Houbo un cambio de escenario: as obras na Avenida Eugenio López dificultaban á asistencia ao Pavillón Municipal. A noite non invitaba especialmente a saír da casa, a posibilidade de chuvia e un certo enfriamento do aire atmosférico flotaban no ambiente como unha amenaza. Pero nada impedío que esta segunda Cena Baile Festas do Carme 2009 fora un éxito rotundo e que máis de 150 asistentes abarrotaran o Restaurante Catro Ventos e degustaran por 20 euros un menú composto por salpicón de marisco e carne asada.

Comezan as Grandes Festas de San Xurxo 2009

As festas en honor ao noso Patrón San Xurxo comezaron onte mércores 22 de abril cun gran espectáculo por parte da orquesta Marbella na cal puidemos ver moitas caras coñecidas do particular mundillo orquesteril. Hoxe xoves é o día grande das festas e a 1 da tarde celebrarase a tradicional misa e a procesión ao arredor da nosa igrexa en honor ao Patrón de Camariñas, San Xurxo. Sobre as dúas da tarde comezará a sesión musical a cargo dunha banda de música que tocará unhas pezas clásicas na Praza de san Xurxo. Ao rematar esta será a Orquesta Versalles a que tomará o relevo para comezar xa co típico baile vermouth. As 7 da tarde realizarase a ofrenda floral a Don Antonio Domingo Rodríguez Canosa no lugar do Cotro en Buría e será de noite cando comece a espectacular gala musical coas orquestas Versalles e archicoñecida Panorama.

A Virxe do Monte retorna aos seus altares

Non podía baixar mellor a nosa Santa que nas mans de todo un clásico das procesións como o noso amigo Pino

Tal e como mandaban os cánones da Santa Madre Igrexa, ás 18:00 horas do domingo 19 de abril do ano do noso Señor 2009 varios centos de fieis cristianos, veciños da moi antiga e noble vila de Camariñas, reuníronse nas alturas da Sagrada Ermita da Virxe do Monte nunha tarde encapotada e gris para devolver á Santa protectora dos naturais de tan emblemática e blasonada terra ao lugar onde reposará un ano, a Igrexa Parroquial de San Xurxo, ata que conmemorando unha festa inmemorial e sagrada no Domingo da Resurrección do Noso Señor Xesucristo sexa devolta por unha semana á ermita portadora do seu santo nome. Só por unha semana. Pulsa na imaxe para ver unha galería fotográfica a tres bandas de 120 fotos captada polos reporteiros en exclusiva de camarinas.eu Mónica Pasantes, Alvito Diéquez Jr. e Zhúkov.

Todas as fotos do Maratón San Xurxo 2009

O Resumen Final do mellor maratón de futbito destes últimos anos só en camarinas.eu

Pois mentras medio Camariñas atopábase na tarde deste domingo 19 de abril na Procesión que retornaba a Virxe do Monte cara a Igrexa de San Xurxo, o outro medio, despois dunhas fases previas presididas por un éxito impresionante de público e de organización, presenciaba no Pavillón Municipal a Gran Final do Maratón San Xurxo 2009 que enfrontaba aos camariñáns de Carpintería Alberto contra o Café Bar Guaraná de Ponteceso, equipo formado por xogadores reclutados nas mellores pistas polideportivas da Coruña. A súa calidade demostrárona sobradamente nun partido no que se impuxeron aos nosos por un marcador de 6 a 1, destacando a extraordinaria labor do porteiro do Carpintería Alberto, o noso querido usuario Peteke. En definitiva remata cun éxito rotundo unha iniciativa surxida da mellor xuventude camariñana  e que camarinas.eu reflexa para a posteridade cunha amplia galería fotográfica e tres impresionantes vídeos.

Tres días  de festa para A Virxen do Monte

A procesión do domingo á tarde cara a Capela do Monte: unha tradición que se perde nas orixes do tempo

En fin, con este tempiño tan bo que nos está a tocar toda esta semana xa parece que se nos vai achegando o verán. O único que nos faltan son as festas propias das datas estivais. Pero para remediar esto están os nosos compañeiros da Comisión de Festas do Carmen que veñen de  anunciarnos o cartel previsto para as festas que inauguran a temporada 2009: a festividade en honor a nosa Virxen do Monte, cun programna novedoso que inclúe tres días festivos, un elenco cerrado de orquestas de primer nivel e incluso unha festa gastronómica adicada á zorza. Pulsa na imaxe para ver todo o programa das Festas da Virxen do Monte que terá lugar nos días 11-12-13 de abril do 2009.

Os locais de movida estiveron abarrotados na noite de Ano Novo de 2009 en Camariñas

Un de xaneiro do 2009. As 00:00, tralas habituais campanadas pouco a pouco e de forma incesante comenza un regueiro de xente nova e non tan nova a saír das súas casas cara os distintos locais de movida de Camariñas, os cales cara as 2:00 presentan xa cheos absolutos que dificultan sobremaneira a apertura dun paso de urxencia co que chegar ata un baño no que poder desafogar unha micción incontenible. A redacción de camarinas.eu ao completo non podía deixar pasar a ocasión de recoller para a posteridade un colección de máis de 140 fotografías de calidade que plasman perfectamente unha noite de Festa Total.

Multitudinaria festa do balonmán en Camariñas

O Pavillón Municipal de Camariñas quedouse pequeno para acoller aos asistentes a Festa do Balonmán

Así como o último sábado do 2007 foi un día pletórico de festividades (cena de camarinas.eu, e festa anual do balonmán), neste fin de exercicio de 2008 volveu a ocorrer o mesmo ca única novidade da substitución obrigada da cena da páxina máis vista da Costa da Morte pola merecidísima homenaxe ao periodista xosé Luís Blanco Campaña. Así, como ven sendo habitual, os nosos amigos da directiva do CB Camariñas celebraron no pavillón municipal unha multitudinaria festa no que a boa música correu a cargo da orquesta Olympus e a orquesta Ciclón, as cales atraeron cara a nosa vila un importante número de seguidores de distintos puntos de Galicia como xa é habitual nos seus concertos. Pulsa na imaxe para ver unha completa galería fotográfica da festa anual do CB Camariñas.

Camariñas na Festa da Barca 2008

Unha reportaxe fotográfica elaborada polas usuarias de camarinas.eu

A intención da redacción de camarinas.eu era a de facer unha reportaxe do que significa a Barca de Muxía para un camariñán. Todos sabedes en maior ou menor medida todo o que representa esta festa para nos: ir á romería polas noites, ir as misas polo día e incluso a comer  en Muxía todo elo indo en barco desde o Porto de Camariñas ata Muxía. No sábado, día grande da Barca, todo estaba preparado para que os barcos camariñáns saíran a cumplir cunha tradición de fai máis de 100 anos. Pero ao parecer non se deixaba aos patróns soltar amarras do porto e todo aquel que o intentaba viña, con sorte, de volta para  atrás desde o medio da ría. Bueno, todos non: sólo algúns privilexiados puideron continuar esta tradición, ¿verdad?

Pois si, o rito ancestral dos camariñáns de acudir en barco a unha romería (algo único nesta costa atlántica) foi estirpado de raíz por unha decisión que levou a unha impresionante patrullera da Garda Civil a rastrexar as augas da ría en busca de droga... non, minto! en busca de yates con droga... estooo.. non non! en busca de barcos que iban tranquilamente a cumplir cunha tradición milenaria. Eso mismo, que fácil!. Arrancade as nosas raices de cuajo coa intención de plantar o voso árbol á vosa imaxen e semellanza. Pulsa na foto para ver unhas imaxes sacadas na barca pola nosa guapísima usuaria Uxi, por Lucía016 e por MTCC (Maytiña).

A última e auténtica festa do verán

Imaxe da procesión de San Ramón do ano 2007

Este sábado 30 de agosto comezan en Camariñas as Festas adicadas a San Ramón, as últimas festas do verán, e que terán continuidade ata o domingo 31, día do Santo en cuestión. Neste día celebrarase a tradicional procesión ao redor da Igrexa de Camariñas. Ademáis das típicas orquestas haberá pasarrúas de gaiteiros e unha gran traca de fogos artificiais.

Camarinas.eu, sempre activa colaboradora coas comisións de festas do noso pobo (aínda que a veces non nos axuden moito a nos) fará un seguimento especial a estas festas para que todo camariñán que se encontre fora do seu pobo poida ver coma se estivera aquí unha das últimas festas do verán na Costa da Morte, porque o noso compromiso é e será sempre ca xente do Concello de Camariñas. Pulsa na imaxe para ver o programa completo e ver unha galería das Festas de San Ramón do ano pasado.

Pois nesto que estábamos tan tranquilos tomando un Jack Daniel's no Café Bar Arnela na noite deste último sábado 16 de agosto, cando de repente se montou o disparate. É decir, chegou un gaiteiro, un acordeonista, danzarinas sensuales, unha pila de xente e armouse unha boa festa. A ocasión non era para menos: Francisco Barcia Trashorras, todo un virtuoso do acordeón tal e como tivemos ocasión de comprobar, cumpría 16 anos e para festexalo elexío o mellor lugar posible, o Café Bar Arnela, sede de Camarinas.eu.