Que Camariñas sempre foi unha canteira natural de cracks do fútbol  xa todos o tiñamos claro. Que a vila das palilleiras dispoñía dunha auténtica mina de futbolístas inagotable non era ningún secreto... pero que cada dous por tres teñamos que estar publicando éxito tras éxito dos nosos deportistas xa poñe de manifesto que estamos ante un inextinguible viveiro de promesas do fútbol. Mirandoo ben, aquí en Camarinas.eu, xa poderíamos adicar unha sección co cometido de destacar todos e cada un dos triunfos que os nosos pequenos futbolístas, aprendices de deportista, están a colleitar polos terreos de xogo do noso señor. O caso é que desta volta temos que dar conta da convocatoria para a selección infantil de fútbol sala da Costa da Morte de outros dous chavales que se suman aos seus compatriotas Dani Castro do FC Camariñas e a Álex e Cristian das Baleas. Estamos a falar de Íker Aufiero (Dumbría) e Víctor Bouzas (Bergantiños) que nesta mañá do luns 4 de marzo estaban convocados a xogar no Campeonato Galego de Seleccións Comarcais de Fútbol Sala representando á Costa da Morte. Os camariñáns xogaron xunto aos seus compañeiros da bisbarra dous encontros fronte a grandes equipos de cidades como Lugo e Ourense e, aínda que foron derrotados neses dous partidos, lograron desplegar un gran xogo e demostraron que aínda que somos pequenos, podemos estar á altura de calqueira con traballo e dedicación. Incluso Víctor Bouzas, fillo do noso amigo Pepucho, un dos mellores futbolístas da historia do FC Camariñas, foi o artícife dun dos dous únicos goles que o combinado da costa anotou nestes dous encontros. Dende esta web queremos darlles a noraboa a estes dous chavales que lograron este gran éxito e animalos a que sigan traballando e demostrando polo mundo adiante o que un camariñán pode chegar a ser capaz si se empeña en traballar e ser mellor cada día. Noraboa Íker e Víctor! 

Novo recoñecemento hacia a Escola de Fútbol do FC Camariñas coa inclusión dun dos seus xogadores da categoría benxamín na selección da Costa da Morte de fútbol sala. Este pasado venres 22 de febreiro o canteirán do Camariñas Dani Castro recibía a noticia da súa selección por parte do equipo técnico na súa casa de Xaviña xunta a súa familia. Os pais de Dani cóntannos que o neno está superilusionado con este novo reto e que espera dar todo o mellor de si neste equipo que representará a nosa comarca por gran parte dos pavillóns de Galicia. E aínda que foran convocados ata cinco pequenos futbolistas da canteira do FC Camariñas (4 benxamíns e 1 alevín) preseleccionados para as probas preliminares deste conbinado, tan só pudo quedar un deles entre tanta competencia de nenos de todos as escolas de fútbol da costa. Así, tanto Dani Castro como todos os seus compañeiros do FC Camariñas como tamén todos os pais e nais que levan a cabo todo o traballo de organización desta Escola de Fútbol ven recompensado todo o traballo que se leva feito dende que hai pouco máis de un ano se crearan as categorías inferiores do FC Camariñas. Noraboa!

Pois ao final resulta que a liga de fútbol base ven a ser moito máis excitante que a dos maiores. Nesta derradeira xornada a Escola de Fútbol do FC Camariñas tivo varios encontros de gran rivalidade dos que desfrutamos todos os afeccioados ao fútbol base de Camariñas. O primeiro deles no fútbol sala enfrontaba aos benxamíns das Baleas contra os do FC Camariñas levándose o partido con moi bo xogo os chavales do adestrador do Camariñas Saviola que se estreaba no derby camariñán con victoria contundente. Nos alevíns eran os rapaces das Baleas os que superaban amplamente ás rapazas e rapaces do FC Camariñas. Pero ao final, uns e outros, compañeiros que son de escola, celebraban o final do partido dándose un agarimoso saúdo fronte a todos os pais e nais. Os bravos nenos do equipo Benxamín B do FC Camariñas caía con toda a honra diante do Carnota por un total de 2 a 4. Moi orgulloso estaba o adestrador destes pequenos guerreiros que día tras día avanzan no seu aprendizaxe como futbolistas. E xa no fútbol herba chegaba o turno dos benxamíns do FC que poñían contra as cordas a todo un potente Cerqueda aos cales gañaban finalmente por un total de 6 goles a 4. Os campións de liga e copa da temporada pasada, os benxamíns do FC Camariñas, colleron finalmente o ritmo de cruceiro e están en condicións de quedar nos primeiros postos da clasificación da súa pequena liga. Pero xa están collendo o testigo os pequenos prebenxamíns que van con toda en banda e contan todos os seus partidos por victorias. Uns pequenos campións que están sendo o furor desta liga prebenxamín da Costa da Morte 2018-19.

Excitante xornada de fútbol da canteira do FC Camariñas a deste derradeiro fin de semana na que os pequenos deportistas conseguiron variedade de resultados aínda que estes sexan o de menos vendo a forza e ilusión que lle poñen os nosos a cada partido. Non hai máis que ver algúns dos partidos desta escoliña de fútbol para comprobar que os nosos nenos están a converterse nuns grandes futbolístas, loitadores ata o final e respetusosos dos seus compañeiros e adversarios deportivos. Unha fin de semana na que os nosos nenos dixeron adeus ao seu querido adestrador JM Ordóñez que deixa os banquiños da escola de fútbol despedíndose persoalmente hai uns días dos seus pupilos e reciben ao novo adestrador Saviola que volve a coller as riendas duns equipos aos que víu nacer. Dende a redacción deportiva de Camarinas.eu queremos dar a benvida a Saviola, ao cal mostramos todo o noso apoio e axuda, e despedimos ao noso querido amigo JM Ordóñez ao que estaremos eternamente agradecidos polo seu traballo. A continuación deixámosvos os resultados de todos os equipos que conforman a Escola de Fútbol do FC Camariñas ademáis dun video do espectacular encontro de fútbol sala desputado polos benxamíns do FC Camariñas fronte ao Manuela Rial de Cee.

Moi Boa xornada a deste fin de semana para a Escola de Fútbol do FC Camariñas. Os rapaces da canteira do equpo da Vila das Palilleiras caseque lograron o pleno de victorias nunha intensísima semana no que podíamos destacar a gran victoria dos nsosos alevíns diante do Carnota por 6 a 2. Tamén resaltar a contundente victoria dos prebenxamíns que se estreaban na competición oficial por un total de 10 a 0 contra un Seaia que comezaba a súa andadura nesta categoría. E xa sen tempo de descansar comeza outra xornada de fútbol sala par os pequenos do FC Camariñas cunha emocionantísima xornada na que este mércores se desputarán ata tres partidos no Pavillón Municipal de Camariñas e dos cales daremos conta neste seguimento semanal aos rapaces da Escola de Fútbol do FC Camariñas.

Comezamos unha nova serie deportiva nesta web que terá como cometido dar a coñecer ao gran público deportivo tanto os resultados coma as noticias relevantes da Escola de Fútbol do FC Camariñas. Os nenos e nenas do Camariñas tiveron unha xornada pasada por auga e frío neste derradeiro fin de semana do 19 de xaneiro de 2019 e conseguiron dispares resultados ante duros adversarios que vos adxuntamos ao final desta noticia. Como noticia destacada apuntar que os bravos prebenxamíns do FC Camariñas comezan este próximo fin de semana a súa respectiva liga regular, xa que ata o de agora tan só xogaban partidos amistosos preparatorios. Os pre, arroupados polos seus pais, tiveron unha pretempada espectacular en canto a xogo e resultados, poñéndose en cabeza para ser outro ano máis firmes candidatos a finalizar a liga nos primeiros postos da taboa. E ahí estará Camarinas.eu para comentar todo o que aconteza semana a semana coa Escola de Fútbol do FC Camariñas.

Como xa comentáramos en anteriores crónicas, a Escola de Fútbol do FC Camariñas ven de comezar nas derradeiras semanas o seu novo periplo na liga de fútbol infantil da costa e está deixando grandes sensacións. Agora incluso sumando un novo equipo de benxamíns ás demáis categorías existentes. Tal e como acontecera o ano pasado, onde no seu debut os prebenxamíns do FC Camariñas conseguiron con gran traballo o doblete gañando o título de liga e copa, os nosos pequenos futbolistas están a desplegar un bo xogo e un sentido do fútbol que parece innato nestes rapaces, demostrando deste xeito que a canteira do fútbol en Camariñas está máis viva que nunca. E aínda que algún que outro directivo da sección senior pareza que vive noutra realidade paralela aquí, nesta humilde escoliña de fútbol, se está a demostrar unha tremenda efectividade na xestión das categorías inferiores e potenciando o que realmente importa nun equipo dun pobo de caseque 3000 habitantes: a canteira e nada más que a canteira.

Hai varias semanas que daba comezo os partidos previos ao comezo da liga regular dos prebenxamíns da Escola de Fútbol do FC Camariñas. Os pequenos futbolistas do Camariñas, auténticos jabatos futboleiros levados en volandas polo seu adestrador Ordoñez e os seus familiares, sorprenden tanto en xogo de equipo desplegado como en determinación en todos e cada un dos campos aos que asisten para desputar os partidos da súa categoría. No derradeiro partido amistoso desputado polos prebenxamíns do FC Camariñas foron quen de impoñer o seu preciso xogo con maxia e toque ante o xigante deportivo e exemplo de xestión dos equipos da Costa da Morte: A Escola de Fútbol do Dumbría. Alí nas impoñentes instalacións deportivas do Conco en Dumbría o futuro do fútbol camariñán poñía as bancadas en pe desplegando un xogo magnífico e, a pesar de que ao final a mala sorte lles impedíu levarse un resultado positivo, os nosos pequenos acabaron o partido festexando o bo xogo desputado. E aínda que o resultado nestes casos é o menos importante, estamos seguros de que ao comezo da liga estes pequenos futbolistas camariñáns verán recompensado todo o esforzo que están a levar a cabo con moitos goles e moitas victorias. Bravo rapaces!! Vamos Camariñas!

¿Algún dos nosos queridos lectores sabe os quilómetros que hai dende Camariñas ata Muros? Pois aquí, os nenos da Escola de Fútbol do FC Camariñas sábeno ben: preto de 70 km ida e outros tantos de volta, e non de autopista, se non de escarpadas carreteiras secundarias cheas de baches e de curvas que fan que os nenos cheguen caseque a tombos para xogar o seu deporte favorito. E fano nos coches dos seus pais, que teñen que deixar de traballar para levar aos seus fillos a practicar o seu deporte favorito. Un caso único en toda a provincia e dos poucos de Galicia. Aínda así, ahí están unha ducia de pais mantendo toda a infraestructura que conleva unha canteira cas axudas de dous pares de empresas e toda a ilusión duns nenos. Esta ilusión é o que realmente fai que se manteña viva a Escola de Fútbol do FC Camariñas e que fará que sobreviva a todas as adversidades.

Se na categoría senior o río baixa totalmente revolto e todo apunta a que, se non cambia a tendencia, a próxima temporada o Camariñas xogará en terceira rexional (o nunca visto), todo o contrario acontece na Escola de Fútbol do FC Camariñas que non para de dar boas novas. Desta volta temos que dar constancia da elección por parte do corpo técnico encargado da Selección de FS da Costa da Morte de ata catro rapazas do Concello de Camariñas destinadas a formar parte deste combinado. De entre estas atléticas féminas podemos atopar tres futoblistas que pertencen á categoría alevín da Escola de Fútbol do FC Camariñas (Nerea, Iria e Laura) e unha pertencente ao poderoso club de fútbol feminino, antes de Vimianzo e agora de Dumbría, Fisober (Lara). Deste xeito vese recompensado todo o traballo destas rapazas así como do corpo técnico do FC Camariñas e pon de relieve que si se fan as cousas ben, con unha continuidade no traballo e unha boa xestión deportiva os resultados acaban chegando. Noraboa a todas estas rapazas polo éxito acadado. Noraboa.

Xornada dispar no acontecido esta fin de semana do FC Camariñas no que a resultados se refire. Mentras as dúas categorías superiores colleitaron sendas derrotas os cadetes, benxamíns e prebenxamíns conseguiron salvar os muebles con resultados moi positivos e desputando os encontros cun xogo por momentos brillante. Os maiores, a pesar de xogar un fútbol moi directo e ofensivo con ocasións bastante claras de gol non puderon transformar esa superioridade no marcador contra un Ponteceso que asestou un duro correctivo aos de Tono primeiro cun gol a finales da primeira parte e logo, xa o Ponteceso totalmente replegado en defensa, cun contragolpe mortal. Así e todo os senior non deben deixarse desmotivar e teñen que poñerse as pilas rapidamente para o un próximo encontro vital para manter as esperanzas de rematar unha liga decentemente contra un Sporting Zas que está na mesma loita que os nosos.

As categorías benxamín e biberón do FC Camariñas estreáronse esta semana nas súas respectivas ligas. Os máis pequeniños do club camariñán tiveron unha posta de gala no Pavillón Municipal de Camariñas fronte aos pequerrechos do Cee que se levaron a victoria. A pesar de todo hai que recoñecer o gran traballo dos rapaciños e rapaciñas camariñáns que lograron anotar 4 auténticos golazos. Finalmente o resultado final foi de 4 a 9 a prol do conxunto visitante. O próximo partido dos biberóns, que supoñen a base do futuro máis inmediato da canteira do FC Camariñas, está aínda por determinar, dato do cal daremos conta na nosa páxina de Facebook próximamente. Esperemos que todos os responsables, tanto directivos como deportivos estean á altura para lograr unha boa cimentación desta sección de biberóns que son, como dicíamos, o futuro máis inmediato que fará que esta escola de fútbol cuaxe realmente. Nas súas mans está.

Pese a ter menos de uns meses de vida, a Escola de Fútbol do FC Camariñas está a colleitar cada día mellores resultados deportivos. O traballo alineado e serio tanto da directiva, equipo técnico, pais e chavales dos diversos equipos comeza a dar os froitos que asegurarán o futuro do fútbol base dentro do noso concello. E nese sentido é por onde se está a traballar máis arreo dende o club que ve, moi acertadamente, que con esta forma de entender un deporte de masas como é o fútbol consíguense máis éxitos que co xa descartado sistema de fichaxes que levou ao borde da quiebra a tantos conxuntos ao longo do territorio galego. E Camarinas.eu, consciente do duro traballo que se está a facer dende o FC Camariñas e os pais de moitos dos nenos para levar a cabo a consolidadción do proxecto, aquí está tamén para aportar o seu gran de area.

O partido que enfrontaba ao FC Camariñas contra o Baiñas no municipal de Vimianzo fui un dos que mellor fútbol puidemos ver dos nosos, pero no que a sorte outra vez non estuvo do lado dos camariñáns. Adiantábase o Baiñas nos primeros minutos cun gol tempraneiro do dianteiro Javi, aínda que era o Camariñas o que estaba poñendo todo o fútbol e tiña a posesión so esférico pero sin poder batir a portería rival. Lograba o merecido empate para os nosos o senegalés Soule no comenzo do segundo tempo, e entón o FC Camariñas buscaba sen piedade o segundo gol para adiantarse definitivamente no marcador pero que non daba chegado. O Baiñas, replegado e defendéndose como gato panza arriba en intentabao de vez en cando á contra ata que nun fallo noso cando o baiñes Pablo Muiño marcaba o segundo para o equipo de soneira, nun partido que polo menos os nosos mereceron empatar. O mais positivo fui o bo partido que fixeron os nosos xogadores, con toques de xenialidad e os más de 50 siareiros Camariñáns que se desprazaron ata Vimianzo para ver un encontro que non pararon de animar en ningún momento e que levou en volandas ao seu equipo. Lástima de non poder adeicarlle un resultado mellor ao final. Na seguinte xornada o FC Camariñas terá unha boa oportunidade para volver a senda do triunfo no seu estadio fronte a un Lira que non pasa por un bo momento.

A labor seria e responsable de todo o corpo técnico, directiva e nais e pais comeza a dar os seus primeiros froitos. Despois do gran traballo que resultou coa consecución da Escola de Fútbol do FC Camariñas os nenos desta gran familia ven recompensado o seu esforzo. Este mércores festivo, primeiro de novembro de 2017, os benxamíns do FC Camariñas enfrontábanse ao pequenos do Carnota no Estadio Municipal Hermanas Patiño. Alí, no mítico céspede camariñán que deu tantas e tantas alegrías a todo un pobo, os nenos da canteira conseguiron o seu primeiro triunfo despois dun desputado partido que rematou en victoria dos nenos do FC Camariñas. Un gran triunfo dos nosos nenos que poñe de manifesto que un clube unido no que todos traballan e reman nunha mesma dirección acaba finalmente conquerindo resultados positivos. Aínda así é vital recalcar que o máis importante de todo este traballo que se está a levar a cabo tanto por parte de todos os integrantes do FC Camariñas como dos pais e nais dos nenos, son os valores que se lle están a inculcar aos alumnos da escola de fútbol por parte do corpo técnico: amor polo deporte, respeto polo rival, compañeirismo, traballo, dedicación e sacrificio. Valores que están sendo aplicados polos nenos no deporte que aman e que seguro serán adaptados na súa vida cotidiá. Por eso hai que estar orgullosos de todos eles. Noraboa campeóns!

Na tarde deste mércores 25 de outubro de 2017 o xogador da categoría xuvenil do FC Camariñas Christian Carballido lesionábase gravemente nun golpe fortuito. Aínda que ao principio pensábase só nun susto máis ben producido por un golpe superficial co paso dos minutos e co dolor do rapaz que non viña a menos tivo que chamarse a unha ambulancia que trasladou ao xogador ata o Hospital Comarcal de Cee. Alí os facultativos confirmaban a gravidade do golpe aínda que están pendentes de realizar as últimas probas que determinen exactamente o alcalce da lesión. Christian saía do hospital horas despois coa súa perna esquerda totalmente vendade e terá seguramente varios meses de recuperación. É por iso que a directiva, corpo técnico e xogadores en pleno do FC Camariñas queren amosarlle o seu cariño e ofrecerlle este domingo antes do partido que enfrontará ao FC Camariñas contra o Zas, unha homenaxe ao xogador camariñán para que se recupere canto antes e volva a xogar ao seu deporte favorito no seu equipo da alma. E dende esta redacción tamén queremos mostrar todo o noso apoio a Christian para que se recupere o antes posible. Moita forza Christian!

Xornada negativa para todas as categorías do FC Camariñas que recibían duros correctivos de norte a sur polos campos da Costa da Morte. Dende Ponteceso ata Fisterra pasando polo propio estadio dos nosos que terán que volver a tomarse tempo para reflexionar e resolver desaxustes. Pero non todo foi negativo nesta xornada da fin de semana do 22 de outubro xa que dous xogadores da categoría cadete do FC Camariñas, Erik e Mario, foron convocados pola recentemente creada selección da Costa da Morte para comezar os seus adestramentos. ein dúbida un gran recoñecemento que a federación da ao paso dado pola directiva e técnicos do FC Camariñas pola importante decisión de crear desde cero a escola de fútbol do clube da vila das palilleiras. Noraboa a toda a directiva, pais e nais, e corpo técnico pero sobretodo noraboa aos grandes xogadores Erik e Mario.

"Pero vamos a ver: Dumbría... ¿quen coñece Dumbría?" Esta desafortunada frase que se fixo popular na vila dos encaixes hai uns cantos anos debería estar desterrada xa de por vida do vocabulario camariñán de agora en adiante. Especialmente despois de ver como se organiza un club multidisciplinar levado en volandas por un concello volcado en todos e cada un dos deportes de base nos cales participan os seus pequenos cidadáns. Contando para elo cunhas instalacións máis propias dunha organización deportiva de renome internacional que dunha olvidada parroquia entre a Costa da Morte e a comarca do Xallas. Así e todo, e pese a todos os inconvenientes de estar no medio da nada, este concello xunto aos seus cidadáns souberon prepararse exemplarmente e formar unha división deportiva dunha serie de deportes que é a envexa de toda a provincia da Coruña. Entre eses deportes cabe destacar a xestión que levan a cabo do fútbol nese mesmo concello, un verdadeiro exemplo de exitosa xestión da canteira que é a envexa, xa non da comarca, se non que o é de media Galicia. Así o pudo comprobar a delegación de pais e nais camariñáns que acompañaron aos seus nenos no primeiro partido oficial da Escola de Fútbol do FC Camariñas que desputaron este sábado 14 de outubro fronte ao todopoderoso CF Dumbría.

Partido igualado o xogado este sábado 14 de outubro no Hermanas Patiño entre os xuvenís de dous equipos cunha gran rivalidade. O FC Camariñas enfrontábase aos Miúdos nun partido moi disputado que ao final resultou en taboas. Catro a catro, ese foi o marcador co que se chegaba ao final do encontro entre estes dous equipos que loitaron ata o final para conseguir os tres puntos, nunha primeira parte donde os miudos saíron mellor e tuveron as ocasións máis claras, e cun camariñas que lle costou entrar no partido ata o 1-2. Gol que foi quen de subir ao marcador o dianteiro camariñán Adrián xusto antes de que o árbitro da contenda dera por finalizada a primeira metade deste vertixinoso encontro.

Outro día histórico para o fútbol na vila dos encaixes. Si o domingo 1 de outubro de 2017 foi memorable para o deporte da Costa da Morte coa presentación da Escola de Fútbol do FC Camariñas na que se integran preto de 80 nenos e nenas, a xornada deste sábado 9 de outubro quedará para a historia coa consecución do primeiro partido oficial desta canteira futbolística. Os encargados de inaugurar o banquiño eran os nenos da categoría benxamín do FC Camariñas que, adestrados polo monitor da categoría e formación coma Luis Rodríguez Luaces, se enfrontaron no Campo da Lagarteira a un histórico do fútbol da costa como o UC Cee.