Este sábado 18 de maio esta redacción era coñecedora da triste noticia que anunciaba a defunción do querido veciño da Ponte do Porto Don Manuel Dopazo López aos seus 90 anos de idade. O corpo sen vida de Don Manuel está sendo velado no Tanatorio Parroquial da Ponte do Porto, dende onde sairá cara a Igrexa de San Pedro ás 16:45 da tarde deste domingo 19 de maio. Xa no sagrado templo porteño será celebrado o funeral de corpo presente pola alma de Don Manuel para, acto seguido, ser realizado o seu sepelio no Cemiterio da Ponte do Porto onde os restos mortais de Don Manuel terán merecido descanso eterno. Vaia dende esta redacción as nosas máis sinceiras condolencias a toda a familia e amigos de Don Manuel Dopazo López. Descanse en Paz.

Na noite deste mércores 24 de abril de 2019 deixaba este mundo na súa casa o querido veciño de Dor Don Emilio Alborés Ferreiro aos seus tempranos 63 anos de idade despois dunha dura loita contra unha terrible enfermidade. O corpo sen vida de Emilio do Copero, tal e como era cariñosamente coñecido en todo o Concello de Camariñas, está sendo velado no Tanatorio de San Pedro da Ponte do Porto, dende onde sairá cara a Igrexa Parroquial da vila Porteña ás 18:45 da tarde deste xoves 25 de abril. Xa no sagrado templo da Ponte do Porto será celebrado o funeral de corpo presente pola alma de Don Emilio para, acto seguido, ser celebrado o seu sepelio no Cemiterio Veciñal da Ponte do Porto onde os restos mortais deste querido veciño terán merecido descanso eterno. Vaia dende esta redacción as nosas máis sinceiras condolencias a toda a familia de Don Emilio e darlle o noso cariño nestes duros momentos que están a pasar. Descanse en Paz.

Na tardiña deste venres 29 de marzo a redacción desta web recibía a triste noticia da defunción da querida veciña da Ponte do Porto Dona Junquera Souto Baña aos seus 78 anos de idade. Ocorpo sen vida de Dona Junquera están sendo velados no Tanatorio Parroquial de San Pedro da Ponte do Porto, dende onde sairán cara a Igrexa de Santiago de Cereixo ás 17:45 da tarde deste sábado 30 de marzo. Xa no sagrado templo de Cereixo será celebrado o funeral de corpo presente pola alma de Dona Junquera para, acto seguido, procederse á realización do seu sepelio no emiterio de Cereixo onde os restos mortais desta estimada veciña terán merecido descanso eterno. Vaian dende esta redacción as nosas máis sinceitas condolencias a toda a familia e amigos de Dona Junquera Souto Baña. Descanse en Paz.

Este final de inverno 2019 está sendo especialmente tráxico en canto a defuncións acaecidas en todo o concello de Camariñas. Desta volta temos que dar conta da triste noticia da defunción da querida veciña da Ponte do Porto Dona Elisa Fandiño Pose aos seis 85 anos de idade. O corpo sen vida de Dona Elisa está sendo velado no Tanatorio Parroquial de San Pedro da Ponte do Porto, dende onde sairá cara a homónima igrexa ás 15:00 horas da tarde deste 1 de marzo de 2019. Xa no sagrado templo porteño será celebrado o funeral de corpo presente pola alma de Dona Elisa para, acto seguido, ser realizado o sepelio desta querida veciña no Cemiterio Veciñal da Ponte do Porto. Vaia dende esta redacción as nosas máis sinceiras condolencias a toda a familia e amigos de Dona Elisa. Que Deus noso señor a teña na súa gloria. DEP.

Na noite deste sábado 23 de febreiro de 2019 falecía na súa casa o querido veciño da Ponte do Porto Don Manuel Pereira Álves aos seus 88 anos de idade. Era tamén Don Manuel moi coñecido por ser o viúvo de Dona Águeda, finada veciña da Ponte do Porto. O corpo sen vida de Don Manuel está sendo velado na sala 1 do Tanatorio Parroquial da Ponte do Porto, dende onde sairá cara a Igrexa de San Pedro ás 11:45 da mañá deste luns 25 de febreiro de 2019. Xa no sagrado templo porteño será celebrado o funeral de corpo presente pola alma de Don Manuel para, acto seguido, procederse ao seu sepelio que será realizado no Cemiterio Veciñal da Ponte do Porto onde os restos de Don Manuel terán merecido descanso eterno. Vaia dende esta redacción as nosas máis sinceiras condolencias a toda a familia e amigos de Don Manuel Pereira Álves. Descanse en Paz.

Na mañá deste luns 18 de febreiro, a redacción desta web recibía aflixida a triste noticia da morte do querido veciño da Ponte do Porto Don Jesús Suárez Pérez aos seus 76 anos de idade. O corpo sen vida de Don José, tamén moi coñecido por ser o viúvo de Dona Maruja do Roldán, está sendo velado no Tanatorio Parroquial de San Pedro da Ponte do Porto, dende onde sairá cara a igrexa parroquial da vila porteña ás 16:45 da tarde deste martes 19 de febreiro. Xa no sagrado templo porteño será celebrado o funeral de corpo presente pola alma de Don Jesús para, acto seguido, procederse á realización do seu sepelio no Cemiterio Veciñal da Ponte do Porto. Dende Camarinas.eu queremos dar as nosas máis sinceitas condolencias a toda a familia e amigos de Don Jesús Suárez Pérez nestes momentos tan duros que están a pasar. Descanse en Paz.

Volve a golpear outra vez a traxedia na nosa querida Rúa Barrosas da Ponte do Porto. Xa perdéramos a conta da terrible vaga de mortes repentinas que está a sucederse sen solución de continuidade en todo o concello cando hoxe volve a asolarnos a terrible noticia da fulminante morte do noso querido amigo Don José Méndez Méndez aos seus tempranos 60 anos de idade. O corpo sen vida de "O Méndez de Braño", tal e como era cariñosamente coñecido en toda a vila porteña, está sendo velado na sala 1 do Tanatorio Parroquial de San Pedro da Ponte do Porto, dende onde sairá cara a igrexa parroquial da vila porteña ás 15:45 da tarde deste venres 15 de febreiro de 2019. Xa no sagrado templo de San Pedro será celebrado o funeral de corpo presente pola alma de Don José para, acto seguido, procederse a realización do seu sepelio no Cemiterio Veciñal da Ponte do Porto. Vaise deste xeito tan repentino como triste e inesperado toda unha institución do fútbol na Costa da Morte chegando a desempeñar numerosas funcións no seu amado equipo do CF Porteño dende xogador, a presidente pasando por directivo e responsable doutras áreas, pero sempre comprometido ao máximo co seu pobo e co seu equipo da alma que sen dúbida quedará durante moito tocado moralmente e aos que dende aquí queremos apoiar nestes duros momentos. Dende esta redacción queremos expresar a nosa máis sinceira condolencias a toda a familia e amigos de Don José Méndez Méndez. Descanse en Paz.

Sigue este incesante e terrible goteo de defuncións de xente realmente xoven que asolan todo o concello. Na tarde deste mércores 6 de xaneiro de 2019 esta redacción era notificada por parte dun familiar da morte do estimado veciño da Ponte do Porto don Manuel Tajes Parga aos seus 60 anos de idade despois dunha larga loita contra unha enfermidade que ao final levouse a vida deste querido veiño das Barrosas. O corpo sen vida de Don Manuel, máis coñecido en toda a vila porteña por Manuel "O Caseiro" irmán da nosa querida amiga María de Nivos, está sendo velado no tanatorio coruñés Albia sito no Polígono da Grela na cidade herculina onde "O caseiro" residía xunto á súa familia. Dende alí sairá este xoves 7 de febreiro cara a súa querida vila natal da Ponte do Porto onde será celebrado o seu funeral de corpo presente ás 16:00 horas na Igrexa Parroquial de San Pedro da Ponte. Acto seguido procederase a realización do seu sepelio no Cemiterio Veciñal da Ponte do Porto onde os restos mortais de Don Manuel O Caseiro terán merecido descanso eterno. Dende esta redacción queremos dar as nosas máis sinceiras condolencias a toda a familia e amigos de Don Manuel Tajes Parga e ofrecerlles o noso abrazo nestes duros momentos que están a pasar. Descanse en Paz.

Seguimos a recibir tráxicas noticias dende a nosa querida parroquia da Ponte do Porto. Na tarde deste 19 de decembro de 2018 falecía na súa casa a querida veciña da Ponte do Porto Dona Agita Fernández Pereira aos seus 86 anos de idade. Os restos mortais de Dona Agita están sendo velados no Tanatorio Parroquial de San Pedro da Ponte do Porto, dende onde sairán cara a Igrexa Parroquial da vila Porteña ás 17:15 horas deste xoves 20 de decembro. Xa no sagrado templo de San Pedro será celebrado o funeral de corpo presente pola alma de Dona Agita para, acto seguido, realizarase o seu sepelio no Cemiterio Veciñal da Ponte do Porto donde os restos mortais desta querida veciña terán merecido descanso eterno. Vaia dende esta redacción as nosas máis sinceiras condolencias a toda a familia e amigos de Dona Agita Fernández Pereira. Descanse en Paz.

Na mañán deste 18 de decembro de 2018 deixaba este mundo na cidade da Coruña a querida veciña da Ponte do Porto Dona Carmen Méndez Camiño aos seus 90 anos de idade. Carmen de Hilario, moi querida e respetada por todos e cada un dos seus veciños da emblemática Rúa Curros da Ponte, está sendo velada no Tanatorio Parroquial de San Pedro da Ponte do Porto, dende onde sairá ás 15:45 da tarde deste mércores 19 de decembro cara a Igrexa Parroquial de San Pedro da Ponte do Porto. Xa no sagrado templo porteño será celebrado o funeral de corpo presente pola alma de Dona Carmen para, acto seguido, ser realizado  o sepelio onde os restos mortais desta querida veciña da Ponte do Porto terán merecido descanso eterno. Dende esta redacción queremos expresar as nosas máis sinceiras condolencias a toda a familia e amigos de Dona Carmen Méndez Camiño. Descanse en Paz.

Triste día de novembro para a Ponte do Porto: unha das súas figuras senlleiras, Ramón Dios Díaz de Tudanca, pai do noso gran amigo e colaborador de Camarinas.eu Moncho de Dios, pasaba a mellor vida este sábado 17 de novembro do ano do Noso Señor de 2018. Falecía Don Ramón aos seus 91 anos, rodeado do cariño dos seus e do respeto de toda a vila porteña. O funeral de corpo presente terá lugar este luns19 de novembro na Igrexa Parroquial de San Pedro da Ponte do Porto as 16:00 horas previa saída do tanatorio 15 minutos antes. Alí sen dúbida congregarase a maior parte da sociedade da vila do Río Porto para tributar o seu derradeiro adeus a este gran porteño. Esta redacción, como toda a Ponte do Porto, envía á súa familia un forte abrazo e un sentido pésame. Ramón Dios Díaz de Tudanca, Descanse En Paz.

Este sábado 10 de novembro de 2018 deixaba este mundo o querido veciño da Ponte do Porto Don José Trillo Pérez aos seus 91 anos de idade. O corpo sen vida de don José, persoa moi coñecida e estimada en toda a localidade porteña, está sendo velado na sala 1 do Tanatorio Parroquial de San Pedro da Ponte do Porto dende onde sairá cara a Igrexa de San Pedro ás 15:45 para ser celebrado o seu funeral de corpo presente. Acto seguido procederase a realizar o seu sepelio no Cemiterio Veciñal da Ponte do Porto, onde os restos mortais de Don José Trillo Pérez terán merecido descanso eterno. Dende esta redacción queremos dar o noso máis sentido pésame a toda a familia e amigos de Don José. Descanse en Paz.

Continúa o incesante e tráxico goteo de defuncións que asolan a todo o noso concello. Desta volta temos que dar conta da morte dunha das persoas máis lonxevas de todo o municipio. Estamos a falar de Dona Ascensión Ramos Lema que falecía na mañán deste martes 22 de maio de 2018 aos seus 103 anos de idade na súa casa da Ponte do Porto. Dona Sensión, como era cariñosamente coñecida en toda a nosa querida parroquia porteña, está sendo velada no Tanatorio Parroquial da Ponte do Porto, dende onde sairá cara a Igrexa Parroquial de San Pedro ás 16:15 da tarde deste mércores 23 de maio. Alí, no sagrado templo da Ponte do Porto o noso querido páter Don Eduardo oficiará o funeral de corpo presente de Dona Ascensión para, acto seguido ser trasladados os restos mortais dunha das persoas máis lonxevas de todo o Concello de Camariñas cara o Cemiterio Veciñal de San Pedro onde esta admirada e respetada veciña porteña terá merecido descanso eterno. Vaia dende esta redacción as nosas máis sinceiras condolencias a toda a familia e amigos de Dona Ascensión Ramos Lema. Descanse en Paz.

Na tarde deste luns 14 de maio de 2018 falecía na súa casa o querido veciño da Ponte do Porto Don Jorge Velo Bouzas aos seus 70 anos de idade. Don Jorge, coñecido por ser na súa xuventude integrante como exitoso vocalista de famosas orquestras de toda a Costa da Morte, está sendo velado no Tanatorio Parroquial da Ponte do Porto dende onde sairán os seus restos mortais ás 16:15 da tarde deste martes 15 de maio cara a Igrexa Parroquial de San Pedro da Ponte do Porto. Xa no sagrado templo porteño será celebrado o funeral de corpo presente por este querido veciño para, acto seguido, prcederse a realizar o seu sepelio no Cemiterio Veciñal da Ponte do Porto onde o corpo sen vida de Don Jorge terá merecido descanso eterno. Vaia dende esta redacción as nosas máis sinceiras condolencias a toda a familia e amigos de Don Jorge Velo Bouzas especialmente á súa Dona Dolores así como aos seus fillos e amigos desta redacción Jorge e Eva Velo Rey. Descanse en Paz.

Na tarde noite deste mércores 9 de maio de 2018 a redacción desta we recibía a triste noticia da defunciónda querida veciña da Ponte do Porto Dona Pastora Leis Sambade aos seus 88 anos de idade. O corpo de Dona Pastora, querida e respetada veciña da parrquia porteña, está sendo velada no Tanatorio Parroquial de San Pedro da Ponte do Porto dende onde sairá cara o templo católico da Ponte do Porto ás 16:15 da tarde deste xoves 10 de maio de 2018. Alí, xa na Igrexa Parroquial de San Pedro da Ponte do Porto, será celebrado o funeral de corpo presente por Dona Pastora para, acto seguido, ser realizado o sepelio no Cemiterio Veciñal da localidade porteña onde os restos mortais desta querida veciña da Ponte terá merecido descanso eterno. Vaia dende esta redacción as nosas máis sinceiras condolencias a toda a familia e amigos de Dona Pastora Leis Sambade. Descanse en Paz.

Na madrugada deste martes 21 de marzo a redacción desta web recibía aflixida a tráxica noticia da morte de Dona Dolores Canosa Méndez aos seus 84 anos de idade. Dona Dolores, viúva do Portugués de Braño e sogra do Alcalde de Camariñas Pichurri, muller sempre afable, querida e respetada por todos os seus veciños e coñecidos, está sendo velada na sala 2 do Tanatorio Parroquial da Ponte do Porto, dende onde sairá cara a Igrexa de San Martiño de Carantoña ás 15:45 da tarde deste xoves 22 de marzo de 2018. Alí, no sagrado templo da súa vila natal será celebrado o funeral de corpo presente por Dona Dolores para, acto seguido, ser trasladado o féretro cos restos mortais desta querida veciña cara o Cemiterio Parroquial de Carantoña onde terán merecido descanso eterno. Vaia dende esta redacción as nosas máis sinceiras condolencias a toda a familia e amigos de Dona Dolores, especialmente a súa filla Lola e súas netas Estefanía e rosalía. Descanse en Paz.

Duro golpe para a redacción desta web cando a media mañán deste domingo 18 de marzo éramos notificados da morte da querida veciña da Ponte do Porto, e fundadora xunto ao seu home da empresa de materiais de construcción Pérez rey, Dona Yda Rey Moreira aos seus 87 anos de idade. O corpo sen vida de Dona Yda está sendo velado na sala 1 do Tanatorio de San Pedro da localidade porteña que a víu nacer, dende onde sairá cara o templo da Ponte do Porto ás 15:45 da tarde deste luns para ser celebrado o seu funeral de corpo presente. Acto seguido procederase a inhumación do féretro desta exemplar muller porteña no Cemiterio Parroquial da Ponte do Porto onde os restos mortais de Dona Yda terán merecido descanso eterno. Dende esta redacción queremos expresar as nosas máis sinceiras condolencias a toda a familia e amigos de Dona Yda, especialmente ao seu esposo José, unha verdadeira institución vivinte na Ponte do Porto, e aos seus fillos José Enrique, Javier e César xerentes da mítica empresa de materiales da construcción Pérez Rey, así como ás súas esposas Barca, Eva e especialmente a nosa querida amiga e usuaria desta web Pili aos que lles trasladamos toda e forza e ánimos nestes duros momentos. Dona Yda Rey Moreira, Descanse en Paz.

Non paran de sucederse as noticias tráxicas que asolan a nosa estimada parroquia da Ponte do Porto. Na tarde deste mércores 7 de marzo recibíamos a desgraciada noticia da repentina morte do querido veciño da Ponte Don Manuel Dios Rodríguez aos seus 74 anos de idade. O Diosiño, tal e como era cariñosamente coñecido en todo o concello, está sendo velado na sala 2 do Tanatorio Parroquial de San Pedro da Ponte do Porto, dende onde sairá cara o sagrado templo porteño ás 17:15 horas da tarde deste xoves 8 de marzo de 2018 para ser celebrado o seu funeral de corpo presente. Acto seguido procederase a trasladar o féretro de Don Manuel cara ao cemiterio da Ponte do Porto onde o corpo sen vida deste apreciado veciño porteño terá merecido descanso eterno. Vaia dende esta redacción toda a forza e cariño nestes duros momentos que están a pasar a toda a familia e amigos de Don Manuel Dios Rodríguez, Descanse en Paz.

Continúa o incesante goteo de decesos que inundan xa este desgraciado ano 2018. Na tarde noite deste mércores 7 de marzo a redacción desta web tiña coñecemento do pasamento de Don José Ramón Castiñeira Méndez aos seus 85 anos de idade. O corpo sen vida de Pepiño do Fato, como era coñecido cariñosamente en toda tanto na Esquipa como en toda a parroquia porteña, está sendo velado na sala 1 do Tanatorio Parroquial de San Pedro da Ponte do Porto, dende onde sairá cara a Igrexa de Santiago de Cereixo ás 15:45 horas da tarde deste xoves 8 de marzo. Acto seguido procederase a realizar o sepelio deste querido veciño no Cemiterio Parroquial de Cereixo donde os restos mortais de Don José Ramón terán merecido descanso eterno. Vaia dende esta redacción as nosas máis sinceiras condolencias a toda a familia e amigos de Don José Ramón Castiñeira Méndez. Descanse en Paz.

Siguen as malas noticias a chegar á redacción desta web. Esta mesma tarde éramos coñecedores da defunción en Santiago de Compostela de Dona Balbina Castro Romero aos seus 86 anos de idade. Dona Biruca, como era máis coñecida en toda a parroquia de Carnés, está sendo velada na sala 1 do Tanatorio Parroquial de San Pedro da Ponte do Porto, dende onde sairán os seus restos mortais cara a Igrexa de San Cristobo de Carnés ás 15:45 horas da tarde deste mércores 7 de marzo de 2018. Alí no sagrado templo soneirán celebrarase o funeral de corpo presente por Dona Balbina para, acto seguido, ser trasladado o féretro cara o Cemiterio Veciñal de San Cristobo de Carnés donde Dona Biruca terá descanso eterno. Dende esta redacción queremos expresar as nosas máis sinceiras condolencias a toda a familia e amigos de Dona Balbina, especialmente a súa filla e ao seu esposo e gran amigo desta redacción o camariñán Marcial Mouzo Vidal aos cales lles enviamos un forte abrazo e moito ánimo nestes duros momentos que están a pasar. Descanse en Paz.