinadora de camarinas.eu xunto ás súas irmáns María Pilar, Gelinita e Carmen, xunto a súa gran amiga Maruja do Mantido, esta xente camariñana foi a que fixo posible a supervivencia económica da web máis vista da historia da Costa da Morte, por eso no día do seu cumpreanos esta redacción quere regalarlle un presente difícilmente superable: unha dedicatoria do mellor narrador que se pode encontrar a día de hoxe por estes pagos e que ven só fai dous días de deixar ca boca aberta a todos os nosos lectores ca súa impresionante dedicatoria a Lin: Juan Contacontos. Jola, vai por ti e pola túa familia, ¡¡FELIZ CUMPREANOS!!

Hai uns anos nunha vella casa de pedra en ruinas na Ponte do Porto, na cal vivía un eremita inglés, outro loco bohemio, foron atopadas dúas fotografías. Unha delas non presentaba problema: co fondo do Cansorro un grupo de rapaces camariñáns sorrían ante a cámara. Sen embargo, a outra, unha intrigante imaxe firmada por un fotógrafo dos vellos tempos, Julián de León Caamaño, presentaba a un neno ó que ninguén nunca lle soubo poñer nome e que sempre sembrou a duda nos donos da fotografía que buscaron durante anos infructuosamente o nome daquel rapaz. Pulsa na foto para ver as dúas fotografías a tamaño natural e ler un cartel de SE BUSCA.

Aquelas bodas no baixo de Perrúa

Na esquina inferior esquerda Isabel Campaña Blanco que hoxe cumpre 48 anos.¡Feliz cumpreanos!

Este sábado 12 de abril, Fotos Históricas recorda unha institución clave na Camariñas dos anos 70 e 80: os banquetes de boda que se celebraban no baixo que a Familia Perrúa tiña na Rúa Pinzón. ¿Quén non asistío a un daqueles convites? Recordamos concretamente a primeira boda que se celebrou no mesmo: o enlace matrimonial entre Luis Laranjo Martínez, fillo dun importante empresario madereiro muxián, e Mª Luz Campaña Blanco, filla do mítico armador camariñán, o 24 de setembro de 1977, cunha importante representación das dúas familias, entre elas a dunha persoa moi querida nesta redacción que hoxe cumpre anos.

Esta era a forma sinxela, humilde e familiar na que se celebraba un bautizo nunha famila mariñeira en 1971

Camarinas.eu tivo o privilexio de asistir este último domingo de marzo ao bautizo dos mellizos de Berta e Jorge, e agora, á luz desta foto histórica de 1971 que nos trae a nosa usuaria Gelinita, podemos comprobar como cambiaron as cousas, e particularmente a celebración das festas familiares, en España ao longo deste lapso de tempo. Pulsa na foto para ler a noticia completa, ver a foto superampliada e descubrir un a un quenes son os protagonistas da mesma.

¡¡Feliz Cumpreanos Sefa!!

Foto histórica con Sefa, Rosa Mari e Gelinita sacada diante do Bar Victoria a finais dos anos 60

Camarinas.eu non podía fallar na felicitación do cumpreanos dunha muller todo corazón e bondade: Josefa Carril Rodríguez "Sefa", unha usuaria clave que dende a lonxana Costa Calma, en Fuerteventura, xunto aos seus amados e idolatrados "Pedros" non falta un so día á súa cita ca web máis representativa do seu pobo da alma, Camariñas.

E aínda hoxe o director desta web lembra case tódolos días cando no seu lamentable periplo canario, Sefa tratouno coma outro "Pedro" , coma unha nai, e lle lavaba a roupa a un Diego Alonso desfeito que viña de traballar na construcción. Ademáis disto, tampouco se pode un olvidar daqueles domingos onde Pedro senior, o seu marido, facía aquelas añoradas e apetitosas churrascadas. Por iso mesmo, en esta dura semana na que esta web chegou incluso ata a ser insultada gravemente (insultos que dende logo non serán olvidados) e se pensou en tirar con todo ao mar, se houbo unha xente que o evitou foi toda aquela que coma Sefa, O Soco, Machote, Jose de Marta, Javi, etc.. viven lonxe da súa casa e camarinas.eu é o fío vital que os une á mesma. Temos adquirida unha responsabilidade a que non se lle pode fallar. Por todo eso: ¡¡ FELIZ 55 CUMPREANOS SEFA!! ¡¡ESTAS FEITA UNHA RAPAZA!!

A infancia da Mostra do Encaixe

Bautista e Fernández Moreda rodeados alá polos anos 90 con un grupo de xóvenes camariñanas

Agora que ven de cumplir os 18 anos, a maoiría de idade, non está mal recordar a través da sección comodín de camarinas.eu, Fotos Históricas, que a Mostra como todo ser vivo atravesou distintas etapas no seu periplo vital (nacemento, infancia, adolescencia, madurez). Precisamente as fotos elexidas reflexan a segunda das etapas citadas, a da infancia dunha Mostra que daba os seus primeiros pasos.

E difícil precisar o ano desta imaxe, que reflexa a entrega dos diplomas das licenciadas cum laude no Curso de Palilleiras por parte do ex-alcalde Bautista e dunha persoa que se sempre se volcou na axuda persoal e material cara a nosa Mostra: un moito máis xoven presidente da Excma. Deputación da Coruña Salvador Fernández Moreda. Fotos que ademáis de reflexar o paso do tempo, demostran como éste o cambia todo porque probablemente a persoa que sacou esta fotografía agora é o Alcalde de Camariñas. En todo caso e como sempre cas Fotos Históricas, deberán ser os nosos usuarios os que precisen tódolos datos destas evocadoras fotografías duns tempos nos que a Mostra andaba en patucos.

O Rei do Congrio

O Ana María lucindo no seu día de gala ante as casiñas brancas de Camariñas

Camarinas.eu segue recordando a antiga flota de Camariñas e agora trae ás súas páxinas o barco Ana María propiedade da familia Blanco Campaña e que constituío un caso insólito na costa por tratarse dunha embarcación que ao longo da súa dilatada existencia sempre tivo a mesma tripulación, composta nun primeiro momento polos seus donos, José Blanco e o seu cuñado Ramón Campaña, Piñolo, O Dejo e Juan de Eugenia, aos que posteriormente se lles sumarían debido ao éxito nas capturas de quintales de congrio (das que o Ana María era o líder intratable da Costa da Morte) Fernando de Mundina, Trigo, Enrique da Quisindina e Eduardo "O Rubio".

Concretamente esta foto foi sacada o día da chegada do barco ao porto de Camariñas provinte de Cee, onde fora construido a principios da década dos sesenta. Neste punto o noso fiel lector Xosé Luís Blanco Campaña lémbranos que o nome orixinal do barco era "Ana Marichu" pero que debido a un error burocrático do finado Manolo de Dora na Ayudantía de Marina a embarcación foi bautizada finalmente como "Ana María" debido a que se trabucou na filla de Ramón Campaña elexida para nomear o barco (María por Marichu), errores que tan habituais eran por aquel entonces, alomenos eso é o que se conta. En calquer caso en camarinas.eu seguiremos lembrando as embarcacións míticas de Camariñas sobre todo se veñen acompañadas de estampas tan fermosas.

A tradición Católica de Camariñas

San Antonio, San Roque e San Jorge escoltados por unha multitude de fieis católicos

Os redactores de camarinas.eu profesan coma non podía ser de outra maneira a relixión Católica, como xa a profesaron os seus pais, os seus avós, os seus bisavós, etc... Pérdese nas orixes do tempo a primeira huella da relixión Cristiana no Concello de Camariñas, cunhas xentes que como amosa esta foto sempre foron moi practicantes, ainda que entendendo o Cristianismo á peculiar maneira camariñana, todo hai que decilo.

Todo o que acabamos de dicir reflícteo esta fotografía histórica que nos fai chegar a nosa fiel usuaria Pión desde Cádiz, o lonxano e antigo Gadir colonizado por gregos e fenicios, para deixar constancia de tal feito. E seguro que se os redactores rebuscan entre a multitude que rodea ao tridente máxico da santidade formado por San Roque na dianteira, San Antoniño no medio e San Xurxo na retaguardia neste día de San Xurxo de 1972, atoparán unha gran cantidade de parentes seus (seguramente as nosas nais pero tamén tíos, tías, avoas, etc...). Como seguro que tamén vos pasa a vós. Pero esa é unha labor que teredes que facer os usuarios de camarinas.eu poñendo nomes a multitude inxente que rodea aos nosos queridos santos na foto ampliada a tamaño natural do interior.

Os rapaces de Don Andrés

A sección comodín de camarinas.eu "Fotos Históricas" trae consigo nesta ocasión unha foto que, como mínimo debe de ter máis de 40 anos e que fai referencia á xeración de xóvenes camariñáns que naceron alá polos anos 50. Anos que se recordan na Vila dos Encaixes como tempos moi duros e difíciles, nos que España salía dunha terrible postguerra e nos que estaba ao mismo nivel que calqueira país subdesarrollado. Tempos onde as nais aforraban ata o último patacón, as roupas pasaban duns irmáns a outros, onde as familias solían ter proles bastante numerosas pero nos que sen embargo a xente tamén era feliz á súa maneira e nos que tan gran labor formativa levou a cabo a Igrexa Católica.

Nesta ocasión "Fotos Históricas" publica unhas imaxes que nos fai chegar unha das nosas usuarias, que tras superar o implacable exame de calidade do tribunal de camarinas.eu saen con tódolos honores na nosa portada, e nas que aparecen un grupo de rapazas do Colexio "O Areal" pertencentes á xeración dos anos oitenta de Camariñas, entre elas a nosa nova e fiel usuaria residente en Canarias e camariñana ata a médula Rocío "A Piruca".

O archivo invaluable de fotos históricas de camarinas.eu acaba de recibir un importante suplemento que o fai multiplicarse ata o infinito, trala volta do arquivo fotográfico de Foto Alonso (con centos de miles de fotos en negativo de 40 anos de traballo) ao seu vello fogar da Rúa Tras Praza, é decir, á redacción de camarinas.eu, polo que temos fotos históricas como mínimo ata o ano 3.527 da era cristiana.

Agora que o pobo de Camariñas empeza a quentar motores con motivo da preparación da XVIII Mostra do Encaixe, non está mal recordar unha das primeiras mulleres que se decatou da forte atracción que exercicía o encaixe sobre os turistas que visitaban o noso pobo. E esa muller non era outra que Sofía do Nacho, unha muller que ao cabo dos anos resultou ser nai e avoa de moitos dos usuarios máis fieis de camarinas.eu.

Corrían os últimos anos da década dos sesenta cando, recén construido nos astilleiros de Telleira (Cabana), chegou a Camariñas un barco que non tardaría moito tempo en facer historia, un barco de formas suaves e delicadas, cunha ponte situada na proa da nave, rompendo así co canon establecido ata entón, deixando desta forma máis espazo de carga na parte traseira, un barco que creou escuela tal e como se pode comprobar hoxe en día nun dos portos máis importantes da Costa da Morte, o de Camariñas, con embarcacións que seguen o exemplo do Lubina coma o Manuel de Lin, o Muro de Fontán, o Siro Segundo...

Hoxe cumpre anos Marisol Soneira, a usuaria máis autonómica de camarinas.eu

Marisol con ex-alcalde Bautista nos bos e vellos tempos

No día do Carmen de algún ano alá polos 70 ten a súa orixe esta foto. Nela podemos ver a uns cantos rapaces camariñáns que estaban de soldados de reemprazo asistindo á procesión marítima da festa do Carmen de Camariñas. Entre eles estaba Luis Canosa máis coñecido como Luis do Pulpo ao cal lle adicamos esta foto xa que hoxe celebra o seu cumpreanos.

Un Man aínda novo posa diante da caseta que era o seu fogar

Galería especial de fotos extraídas do arquivo persoal do Alemán de Camelle

Hoxe sábado 17 de novembro celébrase en Camelle o 1º Encontro de Man, co que o Concello de Camariñas salda unha débeda histórica co anacoreta alemán e rinde a xusta homenaxe que este xenio merecía. camarinas.eu súmase a este tributo ofrecendo aos seus lectores en exclusiva un pequeno avance de fotos extraidas do arquivo persoal do Alemán de Camelle cunha alta resolución e máxima calidade de imaxe. Desta forma, esta redacción, que mañá fará un seguimento exhaustivo ao citado encontro, manifesta a súa vontade de contribuir en todo o que sexa necesario ao recoñecemento dun xenio que dou todo o seu talento ao Concello de Camariñas e polo tanto á Costa da Morte.

Camarinas.eu, volcada por igual con todas as parroquias que compoñen ese imaxinario colectivo chamado Concello de Camariñas, volve sobre un tema histórico: a consecución por un equipo modesto dunha pequena vila da Gran Copa da Costa da temporada 69/70. Moitos aínda recordan na Ponte do Porto aquel lexendario equipo, o mellor que se veu nunca na vila porteña, unha xeración de ouro formada por xogadores da talla dos camariñáns Juan do Penedo, Moncho do Peruco, Camuel, os porteños Italia, Ricardo do Barbeiro "El Bravo de la Costa", Manolo O Xaviñán, Pepe Canillas, Pichurri, "O Chocolate" de Muxía, Pepe do Caión, etc.. que baixo o firme timón do adestrador Juan José Rego e a presidencia de Don Manuel "do Gransolo" lograron vencer ao Carnota nunha final a dobre partido, impoñéndose na ida por 3-4 no feudo carnotán e por un folgado 5-2 no mítico pero agora bastante destartalado Campo da Grixa.

El Pueblo vs. Antonio Velo

Montaxe de Camarinas.eu

A imaxe de unión de varios centos de Camariñáns á que poidemos asistir estes días entorno a unha idea, camarinas.eu, trouxo ao epicentro da memoria de algún dos redactores desta web recordos de acontecementos semellantes que ocorreron hai xa moitos anos. Esta semana camarinas.eu poido sentir o alento e apoio de todos os seus usuarios dunha forma que emocionou especialmente a esta redacción. Énchenos de ledicia e non temos palabras para agradecer a todo o pobo de Camariñas a súa axuda en momentos tan críticos, con xente así detras nosa camarinas.eu non ten límites e coa axuda de certas persoas que estos días se destacaron especialmente, na sombra, sen ruido, sen aspaventos camarinas.eu seguirá a loitar duro, día a día para que se manteña esa milagre de que Camariñas teña a millor páxina web de toda a Costa da Morte. Por iso esta humilde redacción quere regalar ás persoas que estos duros días se moveron e axudaron especialmente unha reportaxe fotográfica que recorda a última vez que todo un pobo se movilizou para loitar contra o que eles crían que era unha inxustiza.