Pois o sábado 23 de xuño tamén se confeccionou un completo programa de actividades para tan sinalada festividade na Parroquia de Xaviña. Será a partires das 22:30 horas no campo de As Pontes, xusto enfrente do templo románico que leva preto de 1.000 anos vendo o lume arrecender ao seu carón e que contará co fondo sonoro subministrado polo Grupo de Gaitas da Asociación Abrindo Rejo, a cal organiza o evento ca colaboración inestimable, por aquelo do tan necesario equilibrio territorial entre as diferentes poboacións que o agrupan, do Concello de Camariñas. E máis nestas épocas de políticos sen escrúpulos que se adican a enfrentar aos diferentes pobos en beneficio (máis ben cesante, dado o estado da súa declinante situación microeconómica) propio, outro exemplo máis da aplicación secular do inevitable "Divide y vencerás". Nembargantes non soen ser as de Xaviña unhas terras que se deixen enganar por supervivientes e enganabobos e así, unidos, felices, en comunión cos restantes veciños do seu concello, celebrarán unha espectacular cachela de San Juan na mellor paraxe posible: aquela que proporciona o templo sagrado máis antigo e fermoso dos contornos.

Un carnaval sinxelo, familiar e humilde. Feito polas boas xentes da parroquia máis extensa do Concello de Camariñas e compartido cada vez por máis e máis persoas que non queren perderse a gran cita carnavalesca de Xaviña. Unha festa que contou este ano coa participación de tres promesas da canción, tres guapas rapazas que subiron ao palco montado pola Asociación Abrindo Rejo para reflexar diante das masas todo un torrente de voz e sabiduría musical. A camariñana Karina e as xaviñanas Yolanda e Erika deixáronse a pel no escenario para, nunha actuación a tres bandas, asombrar a todos os asistentes. Así e todo, despois houbo tempo para desfrutar cos disfraces de toda a vida e as comparsas que fixeron as delicias de todos con risas e comicadas a esgalla. Pero agora é o turno das rapazas cantantes (no mellor sentido da palabra, non estamos a falar de políticos caraduras que andan a denunciar ao cidadán de a pé) e de todo o seu chorro de voz que camarinas.eu trouxo a estas páxinas nunha noticia en exclusiva.

Se hai un entroido de carácter popular, dicharacheiro, multitudinario e gastronómico no noso concello ese é o xaviñán. Un ano maís ao carón da súa  cáseque milenaria igrexa parroquial, organizado pola Asociación Abrindo Rejo e ca colaboración inestimable municipal, este domingo 19 de febreiro  centos de persoas daranse cita nun evento con renome en toda a Costa da Morte. Como sempre haberá orellas, chocolate, filloas e como non o sorteo dun porquiño. Aquí en camarinas.eu apara ir abrindo boca ca nosa cita ineludible co entroido xaviñán procedemos a publicar unha galería fotográfica do derradeiro magosto celebrado na parroquia máis extensa do noso concello.

Hai xa máis dunha semana concretamente o luns pasado, 15 de agosto de 2011 e día sagrado da Asunción da Nosa Señora celebrábase na parroquia de Santa María de Xaviña a festa relixiosa máis importante do ano nestas antigas terras chas do Concello de Camariñas. Baixo un sol implacable que agora parece querer marchar para sempre do verán camariñán, era sacada polos fieis xaviñáns a Virxen de Santa Ana acompañada pola retaguardia por San Roque que percorreron parte de Xaviña dende a Rúa da Igrexa ata o cruceiro da Molinera. Unha procesión que contou co oficio do cura párroco de Xaviña Don Mario acompañado polo tamén cura xaviñán e profesor de Lengua Española no IES Raices de Cee Don Lorenzo. Ademáis da procesión relixiosa os responsables da organización agasallaron a todos os asistentes cun dúo musical que fixo as delicias dos máis bailadores.

Unha estampida de público foi a que se deu cita o pasado 25 de xullo nos arredores da fantástica Praia do Ariño de Xaviña para ver a Marcos Pereiro e Xosé Antonio Touriñán, é decir, Nucha e Mucha ("As Cantareiras de Ardebullo"), o dúo humorístico que dende o 2004 leva enchendo de bromas a base da mellor retranca toda Galicia e que chegou a convertirse nunha das atraccións estrela do programa máis visto da TVG: Luar. Así, a eso das 8 menos cuarto facían acto de presenza estes dous grandes humoristas galegos entre a multitude que se agolpaba no pinal do Ariño e que, ao velos chegar, saltou en avalancha para sacar unhas fotos e conversar cos seus heroes televisivos. Alí tamén pudemos ver a nosa querida amiga Chelo (antiga camareira do Bar do Casino) acompañada do seu sobriño Marcos Pereiro e integrante de As Cantareiras de Ardebullo. Toda unha sorpresa. O caso é que este 25 de xullo, festa grande en Xaviña e tamén por extensión no resto de España, houbo moitas máis actividades nesta Festa da Praia organizada exemplarmente pola Asociación Abrindo Rejo de Xaviñapero deixámosvos de agasallo o prato forte deste día especial na praia do Ariño con cerca de 100 fotos da actuación estelar de Mucha e Nucha: As Cantareiras de Ardebullo.

A Festa da Praia que tradicionalmente se celebra cada 25 de xullo no Areal xaviñán do Ariño estará marcada nesta edición polo humor galego. Polo mellor humor galego xa que como invitados de excepción estarán presentes o 25 de xullo, Día do Apóstol Santiago, Patrón de Galicia e das Españas, Marcos Pereiro e Xosé Antonio Touriñán, é decir, Nucha e Mucha ("As Cantareiras de Ardebullo"), o dúo humorístico que dende o 2004 leva enchendo de bromas a base da mellor retranca toda Galicia e que chegou a convertirse nunha das atraccións estrela do programa máis visto da TVG: Luar. Pois alí estarán o luns 25 de xullo, no entorno paradisíaco do Ariño xunto a centos de veciños chegados dende tódolos recunchos do noso concello nun día que, se esta climatoloxía adversa que nos está a amargar o verán 2011 o permite, se convertirá nun placer difícilmente superable: o mellor entorno para un día de verán, unha comida abundante (gran sardiñada), boa música (charanga O Recobio, Abrindo Rejo, Escolas Municipais de Baile) e humor galego.

Aquí en camarinas.eu o segredo do noso humilde éxito baséase en aplicar a raxatabla dende o primer día unha recomendación que presuntamente endilgou un día hai moitos anos paseando polos xardíns do Pardo o Xeneral Franco a un cariacontecido, sorprendido e por veces obnubilado interlocutor: "Usted haga como yo: no se meta en política". E así nos foi dende aquela, aumentando a distancias meteóricas, siderales, a xa de por si oceánica ventaxa que nos separaba da nosa presunta competencia (por decir algo), se ben esto non constitúe ningún mérito, incluso un demérito máis ben, vendo o nivel lamentable, ruinoso, do que nos rodea. Con todo, para cubrir ese oco imprescindible que permita complementar as informacións de camarinas.eu cun punto de vista distinto, non deixan de surxir iniciativas ilusionantes, honestas, ben feitas, como a do noso querido amigo e usuario Mikel (http://camarinasdirecto.blogspot.com) ou a de quen foi ata non hai moito a nosa máis feroz competencia, o tristemente abandonado Diario Faro Vilán.

Este domingo 6 de marzo ás 4 da tarde o entroido chega á Xaviña, a parroquia onde a tradición é lei, e faino por todo o alto nunhas festas convertidas pouco a pouco, a base de traballo, ilusion e gañas, nunhas das máis senlleiras da Costa da Morte. Os mellores disfraces, a festa máis desenfrenada, os máis abundantes e apetitosos ágapes, os premios máis suculentos terán lugar un ano máis nun entroido organizado pola exemplar xaviñana Asociación Abrindo Rejo. Na carpa instalada a carón da Igrexa Parroquial haberá: Premio á mellor comparsa, 1º, 2º e 3º premios para os mellores disfraces nas categorías de infantil, xuvenil e de adulto, así como un Premio Especial ao disfraz máis  orixinal; a mellor música; unha enchenta definitiva a base de chocolate con churros, filloas, empanada, etc... todo gratis e como guinda especial realizarase o sorteo dun porquiño que promete dar días de gloria culinaria, un manxar para o día de mañán, sorteo para o cal aquí en camarinas.eu dende hai semanas xa temos os nosos boletos gardados a bo recaudo. Este domingo dende as 16:00 e ata ben entrada a noite, ¡¡TODOS A XAVIÑA!!

Pois posiblemente na parroquia máis católica deste concello, Xaviña, cando son chegadas as sagradas datas dos seus santos máis devocionados, os venerables habitantes desta terra antiga tiran a casa pola ventana, bótanse ás rúas, ás praias e aos camiños e todo é celebrar festas en honor do santo en cuestión. Esto puidémolo apreciar particularmente este domingo 25 de xullo ca celebración do Santiago Apóstol, Patrón de Galicia e das Españas, nunha espectacular Festa da Praia, o luns 26 ca multitudinaria procesión do Sacramento e ca festividade tardía do Carme de Xaviña, a celebrar este martes 27. Tres días de festividade relixiosa continuada e extenuante no medio dunhas paraxes bucólicas e paradisíacas. Tal vez entre tanta festa piadosa, os veciños da llanura xaviñana tiveron tempo de adicar parte das súas súplicas a rezar polas futuras andainas deportivas do Xaviña FC, club futbolero que da man do noso querido amigo Isaac fará a súa espectacular reentrada no competitivo mundo do fútbol profesional na campaña 2010-2011. E camarinas.eu, como todo o que acontece na parroquia máis extensa do Concello, alí estará para contar o que suceda por eses campos de Deus.

Don Mario oficia ca súa sabiduría característica a procesión que enche os camiños de Xaviña de devotos veciños

A parroquia máis católica do concello

Tradicionalmente as poboacións de terra adentro, de raigambre agrícola e campesina, suelen  estar caracterizadas por poseer unhas máis fortes creencias relixiosas e elo, ao noso leal e limitado saber e entender, queda reflexado especialmente dentro do Concello de Camariñas na Parroquia de Xaviña, aquela que pasaría por ser a máis relixiosa do mesmo, a máis católica.  Aquela que ten ata 4 curas vivos e en exercicio polo mundo adiante: Don Mario (que aínda que non é de Xaviña senón de Pontevedra leva casi 60 anos nesta parroquia), Don Lorenzo, Don Ramón e Don Manolo. Os catro son veciños de Xaviña. Desta maneira, as festas acompañadas de cristiana procesión multiplícanse ao longo do calendario na parroquia máis extensa do concello: San Blas, o Sacramento, Santa Ana, San Roque, San Antonio... Especialmente solemne é a festividade adicada cada 13 de xuño ao santo portugués falecido na cidade italiana de Padua en 1231 e que foi canonizado 352 días despois do seu falecemento, motivo polo cal toneladas insondables de sardiña procedente da Costa da Morte marchan en tan sinalada data en procesión cara as fogueiras de Portugal. Outra procesión foi a que como ven sendo tradición dende hai centos de anos congregou a toda unha parroquia polos extensos camiños que a conforman e que é comandada co oficio e sabiduría característicos dun dos relixiosos máis míticos da Costa da Morte, Don Mario, párroco de Xaviña e na que camarinas.eu, a web que concibe o concello de Camariñas como un todo informativo, estivo presente e captou unha ampla galería fotográfica de 150 imaxes.

Ben é sabido dende antigo que as xentes que pueblan a planicie xaviñana caracterízanse por ser persoas austeras, humildes, traballadoras e cumpridoras da Lei de Deus, por eso cando son chegadas as datas do Entroido a alma xaviñana bótase ás rúas da súa milenaria terra cristiana para disfrutar e darse a última gran homenaxe antes dos rigores dunha cuaresma que na parroquia máis grande do noso concello cúmplese de forma escrupulosa e con rigor legalista. Así o puidemos comprobar este domingo 14 de febreiro de 2010 cos impresionantes carnavais organizados pola Asociación Abrindo Rejo onde chegou ata a rifarse un cochino (con perdón)  e no que centos de persoas vestiron imaxinativos e alegres disfraces sendo o de avión supersónico o que finalmente resultou vencedor. Camarinas.eu, a web que contempla o Concello de Camariñas como un todo informativo e para a que cada parroquia é aínda máis importante que a anterior, estivo presente e captou todo o acontecido na ancha llanura xaviñana nunha amplia galería de 220 fotografías. ¿Quién da más?

Toda a mala sorte que tiveron os camariñáns nas Festas do Carme cun clima sempre sorprendente e inesperado, aliouse este 25 de xullo cos nosos compatriotas xaviñáns e así estes organizaron dunha forma sinxelamente perfecta a festa de Santiago Apóstol, Santo Patrón de Galicia e das Españas, o home que supostamente cometería tantas matanzas de invasores mahometanos alá na Baixa Edade Media. E todo elo adobado ca minuciosidade, detallismo e dotes organizativas tan caras á milenaria alma xaviñana: grupos de baile, unha sardiñada xigantesca, actuacións, un sol de xusticia e un baño reparador. Posiblemente a mellor Festa da Praia que se recorda no fértil areal xaviñán en anos.

O día 17 de xullo hai que estar na sardiñada de Santa Mariña e o 18 a encherse na de Camariñas

¡Santa Mariña vai nela!

Pois si, queridos usuarios o verán xa está aquí. Xa chegou, e co bo tempo chegan todas as actividades e festas que se organizarán durante toda a época estival no noso concello. Hai uns día que xa publicamos o gran cartel das Festas do Carme para este ano 2009 e hoxe procedemos a publicar o cartel das grandes festas que se realizarán na nosa querida vila de Santa Mariña e que contan cunha gran sardiñada que se realizará o 17 de xullo da cal din os que saben do tema que "a de Santa Mariña é unha das millores do mundo". En fin, camarinas.eu como web representativa de todo o Concello de Camariñas  e 12º medio de comunicación por internet de Galicia estará alí este día tan importante para os veciños de santa Mariña para realizar unha completa reportaxe de todo o que alí aconteza. Así nolo pediron amablemente os representantes da Comisión de Festas e así o cumpliremos. Esperamos vervos a todos alí. Polo de agora: un gran cartel destas festas de Santa Mariña e unha pequena galería de fotos que nos manda o noso querido usuario "Chicote".

Camarinas.eu estivo este sábado 13 de xuño acompañando ao humilde e noble pobo de Xaviña na súa festa de San Antonio porque si unha das misións desta web como medio de comunicación máis importante da Costa da Morte é o de fomentar e promocionar as nosas festas máis importantes outro dos sinos de camarinas.eu é o de recuperar e mostrar a todos os miles de usuarios as festas máis humildes ou as tradicións máis antigas deste noso Concello de Camariñas.

"Abrindo Rejo" organizará este ano a "Festa da Praia"

Cartel da Festa da Praia do Ariño que empezará a circular polo concello estes días

 

Durante 6 anos a Asociación "Abrindo Rejo" de Xaviña e o Concello de Camariñas levan traballando por unha "Xoldra Enxebre" grande, vendo como cada vez vai crecendo máis. E moitas entidades empezan a colaborar no mesmo. Entidades públicas como a Xunta de Galicia e a Deputación da Coruña, e como non, os veciños de Xaviña que veñen colaborando dende hai tempo para que a Xoldra Enxebre continúe medrando exponencialmente.

Este 2008 o Concello de Camariñas confiou aínda máis na Asociación C.X.D. "Abrindo Rejo" ao poñer nas súas mans a organización da festa do día seguinte á Xoldra. Orgullosos de ser os primeiros xaviñáns en moitos anos en organizar este evento, os integrantes da Asociación "Abrindo Rejo" só piden que o pasedes ben na FESTA DA PRAIA:

Cristina Pato foi a cabeza de cartel da Xoldra 2007

Xa están aquí as fotos da Xoldra Enxebre que se celebrou este ano na Praia do Ariño de Xaviña e na que non houbo moi bo tempo pero ao final pasámolo en grande cos grandes músicos que a Asociación "Abrindo Rejo" trouxo a Xaviña. Esperemos que para o ano que ven a directiva, na que xa non estará Sergio Caamaño, volva a facelo tan ben. Norabóa compañeiros! Aquí nos tendes para o que faga falla. Pulsa neste enlace para ver as fotos.