• Reciclaxe no Concello de Camariñas

    A única maneira que temos a maioría para cambiar o mundo son as pequenas accións e a reciclaxe está a ser, a día de hoxe, unha das máis importantes para loitar contra o cambio climático. Deste xeito, e para facilitar esta práctica, o Concello de Camariñas ven de asinar un novo convenio coa empresa Collecting Oil S.L. Esta empresa percorrerá as rúas das vilas do municipio a recoller diversos elementos de refugallo para o seu reciclado como son: aceites domésticos (fritidos, conservas, caducados), graxas e manteigas, pilas e baterías, lámpadas (mesmo as de baixo consumo e de tipo LED), electrodomésticos de pequeno tamaño (microondas, torradoras, teléfonos, radios, etc.), consumibles de impresoras, téxtiles e roupa e restos metálicos como, por exemplo, tixolas, moldes, cazarolas, entre outros. O servizo realizarase porta por porta unha vez cada catro meses cun mínimo de tres ao ano polo menos.

    Os veciños e veciñas interesados en este servizo deberán deixar na porta dos seus domicilios un recipiente de plástico cos aceites e graxas e unha bolsa pechada cos residuos domésticos no día fixado.

     

    FolletoTriptico_recollida_aceite_2021_page-0002.jpg

  • Torneo de xadrez no Concello de Camariñas

    Nos pasados días 3 e 4 de Xullo disputouse o I Torneo Concello de Camariñas sub2200 de xadrez. Válido para o Elo FIDE e FEDA o torneo tivo 6 roldas e repartiu 1.000 euros en premios ademais dos trofeos para os gañadores. Deste xeito, o evento foi o cume do campamento de xadrez que tivo lugar en Camariñas dende o 28 de Xuño até o domingo 4 de Xullo con un total de 17 participantes.

  • O concello une ao fútbol camariñán nunha escola para os nenos

    O Concello asina un convenio de colaboración cos clubs de Camariñas para a creación dunha escola de fútbol. Reuníronse a alcaldesa, Sandra Insua; o presidente do Camariñas C.F., Vicente Carril; o presidente do club Porteño C.F., Manuel Castiñeira; o presidente do Camelle S.D., Luis Romaní; e o presidente do club As Baleas, Vicente Castiñeira. A xestión da escola de fútbol formativa correrá a cargo de Juan Cabrejo Pasantes, que levará a cabo a parte técnica e administrativa de todas as categorías inferiores. As categorías a desenvolver nesta unificación van desde Biberón e ata cadetes, ambas incluidas. Ditas categorías competirán tanto en fútbol como en fútbol sala. Sandra Insua destacou “a importancia deste convenio para todos os nenos e nenas de Camariñas amantes deste deporte e que a partir de agora non terán que desprazarse a Concellos limítrofes para xogar ao fútbol”.

  • Comezan as titorías do MerCamariñas

    Esta semana comezaron as titorías presenciais nas tendas adheridas ao “MerCamariñas”, proxecto que xorde dende o Concello de Camariñas para axudar ao comercio local a adaptarse a venta online mediante unha central no dominio web www.mercamarinas.com.

  • Aprobada a renovacións das luminarias do campo municipal “Irmás Patiño”.

    Na Xunta de goberno local de hoxe, xoves 11 de Marzo, o Concello de Camariñas aprobou o proxecto para a renovación da iluminación do campo de fútbol “Irmás Patiño”. Este conta cun orzamento de 39.974,90 euros e está financiado a través do Plan Único da Deputación da Coruña.

    O proxecto consiste na substitución das catro luminarias que ten cada unha das torres engadindo dúas máis a maiores a cada unha delas. Os novos focos luminosos serán de tecnoloxía LED o que permitirá unha mellor visibilidade nas instalacións, ademais de producir un aforro de aproximadamente un 73% con respecto as luminarias predecesoras.

  • Da comezo a iniciativa “Actividade Física Saudable”

    O Concello de Camariñas pon en marcha a iniciativa “Actividade Física Saudable” que xorde coa intención de dar a oportunidade de facer deporte de forma presencial e guiada por un monitor a tódalas persoas que queiran desenvolver actividade física.

    As actividades repartiranse en dous bloques de idade: un irá dende 18 até 60 anos e outro estará destinado a persoas maiores de 60. Ao mesmo tempo, estas realizaranse por parroquias, en grupos de catro persoas e seguindo as restricións marcadas polas autoridades sanitarias.

    Deste xeito, os interesados/as poden inscribirse neste programa a partires de mañá, día 9 de Marzo, até o próximo 15 deste mesmo mes mediante o correo electrónico Este enderezo de correo está a ser protexido dos robots de correo lixo. Precisa activar o JavaScript para velo. ou ben chamando ao teléfono 665 134 152, de luns a venres en horario de 9 a 14 horas. Para esta inscrición o solicitante terá que facilitar o seu nome e apelidos, a data de nacemento, a parroquia de preferencia (Camariñas, Camelle, A Ponte ou Xaviña) e a quenda na que prefire asistir (mañá ou tarde).

  • Este sábado Andaina Coñece a Costa da Morte por Camariñas

    O sábado día 18 de abril desenvolverase en Camariñas a cuarta das Andainas “Coñece a Costa da Morte”. O roteiro de Camariñas “ Coñece Camiños” partirá como aparece na in formación, da Plaza do Concello e percorrerá Camiños á beira da Ría de Camariñas e chegará á parroquia de Xaviña e alí gozarase dunha vistas extraordinarias dende o Monte da Ínsua , para rematar na Área Recreativa do Ariño. 
  • A xornada futbolística de Juanillo - 7 de setembro de 2014

    Comezou a xornada na Liga da Costa, a segunda rexional, e o que é unha xornada positiva podemos decir que non foi, tan só o Porteño foi quen de sumar un empate a domicilio mentres que tanto o Camariñas como o Camelle, perderon os seus encontros nesta xornada inaugural. O conto non é como empeza e si como acaba, polo tanto vamos a esperar o devenir da competición para esperar que os nosos cumplan os seus obxetivos.