• A XXVII Mostra do Encaixe de Camariñas xa ten cartel

    A Casa de Pedra acollía na mañá de hoxe a presentación do cartel que representará a XXVII edición da Mostra do Encaixe de Camariñas. As nenas e nenos das escolas de palillo agardaban expectantes polo resultado final. A idea partiu do fotógrafo camariñán Diego Alonso, quen xunto a María José Carril, traballou neste proxecto persoal que presentaron ante responsables do Concello e da Mostra. A idea gustou. Comenzaron entón os preparativos: escoller as candidatas entre as máis de 40 nenas das escolas, implicar as nais e familias para preparar a indumentaria das nenas, maquillaxe, perruquería...todo na procura dunha imaxe similar á de 1912 donada por Mariluz González Soto que se conserva no Museo do Encaixe.
  • As nenas palilleiras de Camariñas na TVG

    Nova recalada televisiva no Concello de Camariñas, desta volta para firmar unha estupenda reportaxe sobre a labor exemplar que dende hai uns cantos anos levan a cabo a Escola Municipal de Palillo. Recalou si, este mércores 16 de novembro, no edificio do Centro de Iniciativas Empresariais sito na Rúa do Prado, un equipo da Televisión de Galicia e alí puido comprobar nunha aula repleta de neniñas chegadas das distintas partes do concello, como se perpetúa a arte que dou renome mundial a Camariñas. Por todo elo, non cabe senón agradecer a TVG este interese amosado polos esforzos deste numeroso grupo de rapaciñas que farán posible que xa ben adentrados no século XXI, percorrendo frenéticos os camiños do postmodernismo, Camariñas siga a ser a Vila das Palilleiras.