Entroido 2018

  • Cartel do Enterro da Sardiña 2018 en Camariñas

    Este sábado 17 de febreiro conclúe definitivamente o exitoso carnaval 2018 organizado polo Concello de Camariñas. E remata co sempre carcaxeante Enterro da Sardiña que organiza o concello coa colaboración  das "Choronas" e da ANPA do Colexio O Areal de Camariñas. Será a partires das 17:00 horas cando se vele a fenecida sardiña na Casa de Pedra para, acto seguido, marchar en fúnebre procesión acompañados da Charanga BB+ cara á Praza do Mercado onde se celebrará o enterro definitivo ao mesmo tempo que se degusta un chocolatiño ben quente. Deste tradicional xeito damos por rematado aquí en Camarinas.eu un entroido 2018 espectacular, con festas e actos celebrados en todas as parrquias do concello e cun impresionante concurso de comparsas que congregou a preto de un milleiro de persoas no pista 2 do Pavillón municipal de Camariñas. Un gran traballo dende o Concello de Camariñas e, sobretodo, dende a Concellalía de Cultura que dirixe o xaviñán Sergio Caamaño. Noraboa.

  • Impresionante concurso de comparsas de entroido do Concello de Camariñas

    A pista 2 do Pavillón Municipal de Camariñas quedouse pequena para a inmensa cantidade de persoas que se daban cita nas instalacións deportivas para ver o espectáculo programa do pola concellalía de cultura do concello. Preto de 900 persoas que, a pesares da intensa chuvia que caía na tarde deste martes de carnaval en Camariañs, abarrotaban o recinto para ver ata 7 sensacionais comparsas que competían para levarse o primeiro e segundo premio. Entre todas elas o xurado tivo bastante traballo na súa deliberación para provlamar os dous primeiros clasificados que se levarían os xugosos premios. Finalmente foi a multitudinaria comparsa de Vimianzo, na que participan tamén varios integrantes do concello de Camariñas, "Secretos do Xardín" a que se levou os 500 euros de premio. O grupo de amigos da Ponte do Porto que formaba parte da comparsa "Dioses de Egipto" conseguía levar o segundo premio dotado con 300 euros. Finalmente lembrar que todas e cada unha das compañías participantes foron agasalladas cunha merecida recompensa de 200 euros para sufragar dalgún xeito todo o traballo desenrolado para participar neste espectacular concurso de comparsas organizado pola concellalía de cultura do Concello de Camariñas. Noraboa!

Opinión e editoriais

Etiquetas populares

Area da Vila 1 Obras en Camariñas 1 Paseo Marítimo de Camariñas 1 Lingunde 1 Senda de Lingunde 1

Artículos aleatorios